Categories: Job NotificationMarathi Daily Current Affairs

Daily Current Affairs In Marathi-16 July 2021 | महत्वपूर्ण दैनिक चालू घडामोडी-16 जुलै 2021

दैनिक चालू घडामोडी: 16 जुलै 2021

चालू घडामोडी हा सर्वात महत्वाचा विषय आहे आणि जर आपण आपला वेळ मनापासून समर्पित केला तर आपण या विषयातून खूप चांगले गुण मिळवू शकता. चालू घडामोडींच्या संबधीत MPSC State Service, MPSC Group B, MPSC Group C, Saral Seva Bharati, Talathi, UPSC, SSC, RRB अशा अनेक स्पर्धापरीक्षांमधे बरेच प्रश्न विचारले जातात. हा विषय असा आहे ज्या बदल माहिती असेल तरच आपल्यला परीक्षेत उत्तर देता येतात आणि ते पण खूप कमी वेळात आणि तो वेळ आपण दुसऱ्या प्रशांसाठी लावता येतो. म्हणून या विषयात चांगले गूण मिळवण्यासाठी आपल्यला देशात आणि जगात काय चालले आहे याची माहिती असणे खूप गरजेचे आहे.
येथे आम्ही सर्व वर्तमानपत्रांमधून समकालीन समस्यांचा सारांश आपल्यासमोर सादर करतो, ज्यामुळे आपला वेळ वाचतो आणि आपले ज्ञान वाढते. तर चला 16 जुलै 2021चे सर्व महत्वाचे चालू घडामोडी पाहुयात.

राष्ट्रीय बातम्या

1. पंतप्रधान मोदींनी कौशल्य भारत अभियानाच्या 6 व्या वर्धापनदिनानिमित्त संबोधित केले

पंतप्रधान नरेंद्र मोदी यांनी 15 जुलै 2021 रोजी जागतिक युवा कौशल्य दिन 2021 आणि कौशल्य भारत अभियानाच्या 6 व्या वर्धापन दिनानिमित्त देशाला संबोधित केले.
आपल्या भाषणात पंतप्रधानांनी “नव्या पिढीतील तरुणांचा कौशल्य विकास ही राष्ट्रीय गरज असून स्वावलंबी भारतासाठी तो एक मोठा पाया आहे” असे प्रतिपादन केले.
उद्यमशीलता वाढविण्याच्या उद्देशाने 40 कोटी भारतीयांना कौशल्य प्रदान करणे आणि 2022 पर्यंत अनेक योजना आणि प्रशिक्षण अभ्यासक्रमांच्या मदतीने एक सक्षम मनुष्यबळ तयार करण्याचा प्रयत्न या अभियानाद्वारे केला जात आहे.

2. मुंबई विमानतळ व्यवस्थापनाचे अदानी समूहाकडे हस्तांतर

गौतम अदानी यांच्या नेतृत्वातखालील अदानी समूहाने जीव्हीके समूहाकडून ‘मुंबई आंतरराष्ट्रीय विमानतळ’ व्यवस्थापनाचे अधिग्रहण केले आहे.
या अधिग्रहणामुळे अदानी समूह भारतातील विमानतळ पायाभूत सुविधा कंपन्यांच्या बाबतीत प्रमुख कंपनी बनला आहे.
अशा प्रकारे, अदानी समूह आता सहा विमानतळांचे व्यवस्थापन करीत आहे. अहमदाबाद, लखनऊ आणि मंगळूरु मधील तीन विमानतळ अदानी समूहाकडून आधीच सुरू असून गुवाहाटी, तिरुअनंतपुरम आणि जयपूर मधील तीन विमानतळ लवकरच त्यांच्याकडे हस्तांतरित होतील.
अदानी ग्रुप नवी मुंबई येथेही विमानतळ उभारणार असून त्यांनी 2024 पर्यंत नवी मुंबई विमानतळ कार्यान्वित करण्याचे नियोजन केले आहे.

3. राजनाथ सिंह यांनी एआय आधारित तक्रार विश्लेषण अ‍ॅप “सीपीजीआरएएमएस” सुरू केले

संरक्षणमंत्री राजनाथ सिंह यांनी कृत्रिम बुद्धिमत्ता (एआय) आणि मशीन लर्निंग टूल्सचा वापर करून तक्रारी नोंदवण्यासाठी सीपीजीआरएएमएस हा मोबाइल अनुप्रयोग (अ‍ॅप) सुरु केला आहे.
सरकारकडे येणाऱ्या तक्रारींचे निवारण सुधारण्यासाठी ही पहिली एआय-आधारित प्रणाली आहे.
या अ‍ॅपचा एक भाग म्हणून विकसित केलेले एआय टूलमध्ये तक्रारीची सामग्री समजून घेण्याची क्षमता आहे ज्यामुळे खोट्या अथवा फसव्या तक्रारींना आळा बसणार आहे आणि तक्रारींचे योग्य निराकरण होणार आहे.

4. मंडुवाडीह रेल्वे स्थानकाचे नाव बदलून बनारस करण्यात आले

उत्तर-पूर्व रेल्वेने (एनईआर) उत्तर प्रदेशमधील मंडुवाडीह रेल्वे स्थानकाचे नाव बनारस असे ठेवले. रेल्वे मंडळाने नवीन नावासाठी होकार दिल्यानंतर एनईआरने नवीन फलक बनवून ‘बनारस’ असे नाव लिहिले.
या नवीन फलकावर हिंदी, संस्कृत, इंग्रजी आणि उर्दू भाषेत बनारस असे लिहिलेले आहे.

राज्य बातम्या

5. पंतप्रधान नरेंद्र मोदी यांनी वाराणसीत ‘रुद्राक्ष’ केंद्राचे उद्घाटन केले

पंतप्रधान नरेंद्र मोदी यांनी उत्तर प्रदेशमधील वाराणसी येथे आंतरराष्ट्रीय सहकार आणि अधिवेशन केंद्र “रुद्राक्ष” चे उद्घाटन केले.
महत्त्वाच्या बैठका/परिषदा घेण्यासाठी हे एक आकर्षक गंतव्यस्थान ठरणार असून शहरातील व्यापारीवर्ग आणि पर्यटक इकडे आकर्षिले जातील.
आंतरराष्ट्रीय सहकार्य आणि अधिवेशन केंद्राला “रुद्राक्ष” असे नाव देण्यात आले असून या केंद्रात तब्बल 108 रुद्राक्ष आहेत. त्याचे छत ‘शिव लिंग’ च्या आकाराचे आहे.
जपान आंतरराष्ट्रीय सहकार एजन्सीच्या मदतीने हे परिषद केंद्र बांधण्यात आले आहे.