दैनिक चालू घडामोडी: 8 जुलै 2021

 

चालू घडामोडी हा सर्वात महत्वाचा विषय आहे आणि जर आपण आपला वेळ मनापासून समर्पित केला तर आपण या विषयातून खूप चांगले गुण मिळवू शकता. चालू घडामोडींच्या संबधीत MPSC State Service, MPSC Group B, MPSC Group C, Saral Seva Bharati, Talathi, UPSC, SSC, RRB अशा अनेक स्पर्धापरीक्षांमधे बरेच प्रश्न विचारले जातात. हा विषय असा आहे ज्या बदल माहिती असेल तरच आपल्यला परीक्षेत उत्तर देता येतात आणि ते पण खूप कमी वेळात आणि तो वेळ आपण दुसऱ्या प्रशांसाठी लावता येतो. म्हणून या विषयात चांगले गूण मिळवण्यासाठी आपल्यला देशात आणि जगात काय चालले आहे याची माहिती असणे खूप गरजेचे आहे.
येथे आम्ही सर्व वर्तमानपत्रांमधून समकालीन समस्यांचा सारांश आपल्यासमोर सादर करतो, ज्यामुळे आपला वेळ वाचतो आणि आपले ज्ञान वाढते. तर चला 8 जुलै 2021चे सर्व महत्वाचे चालू घडामोडी पाहुयात.

 

राष्ट्रीय बातम्या

1. मंत्रिमंडळ पुनर्रचना: 43 नेत्यांनी मंत्रीपदाची घेतली शपथ

• पंतप्रधान नरेंद्र मोदी यांच्या नेतृत्वात केंद्रीय मंत्रिमंडळाचा विस्तार करण्यात आला आहे. पुनर्रचित मंत्रिमंडळात अनेक नवीन चेहरे आहेत तर काही जुन्या चेहऱ्यांना पुन्हा संध मिळाली आहे. 43 मंत्र्यांचा  शपथविधी 7 जुलै रोजी राष्ट्रपती भवनात पार पडला.
• 15 मंत्र्यांना कॅबिनेट मंत्र्यांचा दर्जा मिळाला तर 28 मंत्र्यांना राज्यमंत्री पदाची शपथ देण्यात आली. नियमानुसार केंद्रीय मंत्रीमंडळात 81 मंत्री असू शकतात.

नवीन कॅबिनेट मंत्र्यांची यादी: 

क्र.	मंत्री	मंत्रालय
1	राजनाथ सिंग	संरक्षण मंत्रालय
2	अमित शाह	गृह मंत्रालय आणि  सहकार मंत्रालय
3	मनसुख मांडवीया	आरोग्य व कुटुंब कल्याण मंत्रालय  ; आणि रसायन व खते मंत्रालय
4	नितीन गडकरी	रस्ते वाहतूक आणि महामार्ग मंत्रालय
5	निर्मला सीतारमण	अर्थ मंत्रालय आणि कॉर्पोरेट व्यवहार मंत्रालय
6	नरेंद्र सिंह तोमर	कृषी व शेतकरी कल्याण मंत्रालय
7	डॉ. एस. जयशंकर	परराष्ट्र व्यवहार मंत्रालय
8	अर्जुन मुंडा	आदिवासी कार्य मंत्रालय
9	स्मृती इराणी	महिला व बाल विकास मंत्रालय
10	पीयूष गोयल	वाणिज्य व उद्योग मंत्रालय; ग्राहक व्यवहार, अन्न व सार्वजनिक वितरण मंत्रालय; आणि वस्त्रोद्योग मंत्रालय
11	धर्मेंद्र प्रधान	शिक्षण मंत्रालय; आणि कौशल्य विकास आणि उद्योजकता मंत्रालय
12	प्रल्हाद जोशी	संसदीय कामकाज मंत्रालय ; कोळसा मंत्रालय; आणि खाण मंत्रालय
13	नारायण राणे	सूक्ष्म, लघु व मध्यम उद्योग मंत्रालय
14	सर्वानंद सोनोवाल	बंदरे, नौवहन व जलमार्ग मंत्रालय; आणि आयुष मंत्रालय
15	मुख्तार अब्बास नक्वी	अल्पसंख्यांक कार्य मंत्रालय
16	डॉ. वीरेंद्र कुमार	सामाजिक न्याय व सबलीकरण मंत्रालय
17	गिरीराज सिंह	ग्रामीण विकास मंत्रालय; आणि पंचायती राज मंत्रालय
18	ज्योतिरादित्य एम सिंधिया	नागरी उड्डाण मंत्रालय
19	अश्विनी वैष्णव	रेल्वे मंत्रालय; संप्रेषण मंत्रालय आणि इलेक्ट्रॉनिक्स आणि माहिती तंत्रज्ञान मंत्रालय
20	रामचंद्र प्रसाद सिंह	स्टील मंत्रालय
21	पशुपती कुमार पारस	अन्न प्रक्रिया उद्योग मंत्रालय
22	गजेंद्रसिंग शेखावत	जलशक्ती मंत्रालय
23	किरेन रिजिजू	कायदा आणि न्याय मंत्रालय
24	राजकुमार सिंग	ऊर्जा मंत्रालय आणि नवीन आणि नूतनीकरणयोग्य ऊर्जा मंत्रालय
25	हरदीपसिंग पुरी	पेट्रोलियम आणि नैसर्गिक वायू मंत्रालय; गृहनिर्माण व शहरी कामकाज मंत्रालय
26	भूपेंद्र यादव	पर्यावरण, वन व हवामान बदल मंत्रालय; आणि कामगार आणि रोजगार मंत्रालय
27	महेंद्र नाथ पांडे	अवजड उद्योग मंत्रालय
28	पार्षोत्तम रुपाला	मत्स्यपालन, पशुसंवर्धन व दुग्धव्यवसाय मंत्रालय
29	जी. किशन रेड्डी	सांस्कृतिक मंत्रालय; पर्यटन मंत्रालय; आणि पूर्वोत्तर विभाग विकास मंत्रालय
30	अनुरागसिंग ठाकूर	माहिती व प्रसारण मंत्रालय; आणि युवा कामकाज व क्रिडा मंत्रालय

 

राज्यमंत्री (स्वतंत्र प्रभार):

क्र.	मंत्री	मंत्रालय
1	राव इंद्रजितसिंग	सांख्यिकी व कार्यक्रम अंमलबजावणी मंत्रालय राज्यमंत्री (स्वतंत्र प्रभार); नियोजन मंत्राल राज्यमंत्री (स्वतंत्र प्रभार); आणि कॉर्पोरेट व्यवहार मंत्रालय राज्यमंत्री
2	डॉ. जितेंद्र सिंह	विज्ञान आणि तंत्रज्ञान मंत्रालय राज्यमंत्री (स्वतंत्र प्रभार); पृथ्वी विज्ञान मंत्रालय राज्यमंत्री (स्वतंत्र प्रभार); पंतप्रधान कार्यालय राज्यमंत्री; कार्मिक, सार्वजनिक तक्रारी आणि निवृत्तीवेतन मंत्रालय राज्यमंत्री; अणु उर्जा विभाग राज्यमंत्री; आणि अवकाश विभाग राज्यमंत्री

 

राज्यमंत्री

क्र.	मंत्री	मंत्रालय
1	श्रीपाद येसो नाईक	बंदरे, नौवहन व जलमार्ग मंत्रालय आणि पर्यटन मंत्रालय
2	फग्गनसिंग कुलस्ते	स्टील मंत्रालय  आणि ग्रामविकास मंत्रालय
3	प्रल्हादसिंग पटेल	जलशक्ती मंत्रालय; आणि अन्न प्रक्रिया उद्योग मंत्रालय
4	अश्विनी कुमार चौबे	ग्राहक व्यवहार मंत्रालय , अन्न व सार्वजनिक वितरण मंत्रालय ; आणि पर्यावरण, वन आणि हवामान बदल मंत्रालय
5	अर्जुनराम मेघवाल	संसदीय कामकाज मंत्रालय; आणि सांस्कृतिक मंत्रालय
6	जनरल (सेवानिवृत्त) व्ही. के. सिंह	रस्ते वाहतूक आणि महामार्ग मंत्रालय; आणि नागरी उड्डाण मंत्रालय
7	कृष्ण पाल	ऊर्जा मंत्रालय; आणि अवजड उद्योग मंत्रालय
8	दानवे रावसाहेब दादाराव	रेल्वे मंत्रालय; कोळसा मंत्रालय; आणि खाण मंत्रालय
9	रामदास आठवले	सामाजिक न्याय व अधिकारिता मंत्रालयात राज्यमंत्री
10	साध्वी निरंजन ज्योती	ग्राहक व्यवहार, अन्न व सार्वजनिक वितरण मंत्रालय; आणि ग्रामविकास मंत्रालय
11	डॉ. संजीव कुमार बल्यान	मत्स्यव्यवसाय, पशुसंवर्धन आणि दुग्धव्यवसाय मंत्रालय
12	नित्यानंद राय	गृह मंत्रालय
13	पंकज चौधरी	वित्त मंत्रालय
14	अनुप्रिया सिंह पटेल	वाणिज्य व उद्योग मंत्रालय
15	प्रा. एस. पी. सिंह बघेल	कायदा व न्याय मंत्रालयात राज्यमंत्री
16	राजीव चंद्रशेखर	कौशल्य विकास आणि उद्योजकता मंत्रालय; आणि इलेक्ट्रॉनिक्स आणि माहिती तंत्रज्ञान मंत्रालय
17	शोभा करंदलाजे	कृषी व शेतकरी कल्याण मंत्रालय
18	भानु प्रताप सिंह वर्मा	सूक्ष्म, लघु व मध्यम उद्योग मंत्रालयात राज्यमंत्री
19	दर्शना विक्रम जरदोष	वस्त्रोद्योग मंत्रालयात राज्यमंत्री; आणि रेल्वे मंत्रालयात राज्यमंत्री
20	व्ही. मुरलीधरन	परराष्ट्र मंत्रालयात राज्यमंत्री; आणि संसदीय कार्य मंत्रालयात राज्यमंत्री
21	मीनाक्षी लेखी	परराष्ट्र मंत्रालयात राज्यमंत्री; आणि सांस्कृतिक मंत्रालयात राज्यमंत्री
22	सोम प्रकाश	वाणिज्य व उद्योग मंत्रालयात राज्यमंत्री
23	रेणुकासिंग सरुता	आदिवासी कार्य मंत्रालय
24	रामेश्वर तेली	पेट्रोलियम आणि नैसर्गिक गॅस मंत्रालयात राज्यमंत्री; आणि कामगार आणि रोजगार मंत्रालयात राज्यमंत्री
25	कैलास चौधरी	कृषी व शेतकरी कल्याण मंत्रालयात राज्यमंत्री
26	अन्नपूर्णा देवी	शिक्षण मंत्रालयात राज्यमंत्री
27	ए. नारायणस्वामी	सामाजिक न्याय आणि अधिकारिता मंत्रालयात राज्यमंत्री
28	कौशल किशोर	गृहनिर्माण व शहरी व्यवहार मंत्रालयात राज्यमंत्री
29	अजय भट्ट	संरक्षण मंत्रालयात राज्यमंत्री; आणि पर्यटन मंत्रालयात राज्यमंत्री
30	बी. एल. वर्मा	पूर्वोत्तर प्रदेशाच्या विकास मंत्रालयात राज्यमंत्री; आणि सहकार मंत्रालयात राज्यमंत्री
31	अजय कुमार	गृह मंत्रालयात राज्यमंत्री
32	देवूसिंह चौहान	दळणवळण मंत्रालयात राज्यमंत्री
33	भगवंत खुबा	नवीन आणि नूतनीकरणयोग्य ऊर्जा मंत्रालयात आणि  रसायन व खते मंत्रालयातील राज्यमंत्री
34	कपिल मोरेश्वर पाटील	पंचायती राज मंत्रालयात राज्यमंत्री
35	प्रतिमा भौमिक	सामाजिक न्याय व सबलीकरण मंत्रालय
36	डॉ. सुभाष सरकार	शिक्षण मंत्रालयात राज्यमंत्री
37	डॉ. भागवत किशनराव कराड	वित्त मंत्रालयात राज्यमंत्री
38	डॉ. राजकुमार रंजन सिंह	परराष्ट्र मंत्रालयात राज्यमंत्री; आणि शिक्षण मंत्रालयात राज्यमंत्री
39	डॉ.भारती प्रवीण पवार	आरोग्य व कुटुंब कल्याण मंत्रालयात राज्यमंत्री
40	बिश्वेश्वर टुडू	आदिवासी कार्य मंत्रालयात राज्यमंत्री; आणि जलशक्ती मंत्रालयात राज्यमंत्री
41	शांतनु ठाकूर	बंदर, नौवहन आणि जलमार्ग मंत्रालयात राज्यमंत्री
42	डॉ. मुंजापारा महेंद्रभाई	महिला व बालविकास मंत्रालयात राज्यमंत्री आणि आयुष मंत्रालय
43	जॉन बार्ला	अल्पसंख्यांक कार्य मंत्रालयात राज्यमंत्री
44	डॉ. एल. मुरुगन	मत्स्यव्यवसाय, पशुसंवर्धन आणि दुग्धव्यवसाय मंत्रालयात राज्यमंत्री; आणि माहिती व प्रसारण मंत्रालयात राज्यमंत्री
45	निसिथ प्रामणिक	गृह मंत्रालयात राज्यमंत्री; आणि युवा व्यवहार मंत्रालयाचे राज्यमंत्री आणि एसपी

 

राज्य बातमी

2. डीएमआरसीने भारतातील पहिला यूपीआय-आधारित रोकडविरहित वाहनतळ सुरु केला

• प्रवेश आणि देयकाची वेळ कमी करण्यासाठी दिल्ली मेट्रो रेल कॉर्पोरेशनने (डीएमआरसी) भारताचे पहिले फास्टटॅग किंवा युनिफाइड पेमेंट्स इंटरफेस (यूपीआय) आधारित वाहनतळ सेवा सुरु केली आहे.
• ही सुविधा काश्मिर गेट मेट्रो स्टेशनवर सुरू करण्यात आली. मल्टी-मॉडेल इंटिग्रेशन (एमएमआय) पुढाकाराचा एक भाग म्हणून स्टेशनवर ऑटो, टॅक्सी आणि आर-रिक्षासाठी समर्पित इंटरमीडिएट पब्लिक ट्रान्सपोर्ट (आयपीटी) लेनचे उद्घाटनही करण्यात आले.

 

अर्थव्यवस्था बातम्या

3. फिच रेटिंग्जने वित्तीय वर्ष 22 मधील भारताच्या जीडीपी वाढीच्या दराचा अंदाज 10% वर्तवला आहे

• फिच रेटिंग्जने 2021-22 (एफवाय 22) मध्ये भारतासाठी जीडीपी वाढीचा अंदाज सुधारित केले आहे. आधी हा अंदाज 12.8% होता आणि आता तो सुधारून 10% केला आहे.
• कोव्हीड-19 च्या दुसऱ्या लाटेमुळे धीम्या गतीने होत असलेली आर्थिक प्रगती याला कारण आहे.

 

नियुक्ती बातम्या

4. एन वेणुधर रेड्डी यांनी अखिल भारतीय रेडिओच्या महासंचालकपदाचा कार्यभार स्वीकारला

• 1988 च्या तुकडीचे आयआयएस (भारतीय माहिती सेवा) अधिकारी एन वेणुधर रेड्डी यांनी अखिल भारतीय रेडिओच्या महासंचालकपदाचा कार्यभार स्वीकारला.
• 1957 पासून ऑल इंडिया रेडिओ आकाशवाणी म्हणून ओळखले जाते. रेड्डी यांना मिडिया नियोजन व व्यवस्थापनाचा दांडगा अनुभव आहे. यापूर्वी त्यांनी ऑल इंडिया रेडिओ न्यूज आणि दूरदर्शन न्यूज मध्ये अनेक पदांवर काम केले आहे.

सर्व स्पर्धा परीक्षांसाठी महत्त्वाची माहिती:

• अखिल भारतीय रेडिओची स्थापना: 1936
• अखिल भारतीय रेडिओ मुख्यालय: संसद मार्ग, नवी दिल्ली

 

पुरस्कार बातम्या

5. कौशिक बासू यांना प्रतिष्ठित हम्बोल्ट संशोधन पुरस्कार प्रदान 

• भारतीय अर्थशास्त्रज्ञ कौशिक बासू यांना अर्थशास्त्रातील प्रतिष्ठीत हम्बोल्ट संशोधन पुरस्कार प्रदान करण्यात आला आहे.
• हा पुरस्कार त्यांना हॅमबर्ग, जर्मनीमधील बुसेरियस लॉ स्कूलचे प्राध्यापक डॉ. हंस-बर्न्ड शूफर यांनी प्रदान केला. जागतिक बँकेचे माजी मुख्य अर्थशास्त्रज्ञ राहिलेले बसू सध्या कॉर्नेल विद्यापीठातील अर्थशास्त्राचे प्राध्यापक आहेत.
• त्यांनी 2009 ते 2012 या काळात भारत सरकारचे मुख्य आर्थिक सल्लागार म्हणूनही काम केले आहे. बासु हे पद्मभूषण पुरस्काराने सन्मानित आहेत.
• अलेक्झांडर व्हॉन हम्बोल्ट संस्थेतर्फे हा पुरस्कार दरवर्षी 100 वैज्ञानिक आणि अर्थशास्त्रज्ञाना  प्रदान करण्यात येतो.
• या पुरस्कारचे स्वरूप 60000 युरो आणि जर्मनीतील एका वैज्ञानिक संस्थेत 12 महिन्यांपर्यंत संशोधन प्रकल्प राबविण्याची संधी असे आहे.

 

करार बातम्या

6. रेझरपे ने मास्टरकार्डसह ‘मॅन्टडेएचक्यू’ लाँच करण्यासाठी भागीदारी केली

• ‘मॅन्टडेएचक्यू’ सुरू करण्यासाठी रेझरपे ने मास्टरकार्डबरोबर भागीदारी केली आहे. ही एक पेमेंट सुविधा आहे जी कार्ड-जारी करणाऱ्या बँकांच्या ग्राहकांना आवर्ती देयके देण्यासाठी सक्षम करेल.
• हे लक्षात घेणे आवश्यक आहे की रिझर्व्ह बँक ऑफ इंडियाने आवर्ती  ऑनलाईन व्यवहारांवर ई-आदेश प्रक्रिया करण्यासाठी एक आराखडा जाहीर केला आहे. रेझर पे ची ही भागीदारी याविषयातील एक पाउल आहे.

सर्व स्पर्धा परीक्षांसाठी महत्त्वाची माहिती:

• रेझर पे ची स्थापना: 2013
• रेझरपे चे: मुख्य कार्यकारी अधिकारी: हर्षिल माथूर
• रेझरपे मुख्यालय: बेंगलुरू
• मास्टरकार्ड मुख्यालय: न्यूयॉर्क, युनायटेड स्टेट्स
• मास्टरकार्ड अध्यक्ष: मायकेल मिबाच

 

व्यवसाय बातम्या

7. सरकारने किरकोळ आणि घाऊक व्यापाऱ्यांचा एमएसएमई क्षेत्रात समावेश केला

• केवळ प्राधान्यक्रम क्षेत्र कर्जाच्या मर्यादित उद्देशाने सूक्ष्म,लघू व मध्यम उद्योग मंत्रालयाने किरकोळ व घाऊक व्यापाराचा एमएसएमई क्षेत्रात समावेश केला आहे.
• यामुळे या व्यवसायांना आता प्राधान्य क्षेत्र कर्ज श्रेणी अंतर्गत कर्ज उभारणी करता येणार आहे. रिटेलर्स असोसिएशन ऑफ इंडिया (आरएआय) च्या मते, यामुळे किरकोळ सूक्ष्म, लघु आणि मध्यम उद्योगांना (एमएसएमई) आवश्यक आधार मिळेल.
• हे किरकोळ व घाऊक व्यापारी आता एमएसएमई नोंदणीसाठी असलेल्या उद्यम नोंदणी पोर्टलवर नोंदणी करू शकतील.

खालील तीन प्रकारांतर्गत नोंदणी करता येईल: 

• घाऊक आणि किरकोळ व्यापार आणि मोटार वाहने आणि मोटारसायकलींची दुरुस्ती.
• मोटार वाहने व मोटारसायकली वगळता घाऊक व्यापार
• मोटार वाहने व मोटारसायकली वगळता किरकोळ व्यापार.

 

क्रीडा बातम्या

8. 2022 महिला आशियाई चषक स्पर्धा मुंबई आणि पुण्यात आयोजित केली जाणार

• भुवनेश्वर आणि अहमदाबाद च्या ऐवजी 2022 महिला आशियाई चषक स्पर्धा आता मुंबई आणि पुण्यात खेळवली जाणार आहे.
• वाहतुकीचा वेळ कमी करणे आणि जैव-सुरक्षा वातावरणात खेळाडूंना जास्तीतजास्त काळ मिळवून देणे या उद्देशाने एशियन फुटबॉल कॉन्फेडरेशनने हा निर्णय घेतला आहे.
• अंधेरी स्पोर्ट्स कॉम्प्लेक्समधील मुंबई फुटबॉल मैदान आणि पुणे बालेवाडी येथील शिव छत्रपती क्रीडा संकुलाची निवड केली आहेत.

 

संरक्षण बातम्या

9. भारतीय सैन्याने कॅप्टन गुरजिंदरसिंग सूरी यांच्या युद्ध स्मारकाचे उद्घाटन केले

• 1999 च्या “बिरसा मुंडा” या ऑपरेशनदरम्यान वीरमरण आलेल्या कॅप्टन गुरजिंदरसिंग सुरी यांच्या जन्मदिनाच्या निमित्ताने भारतीय सैन्याने नियंत्रण रेषेजवळील (एलओसी) गुलमर्ग येथे त्यांच्या स्मृतीप्रीत्यर्थ उभारलेल्या युद्ध स्मारकाचे उद्घाटन केले.
• या प्रसंगी त्यांचे वडील लेफ्टनंट कर्नल, तेज प्रकाशसिंग सूरी (निवृत्त) हे देखील उपस्थित होते. गुरजिंदरसिंग सूरी यांना मरणोत्तर महावीर चक्र प्रदान करण्यात आले.
• ऑपरेशन बिरसा मुंडा बद्दलः ऑपरेशन बिरसा मुंडा अंतर्गत भारतीय सैन्याच्या बिहार बटालियनने नोव्हेंबर 1999 मध्ये पाकिस्तानी चौकीवर धडक कारवाई केली.
• ही कारवाई ऑपरेशन विजयचा एका भाग होती. वेगवान आणि सुनियोजित कारवाईत संपूर्ण पाकिस्तानी चौकी नष्ट करण्यात आली आणि त्यात 17 पाकिस्तानी सैनिक ठार झाले.

 

भारतीय सैन्याने फायरिंग रेंजला विद्या बालन यांचे नाव दिले

• भारतीय लष्कराने बॉलिवूड अभिनेत्री विद्या बालन यांचे नाव काश्मीरमध्ये आपल्या फायरिंग रेंजपैकी एकाला दिले आहे. जम्मू आणि काश्मीरमधील बारामुल्ला जिल्ह्यातील गुलमर्ग येथे विद्या बालन गोळीबार रेंज (फायरिंग रेंज) आहे.
• भारतीय चित्रपटसृष्टीतील त्यांच्या योगदानाचा सन्मान करण्यासाठी हा निर्णय घेण्यात आला. वर्षाच्या सुरुवातीला अभिनेत्री आणि तिचे पती सिद्धार्थ रॉय कपूर भारतीय सैन्याने आयोजित केलेल्या गुलमर्ग हिवाळी महोत्सवात सहभागी झाले होते.

 

निधन बातम्या

11. ऑलिम्पिक सुवर्ण पदक विजेते दिग्गज हॉकीपटू केशव दत्त यांचे निधन

• दोन वेळा हॉकीमधील ऑलिम्पिक सुवर्णपदक विजेते केशव दत्त यांचे निधन झाले आहे.
• ते 1948 च्या ऑलिम्पिकमधल्या लंडनच्या वेम्बली स्टेडियमवर, भारताने  इंग्लंड ला अंतिम सामन्यात 4-0 हरवून स्वातंत्र्यानंतर पहिले सुवर्णपदक पटकावले होते.
• 1948 च्या पूर्वी त्यांनी मेजर ध्यानचंद यांच्या नेतृत्वात 1947 साली पूर्व आफ्रिका दौरा केला होता. 1951-1953 आणि 1957-1958 मध्ये मोहन बागान हॉकी संघाचे नेतृत्वही दत्त यांनी केले आहे.

 

12. हिमाचल प्रदेशचे माजी मुख्यमंत्री वीरभद्र सिंह यांचे निधन

• कॉंग्रेसचे ज्येष्ठ नेते आणि हिमाचल प्रदेशचे माजी मुख्यमंत्री वीरभद्र सिंह यांचे निधन झाले आहे. ते हिमाचल प्रदेशचे चौथे आणि सर्वाधिक काळ कार्यभार सांभाळणारे मुख्यमंत्री होते. त्यांनी एकूण 6 वेळा राज्याचे मुख्यमंत्री पद भूषवले आहे.
• त्यांनी 8 एप्रिल 1983 ते 5 मार्च 1990, 3 डिसेंबर 1993 ते 23 मार्च 1998, 6 मार्च 2003 ते 29 डिसेंबर 2007 पर्यंत आणि त्यांनतर 25 डिसेंबर 2012 ते 26 डिसेंबर 2017 पर्यंत ते मुख्यमंत्री होते.
• याशिवाय सिंग यांनी पर्यटन व नागरी उड्डाण खात्याचे केंद्रीय उपमंत्री, केंद्रीय उद्योग राज्यमंत्री, केंद्रीय पोलाद मंत्री आणि केंद्रीय सूक्ष्म, लघु व मध्यम उद्योग मंत्री (एमएसएमई) म्हणूनही काम पाहिले.

 

13. हैतीचे अध्यक्ष ज्वनेल मोईस यांची राहत्या घरी हत्या

• हैतीचे अध्यक्ष ज्वनेल मोईस यांच्या वरती झालेल्या प्राणघातक हल्ल्यात त्यांचा मृत्यू झाला असून त्यांच्या पत्नी गंभीर जखमी झाल्या आहेत.
• टोळीक हिंसाचार आणि राजकीय अस्थिरतेमुळे होणाऱ्या अशा कृत्यांमुळे कॅरिबियन बेटांवरील या देशाला अस्थिरतेचा धोका आहे अशी माहिती काळजीवाहू पंतप्रधान यांनी दिली.
• देशातील उत्तरेकडील भागात व्यवसायांची उभारणी करणारे मोईस हे पूर्वीचे उद्योजक असून तेथील रहिवासी होते आणि त्यांनी 2017 मध्ये सक्रीय राजकारणात प्रवेश करून ते अध्यक्ष बनले.

सर्व स्पर्धा परीक्षांसाठी महत्त्वाची माहिती:

• हैती राजधानी: पोर्ट-ऑ-प्रिन्स
• हैती चलन: हैतीन गॉर्डे
• हैती स्थान: उत्तर अमेरिका खंड

 

Adda247 मराठी App | Add247Marathi Telegram group

YouTube channel- Adda247 Marathi

केवळ सरावच परीक्षेत चांगले गुण मिळण्यास मदत करू शकतो

सराव करा

आता सगळे अपडेट्स आपल्या Adda-247-मराठी App वर
अँप डाउनलोड करण्यासाठी

Download Now

मासिक चालू घडामोडी मराठी मध्ये, Download करा 

Download Now