தேசிய வருவாய் என்பது பெரிய பிரச்சனைகளான வேலைவாய்ப்பு இன்மை, பண வீக்கம் மற்றும் வளர்ச்சி ஆகியவற்றை சமாளிப்பதற்காக உருவாக்கப்பட்ட தவிர்க்க முடியாத தயாரிப்பு ஆகும். தேசிய வருவாய் என்பது, ஒரு நாட்டில் ஓர் ஆண்டில் உற்பத்தி செய்யப்படும் பண்டங்கள் மற்றும் பணிகளின் மொத்த மதிப்பாகும்.
இது உற்பத்தியிலிருந்து கிடைக்கும் மொத்த வருமானம் அல்லது உற்பத்திக்காக செய்யப்படும் மொத்த செலவைக் குறிக்கும். National Income என்பது மறுமுறை கணக்கில் எடுத்துக் கொள்ளப்படாமல், ஒரு குறிப்பிட்ட காலத்தில், நாட்டில் உற்பத்தி செய்யப்படும் பண்டங்கள் மற்றும் பணிகளின் மொத்த பண் மதிப்பாகும்.
Fill the Form and Get All The Latest Job Alerts
Read More : Chemical Bonds for TNPSC | வேதிப் பிணைப்பு
தேசிய வருவாயை அளவிடுவதற்கு பின்வரும் அடிப்படை கருத்துக்கள் பயன்படுகின்றன.
மொத்த உள்நாட்டு உற்பத்தி என்பது ஒரு கணக்கீட்டு ஆண்டில், ஒரு நாட்டின் எல்லைப்பரப்புக்குள் உற்பத்தி செய்யப்பட்ட இறுதிநிலைப் பண்டங்கள் மற்றும் பணிகளின் மொத்த சந்தை மதிப்பாகும். இதற்கு சந்தையில் நிலவும் விலை பயன்படுத்தப்பட்டால், இது சந்தைவிலை GDP என அழைக்கப்படுகிறது. இவ்வருமானத்தில் வெளிநாடுகளிலிருந்து ஈட்டப்படும் நிகர காரணி வருமானம் சேர்க்கப்படுவதில்லை.
இது செலவு முறையைப் பயன்படுத்தி கணக்கிடப்படும்.
GDP = C + I + G + (X – M).
இதில் C என்பது நுகர்வு பண்டங்கள், I என்பது முதலீட்டு பண்டங்கள், G என்பது அரசின் வாங்குதல்கள் மற்றும் (X – M) என்பது நிகர ஏற்றுமதி ஆகும்.
மொத்த தேசிய உற்பத்தி என்பது, ஒரு நாட்டில், ஒரு ஆண்டில் உற்பத்தி செய்யப்பட்ட இறுதிநிலை பொருட்கள் மற்றும் பணிகளின் அங்காடி மதிப்பின் மொத்த கணக்கிடுதல் ஆகும். இதில் நிகர வெளிநாட்டு வருமானமும் (நிகர ஏற்றுமதி) சேர்க்கப்படும்.
மொத்த தேசிய உற்பத்தியில், கீழ்க்கண்ட ஐந்து வகையான இறுதிநிலை பொருட்கள் மற்றும் பணிகள் உள்ளன.
எனவே சந்தை விலையில் GNP என்பது C + I + G + (X – M) + (R – P) ஆகும். சந்தை விலையில் GNP = சந்தை விலையில் GDP + வெளிநாட்டிலிருந்து பெற்ற நிகர வருமானம்.
நிகர உள்நாட்டு உற்பத்தி என்பது, ஒரு ஆண்டில் ஒரு நாட்டில் ஏற்படும் தேய்மானத்தை கழித்த பிறகு கிடைக்கும் நிகர உற்பத்தி ஆகும். ஒரு நாட்டில் உள்ள சில முதலீட்டுக் கருவிகள், உற்பத்தியில் ஈடுபடும்போது, அவை தேய்மானம் அடையலாம், பழுதாகிப் போகலாம் அல்லது பயனற்று போகலாம். தேய்மானத்தின் மதிப்பை மொத்த உள்நாட்டு உற்பத்தியிலிருந்து கழிப்பதனால் கிடைப்பது நிகர உள்நாட்டு உற்பத்தி ஆகும்.
நிகர உள்நாட்டு உற்பத்தி = மொத்த உள்நாட்டு உற்பத்தி – தேய்மானம்
நிகர தேசிய உற்பத்தி என்பது ஒரு ஆண்டின், பொருளாதாரத்தின் நிகர உற்பத்தியின் மதிப்பு ஆகும். மொத்த தேசிய உற்பத்தியிலிருந்து, தேய்மானத்தின் மதிப்பு, முதலீட்டு சொத்தின் மாற்று கழிவு ஆகியவற்றை கழித்த பின் கிடைப்பது நிகர தேசிய உற்பத்தி ஆகும்.
நிகர தேசிய உற்பத்தி = மொத்த தேசிய உற்பத்தி – தேய்மான கழிவு
Also Read : TNPSC TAMILNADU GENERAL KNOWLEDGE Q&A PART-19 PDF
ஒரு ஆண்டில், ஒரு நாட்டில் உற்பத்தி செய்யப்பட்ட அனைத்து பண்டங்கள் மற்றும் பணிகளின் மதிப்பை கணக்கிட்டு, அதனை பணமதிப்பில் மதிப்பிட வேண்டும். அதாவது நமது சுய நுகர்வுக்காவோ அல்லது சேமிப்பிற்காகவோ பண்டங்கள் உற்பத்தி செய்யப்பட்டாலும், அதன் பண மதிப்பையும் தேசிய வருவாய் கணக்கிடலில் சேர்க்கவேண்டும்.
தேசிய வருவாயை மூன்று முறைகளை பயன்படுத்தி அளவிடலாம்.
இந்த மூன்று முறைகளையும் சரியாக பயன்படுத்தி கணக்கிட்டால் உற்பத்தி, வருமானம் மற்றும் செலவு ஆகிய மூன்று மதிப்புகளும் சமமாக இருக்கும்.
உற்பத்தி = வருமானம் = செலவு
ஏனென்றால் இந்த மூன்று முறைகளும், இயல்பாகவே ஒரு சுழற்சியாக இருக்கும். நுகர்வை பூர்த்தி செய்ய உற்பத்தி தொடங்கப்படுகிறது. உற்பத்தி செய்ய, ஆட்களை வேலைக்கு அமர்த்தினால், உற்பத்தி முடிந்த பிறகு வருமானம் பெருகும். பிறகு வேலையாட்களுக்கு ஊதியத்தை அளித்து, அதன் மூலம் நுகர்வு செலவு செய்யப்படும்.
w = கூலி, r = வாடகை, i = வட்டி, p = இலாபம், R = ஏற்றுமதி, P = இறக்குமதி
GNP = C + I + G + (X – M)
C – தனியார் நுகர்வுச் செலவு, I – தனியார் முதலீட்டு செலவு, G – அரசின் கொள்முதல் செலவு, X – M = நிகர ஏற்றுமதி
தேசிய வருவாய் என்பது, ஒரு நாட்டின் பொருளாதார வளர்ச்சியில் மிக முக்கிய பங்கு வகிக்கிறது. தேசிய வருவாய் பொருளாதாரத்தின் கணக்கு அல்லது சமூகக் கணக்கு எனவும் சொல்லப்படுகிறது.
இந்தியா ஒரு ஒழுங்கமைக்கப்படாத, அன்றாட பிழைப்பை நடத்தும் சிறு தொழில்களையும் பண்ட மாற்று அங்காடிகளையும் உள்ளடக்கிய நாடெனும் காரணத்தினால், ஒரு சரியான தேசிய வருமான மதிப்பீடு தருவதில் சிரமங்கள் இருக்கின்றன.
Apply for : TNCSC Recruitment 2021, Apply 435 TNCSC Tiruvarur Vacancies @ www.tncsc.tn.gov.in
நாட்டின் கடனுக்காக செலுத்தப்படும் வட்டியை போன்றே, அரசு அளிக்கிற ஓய்வூதியம், வேலையின்மைக்கான உதவித்தொகை, மானியங்கள் போன்ற அரசின் செலவுகள் தேசிய வருவாயில் சேர்க்கப்படுவதில்லை.
தேய்மான கொடுப்பனவு, விபத்து இழப்பீடு மற்றும் பழுது கட்டணங்கள் போன்றவற்றை தேசிய வருவாயிலிருந்து கழிப்பது சுலபமானது அல்ல.
உணவு தயாரித்தல், தையல், பழுது பார்த்தல், துவைத்தல், சுத்தம் செய்தல், குழந்தைகளை வளர்த்தல் போன்ற வேலைகளையும் எந்தவித வருமானமுமின்றி நட்பு, பாசம், அன்பு, மரியாதை போன்ற, பணத்தால் மதிப்பிட முடியாத காரணங்களுக்காகவும் வேலை செய்கிறார்கள். ஆனால் அவர்களுடைய அர்ப்பணிப்பு தேசிய உற்பத்தியில் சேர்க்கப்படுவதில்லை.
சூதாட்டம், கடத்தல் போன்ற சட்டவிரோத நடவடிக்கைகள் மூலம் பெறப்படும் வருமானம், தேசியவருமானத்தில் சேர்க்கப்படுவது இல்லை.
சந்தையில் விற்பனை செய்யாமல், விவசாயிகள் தங்களின் சுய நுகர்விற்காக ஒதுக்கிய உற்பத்தி, தேசிய வருமானத்தில் சேர்க்கப்பட்டதா என்பதை கண்டறிவதில் சிக்கல் ஏற்படுகிறது.
மூலதன சொத்துக்களான வீடு மற்றும் பிற சொத்துக்கள், பங்குகள் போன்றவற்றை அதிக விலைக்கு விற்பனை செய்வதன் மூலம் கிடைக்கிற மூலதன இலாபம் தேசிய வருவாய் கணக்கீட்டில் சேர்க்கப்படுவது இல்லை.
ஒரே புள்ளிவிவரத்தை பல முறை கணக்கில் சேர்ப்பது, நம்பகத்தன்மை, புள்ளி விவரங்கள் கிடைக்காமை, சேகரிப்பவர்களின் திறன் குறைவு, அர்ப்பணிப்பு இன்மை ஆகியவை தேசிய வருவாய் கணக்கிடுதலில் பிரச்சனைகளைத் உண்டாக்கும்.
Read Also : TNEB AE Exam Dates 2021 | TNEB AE தேர்வு தேதிகள் 2021
தேசிய வருவாய் ஆனது, ஒரு நாட்டின் உற்பத்தி செயல்திறனை விளக்குகிறது. பல்வேறு நோக்கங்களுக்காக தேசிய வருவாய் பற்றிய புள்ளி விவரத்தை, பொருளாதார வல்லுநர்கள், திட்டமிடுபவர்கள், அரசு மற்றும் IMF, உலக வங்கி போன்ற பன்னாட்டு நிறுவனங்கள் பயன்படுத்துகின்றன. நம் நாட்டு மக்களின் வாழ்க்கைத்தரம், பிற நாட்டு மக்களின் வாழ்க்கைத்தரத்தோடு ஒப்பிடுகையில், அது அதிகரித்துள்ளதா என்பதை கண்டறிய தேசிய வருவாய் உதவுகிறது.
தேர்வுகளுக்கு தயாராகும் மாணவர்களுக்கு பயன்படும் வகையில், இக்கட்டுரை உருவாக்கப்பட்டுள்ளது, இக்கட்டுரை TNPSC GROUP 2 & 2A, GROUP 1 க்கு தயாராகும் மாணவர்களுக்கு பயன்படும் வகையில் கொடுக்கப்பட்டுள்ளது.
*****************************************************
வெற்றி பெற வாழ்த்துக்கள் !!!
இது போன்ற தேர்விற்கு பயன்படும் கட்டுரைகளை பெற ADDA247 தமிழ் செயலியை பதிவிறக்கம் செய்க
Download the app now, Click here
Read More:
*இப்போது உங்கள் வீட்டில் தமிழில் நேரடி வகுப்புகள் கிடைக்கின்றன*
*பயிற்சி மட்டுமே தேர்வுர உங்களுக்கு உதவ முடியும் | Adda247 தமிழ் மூலம் உங்கள் பயிற்சியை இப்போது தொடங்கவும்*
Adda247App | Adda247 Tamil Youtube
Adda247 Tamil telegram group –Tnpsc sure shot selection group
TNPSC குரூப் 4 பாடத்திட்டம் 2024: தமிழ்நாடு பணியாளர் தேர்வு ஆணையம் TNPSC குரூப் 4 பாடத்திட்டம் 2024 மற்றும்…
TNPSC குரூப் 1 சம்பள விவரங்கள் 2024: தமிழ்நாடு அரசுப் பணியாளர் தேர்வாணையத்தின் கீழ் உள்ள குரூப் I சேவைகளில்…
இந்தக் கட்டுரையில், TNPSC குரூப் 1, குரூப் 2, குரூப் 2A, குரூப் 4 மாநிலப் போட்டித் தேர்வுகளான TNUSRB,…
SSC CHSL அறிவிப்பு 2024: பணியாளர் தேர்வாணையம் (SSC) ஒருங்கிணைந்த உயர்நிலை நிலை (CHSL) தேர்வு என்பது அரசு துறைகள்…
TNPSC குரூப் 1 வயது வரம்பு TNPSC Group 1 Age Limit: TNPSC பல்வேறு தேர்வுகளை நடத்திவருகிறது. TNPSC…
இந்தக் கட்டுரையில், TNPSC குரூப் 1, குரூப் 2, குரூப் 2A, குரூப் 4 மாநிலப் போட்டித் தேர்வுகளான TNUSRB,…