TNPSC பொருளாதார இலவச குறிப்புகள்

இந்தக் கட்டுரையில், TNPSC குரூப் 1, குரூப் 2, குரூப் 2A, குரூப் 4 மாநிலப் போட்டித் தேர்வுகளான TNUSRB, TRB, TET, TNEB போன்றவற்றுக்கான முறைகள் இலவசக் குறிப்புகளைப் பெறுவீர்கள்.தேர்வுக்கு தயாராவோர் இங்குள்ள பாடக்குறிப்புகளை படித்து பயன்பெற வாழ்த்துகிறோம்.

வரியின் வகைகள்

நேர்முக வரி:

நேர்முக வரி என்பது நபரின் வருமானம் மற்றும் செல்வம் மீது விதிக்கப்பட்டு அரசுக்கு நேரடியாக செலுத்தக் கூடியதாகும்.
அவ்வரியின் சுமையை பிறருக்கு மாற்ற இயலாது.
வரி வளர்வீத தன்மை கொண்டது.
ஒரு நபரின் செலுத்தும் திறனுக்கு ஏற்றவாறு வரி விதிக்கப்படும். அதாவது பணக்காரர்களிடமிருந்து அதிகமான வரியும் மற்றும் ஏழை மக்களிடமிருந்து குறைவான வரியும் வசூலிக்கப்படும்.
நேரடி வரி சார்ந்த திட்டங்கள் மற்றும் கொள்கைகளை இந்திய அரசு நிதி அமைச்சகத்தின் கீழ் இயங்கும் நேர்முக வரி வரியாத்தால் பரிந்துரை செய்யப்படுகிறது.

நேர்முக வரிகளின் நன்மைகள்:

சமத்துவம்:

நேர்முக வரிகள் வளர்வீதம் கொண்டவை, அதாவது வரி அடிப்படையைப் பொறுத்து வரிவீதம் மாறும்.
எடுத்துக்காட்டாக வருமான வரி சமத்துவ விதி அடிப்படையில் அமைந்துள்ளது.

நிச்சயத்தன்மை:

நேர்முக வரி நிச்சயத்தன்மை விதியை உறுதி செய்கிறது.
உதாரணமாக வருமான வரி செலுத்துபவர் எங்கு எப்பொமுது எவ்வளவு வரியை செலுத்த வேண்டும் என அறிந்துள்ளார்.

நெகிழும்தன்மை:

நேர்முக வரிகள் நெகிழும்தன்மை திருப்தி செய்கிறது.
வருமான வரியானது வருமானத்தின் நெகிழ்ச்சியைப் பொருத்து அமையும்.
வருமான மட்டம் உயரும் போது அரசிற்கான வரிவருவாயும் உயரும்.

சிக்கனம்:

நேர்முக வரிகளை வசூலிப்பதற்காக செலவு மற்ற வரிகளை ஒப்பிடுகையில் குறைவாகும்.
ஏனெனில் வரி செலுத்துபவர்கள் நேரடியாக அரசிற்கு வரி செலுத்துகின்றனர்.

நேர்முக வரிகளின் தீமைகள்:

பிரபலமின்மை:

நேர்முக வரி பிரபலமில்லாமல் உள்ளது.
மேலும் இது வசதிக் குறைவானதாகவும் நெகிழ்ச்சி குறைவானதாகவும் உள்ளது.

உற்பத்தித்திறன் பாதிக்கப்படுகிறது:

பல்வேறு பொருளாதார வல்லுனர்கள் கருத்துப்படி நேர்முக வரி உற்பத்தித்திறனை பாதிக்கிறது.
குடிமக்கள் அதிக வரித் தொகையை செலுத்த வேண்டியதால் வருமானம் அதிகம் ஈட்ட வேண்டும் என்ற விருப்பம் இல்லாமல் உள்ளனர்.

வசதிகுறைவு:

கணக்கு பராமரித்தல் மற்றும் வரி தாக்கல் செய்வதிலும் மொத்தமாக வரி செலுத்துதல் போன்றவற்றிலும் வரி செலுத்துபவருக்கு வசதி குறைவாக உள்ளது

வரி ஏய்த்தல்:

நேர்முக வரியின் சுமை அதிகமாக இருப்பதால் வரி செலுத்துபவர்கள் வரியை ஏய்பதற்கு முயல்கின்றனர்.
இது கருப்புப் பணம் உருவாவதற்கு வாய்ப்பாவதால் அது பொருளாதாரத்திற்கு பாதிப்பை ஏற்படுத்துகிறது.

மறைமுக வரி:

மறைமுக வரி எனப்படுவது பொருட்களையோ அல்லது பணிகளையோ வாங்கும் நபர் மீது விதிக்கப்படுகிற வரியாகும். மேலும், இது அரசுக்கு மறைமுகமாக செலுத்தப்படுகிறது
இவ்வரிச்சுமை எளிதாக மற்றொரு நபர் மீது மாற்ற முடியும்.
ஏழை அல்லது பணக்காரர் என யாராக இருந்தாலும் அந்நபர்கள் மீது சமமாக சுமத்தப்படும்.

பல்வேறு மறைமுக வரிகள் உள்ளன அவை:

உற்பத்தி வரி: உற்பத்தியாளர் வரியை செலுத்தினாலும் பளுவை மொத்த அல்லது சில்லறை விற்பனையாளரிடம் மாற்றிவிடுவார்.

விற்பனை வரி: கடை உரிமையாளர் அல்லது சில்லறை விற்பனையாளர்கள் முதலில் செலுத்தப்பட்டு வரிச்சுமையை பண்டங்கள் மற்றும் பணிகளுக்கான விற்பனை வரியுடன் நுகர்வோர்களுக்கு மாற்றப்படுதல் ஆகும்.

சுங்கத் தீர்வை: வெளிநாடுகளிலிருந்து பெறக்கூடிய பொருட்களுக்கு இறக்குமதி தீர்வை செலுத்தப்படும். ஆனால் இதனை இறுதியாக நுகர்வோர்கள் மற்றும் சில்லரை வர்த்தகர்கள் மீது மாற்றப்படும்.

கேளிக்கை வரி: திரையரங்கு உரிமையாளர் மீது உள்ள பொறுப்பை திரைப்படம் காண வருபவர்கள் மீது மாற்றுகின்ற வரியாகும்.

சேவை வரி: தொலைபேசி காப்பீட்டு உணவு விடுதி போன்ற சேவைகளுக்காக செலுத்தக்கூடிய கட்டணங்களாகும்.

மறைமுக வரிகளின் நன்மைகள்:

பரந்து காணப்படுதல்:

எல்லா நுகர்வோர்களும் அவர்கள் ஏழை அல்லது பணக்காரர்களாக இருந்தாலும் மறைமுக வரிகளை செலுத்த வேண்டும். இதனால்தான் நேர்முகவரிகளை விட மறைமுக வரிகள் அதிக நபர்களை உள்ளடக்கியுள்ளது.
எடுத்துக்காட்டாக, இந்தியாவில் 2 சதவீத நபர்கள் மட்டுமே வருமான வரி செலுத்துகிற நிலையில் மறைமுக வரியை அனைவரும் செலுத்துகின்றனர்.

சமத்துவம்:

பணக்காரர்களால் பயன்படுத்தப்படக் கூடிய ஆடம்பர பொருட்கள் மீது அதிக வரி சுமத்தப்படுவதால் மறைமுக வரி சமத்துவ விதியின் அடிப்படையில் அமைகிறது

சிக்கனத் தன்மை

உற்பத்தியாளர்களும் சில்லறை விற்பனையாளர்களும் வரியை வசூலித்து அரசுக்கு செலுத்துவதால் வசூலிப்பதற்கான செலவு குறைவானது.
வணிகர்கள் மதிப்புமிக்க வரி வசூலிப்பவர்களாக செயலாற்றுகின்றனர்.

உடலுக்கு தீங்கான பொருட்களின் நுகர்வை குறைக்கிறது:

அரசனது உடலுக்கு தீங்கு விளைவிக்க கூடிய பொருட்கள் மீது மறைமுக வரியை விதிக்கிறது எடுத்துக்காட்டாக, புகையிலை மது போன்ற பொருட்கள் மீதான வரி. இது பாவ வரி என அழைக்கப்படுகிறது

வசதியானது:

மறைமுக வரியானது பண்டங்கள் மற்றும் பணிகள் மீது விதிக்கப்படுகிறது.
நுகர்வோர் பொருட்களை வாங்கும்போது விலையுடன் சேர்த்து செலுத்திவிடுவதால் வரி செலுத்துவதை உணர்வதில்லை.

மறைமுக வரியின் தீமைகள்:

வசூலிக்கும் செலவு அதிகம்

நேர்முக வரியை ஒப்பிடும் போது மறைமுக வரிகள் வசூலிக்க ஆகும் செலவு அதிகமாகும்.

அரசு பெரும் தொகையை மறைமுக வரி வசூலிக்காக செலவு செய்கிறது.

நெகிழ்ச்சியற்ற தன்மை:

நேர்முக வரிகளை ஒப்பிடும் போது மறைமுக வரிகள் குறைவான நெகிழ்ச்சி தன்மை கொண்டதாகும்.
மறைமுக வரிகள் எப்போதும் சமமான விகிதாச்சார வீதத்தில் அமையும்.

தேய்வீதம்:

மறைமுக வரிகள் சில நேரங்களில் நீதியற்ற மற்றும் தேய்வீக தன்மை கொண்டதாகும்.
வருமான மட்டத்திற்கு அப்பாற்ப்பட்டு ஏழை மற்றும் பணக்காரர்கள் ஆகிய இருவரும் ஒரே மறைமுக வரித் தொகையைச் செலுத்த வேண்டும்.

உறுதியின்மை:

மறைமுக வரிகள் உயரும் போது விலை உயர்வதால் பொருட்களுக்கான தேவையை குறைக்கிறது.
ஆகையால் அரசு எதிர்பார்க்கக்கூடிய வருவாய் வசூல் பற்றி உறுதியற்று காணப்படுகிறது.
எனவே, டால்டன் 2+2 என்பது 4 அல்ல அது 3 அல்லது அதற்கும் குறைவாக இருக்கும் என மறைமுக வரியைக் குறிப்பிடுகிறார்.

குடிமை உணர்வின்மை:

விலையுடன் வரி மறைந்திருப்பதால் நுகர்வோர்கள் வரி செலுத்துவது பற்றி விழிப்புணர்வு பெற்றிருக்கவில்லை.

**************************************************************************