Telugu govt jobs   »   Telangana History Recharla Padma Nayakulu   »   Telangana History Recharla Padma Nayakulu

Telangana History Recharla Padma Nayakulu | తెలంగాణ చరిత్ర – రేచర్ల పద్మ నాయకులు Pdf

Telangana History Recharla Padma Nayakulu | తెలంగాణ చరిత్ర – రేచర్ల పద్మ నాయకులు Pdf : 

తెలంగాణ లో అత్యంత ముఖ్యమైన మరియు ప్రతిష్టాత్మకమైన పరీక్షలు  TSPSC గ్రూప్-1,2,3 ,4 , పోలీస్ , రెవెన్యూ  మొదలైన పరీక్షలకు చాలా మంది ఆశావహులు, ఈ  ప్రతిష్టాత్మక ఉద్యోగాల్లో కి ప్రవేశించడానికి ఆసక్తి చూపుతారు.దీనికి పోటీ ఎక్కువగా ఉండడం కారణంగా, అధిక వెయిటేజీ సంబంధిత సబ్జెక్టులను ఎంచుకుని స్మార్ట్ అధ్యయనంతో ఉద్యోగం పొందవచ్చు. ఈ పరీక్షలలో ముఖ్యమైన అంశాలు అయిన పౌర శాస్త్రం , చరిత్ర , భూగోళశాస్త్రం, ఆర్ధిక శాస్త్రం, సైన్సు మరియు విజ్ఞానం, సమకాలీన అంశాలు చాల ముఖ్యమైన పాత్ర పోషిస్తాయి. కాబట్టి ఈ TSPSC గ్రూప్-1,2,3 ,4 , పోలీస్ , రెవెన్యూ  మొదలైన పరీక్షలపై ఆసక్తి ఉన్న అభ్యర్థుల కొరకు Adda247, ఈ అంశాలలో ఒకటైన తెలంగాణ చరిత్ర(Telangana History) కి సంబంధించిన కొన్ని ముఖ్యమైన అంశాలను PDF రూపంలో అందిస్తుంది.

Telangana History PDF In Telugu (తెలంగాణ చరిత్ర PDF తెలుగులో)

TSPSC గ్రూప్స్, పోలీస్ ,రెవెన్యూ , పంచాయతి సెక్రెటరీ వంటి అన్ని పరీక్షలలో అడిగే ప్రశ్నల సరళిని అనుసరించి అన్ని పోటీ పరీక్షలకు ఉపయోగపడే విధంగా సమగ్రమైన సిలబస్ తో కూడిన సమాచారం ఈ క్రింద ఇవ్వడం జరిగింది.

తెలంగాణ చరిత్ర – రేచర్ల పద్మ నాయకులు

మూల పురుషుడు చెవిరెడ్డి (భేతాళ రెడ్డి)
రాజ్య స్థాపకుడు మొదటి సింగమనాయకుడు
రాజ చిహ్నం 1 భైరవుడి శిల్పం
రాజధానులు ఆమనగల్లు,
రాచకొండ ,
దేవరకొండ.
బిరుదాంకితులు పంచపాండ్యదళ విభాళ
గొప్పవారు  అనవోత నాయకుడు (రాజ్య విస్తరణలో)
సర్వజ్ఞ సింగభూపాలుడు (సాహిత్యంలో)
చివరివాడు 3వ సింగమనాయకుడు
  •  రేచర్ల పద్మనాయకులనే వెలమ నాయకులని కూడా వ్యవహరిస్తారు.
  • తెలంగాణలో రాచకొండ, దేవరకొండలు రాజధానులుగా రెండు శాఖలుగా వీరు పరిపాలించారు. 
  • రేచర్ల పద్మనాయకుల చరిత్రకు ప్రధాన ఆధారం – “వెలుగోటి వంశావళి”.
  • వెలుగోటి వంశావళి ప్రకారం వీరి మూలపురుషుడు – బేతాళరెడ్డి (చెవిరెడ్డి).
  • గణపతి దేవుని కాలంలో ప్రసాదిత్యానాయకుడు, రుద్రనాయకుడు అనే వెలమలు సేనాపతులుగా పనిచేశారు.
  • కాకతీయ సింహాసనంపై రుద్రమదేవిని అధిష్టింపజేసింది. ప్రసాదిత్య నాయకుడు.
  • వీరు సుమారు 150 సం||లు పాలించారు.

also check: RRB Group D 2021  (అప్లికేషన్ సవరణ లింక్)

రేచర్ల పద్మ నాయకులు,వారి రాజకీయ చరిత్ర

మొదటి సింగమ నాయకుడు :(క్రీ.శ.1326-1361)

ఇతను వెలమరాజ్య స్థాపకుడు, ఇతని రాజధాని “ఆమనగల్లు”.

మొదటి అనవోత నాయకుడు : (క్రీ.శ.1361-1384)

  • రాచకొండ రాజ్యాన్ని నిర్మించి రాజధానిని ఆమనగల్లు నుంచి రాచకొండకు మార్చాడు.
  • రాచకొండ శాసనం ప్రకారం ఇతను రాచకొండలో తవ్వించిన చెరువులు :  అనవోతు సముద్ర , రాయ సముద్రం
  • ఇతను త్రవ్వించిన ఇతర బావులు : సంకెళ్ళ బావి, కొలూకూటం బావి
  • రాజ్యాన్ని రెండుగా విభజించి తమ్ముడైన మాధవ నాయకున్ని దేవరకొండ ప్రభువుగా నియమించు
  • అప్పటి నుండి రాచకొండను అనవోత నాయకుని వారసులు, దేవరకొండను మాధానాయకుని వారసులు పాలించారు.

Telangana History Recharla Padma Nayakulu | తెలంగాణ చరిత్ర - రేచర్ల పద్మ నాయకులు Pdf |_40.1

రెండవ సింగమ నాయకుడు (సింగభూపాలుడు) (క్రీ.శ.1384-1399)] 

ఇతను కవి, పండిత పోషకుడు.

ఇతని రచనలు : 1) రసవర్ణ సుధాకరం – అలంకార శాస్త్ర గ్రంథం.

సామాన్యులకు (వేశ్యలు) కూడా కావ్య ప్రబంధాలలో స్థానం కల్పించవచ్చు అని వాదించాడు.

2) సంగీత సుధాకరం – సంగీత శాస్త్ర గ్రంథం.

ఈ గ్రంథం సారంగ దేవుడు రచించిన సంగీత రత్నాకరంపై రాసిన వాఖ్యానం.

3) “కువలయావళీ” అనే పేరుతో “రత్నపాంచాలిక” అనే నాటకంను రచించాడు.

ఉత్సవాల సమయంలో ఈ నాటకం ను ప్రదర్శించేవారు. * ఇతని ఆస్థానంను శ్రీనాథుడు సందర్శించాడు. * ఇతని ఆస్థాన కవులు:

  •  విశ్వేశ్వరుడు – చమత్కార చంద్రిక (అలంకార శాస్త్రం)
  • బొమ్మకంటి అప్పయార్యుడు – అమరకోశ గ్రంధానికి వాక్యంను రచించాడు.
  • శాకల్య మల్లభట్టు – నిరోష్ట రామాయణం , ఉదార రాఘవం (కావ్యం) ,అవ్యయ సంగ్రహం (నిఘంటువు)
  • శాకల్య మల్లభట్టు వేదాంత దేశకుని యొక్క కుమారుడు వరదా చార్యునితో వాగ్వాదంలో ఓడిపోయాడు.
  • వేదాంత దేశికుడు-తత్త్వ సందేశ, రహస్య సందేశ, సుభాషనీతి అనే గ్రంథాలను రచించాడు.
  • శాకల్య అయ్యలార్యుడు – భాస్కర రామాయణంను రచించాడు.
  • సింగభూపాలుడు వైష్ణవాన్ని ఆదరించాడు.

also read:  (RRB NTPC ఫలితాలు మరియు పరీక్ష తేదీలు విడుదల)

రావు మాదా నాయకుడు (క్రీ.శ.1421–1430)

  • ఇతను గొప్ప విద్వాంసుడు, వైష్ణవ మతాభిమాని
  • నాగారం చెరువు శాసనం ప్రకారం రామాయణానికి “రాఘవీయం” అనే వ్యాఖ్యానంను రాసి శ్రీరామచంద్రునికి అంకితం చేశాడు.
  • శ్రీరంగనాథ స్వామికి “తొర్రూరు” గ్రామాన్ని శ్రీరంగపురం అగ్రహారం అనే పేరుతో దానం చేశాడు
  • మాదానాయకుని భార్య నాగాంబిక రాచకొండ సమీపంలో “నాగసముద్రం” అనే చెరువును నిర్మించింది.

మూడవ సింగమ నాయకుడు (క్రీ.శ.1430-1475) 

  • ఇతనే రాచకొండ రాజులలో చివరివాడు.
  • ఇతని ఆస్థానాన్ని రెడ్డి రాజ్య విద్యాధికారి శ్రీనాథుడు సందర్శించాడు.
  • ఇతని ఆస్థానంలో నైనాచార్యుడినే వైష్ణవ మతాచార్యుడు వైష్ణవ మత వ్యాప్తికి కృషిచేశాడు.
  • బహ్మనీ సుల్తాన్ 3వ మహ్మద్ షా సేనాని నిజాం ఉల్ ముల్క్ ఖైరీ ఇతన్ని ఓడించడంతో రేచర్ల వెలమలరాజ్యం అంతమైంది.

ఆస్థాన కవులు:

గౌరన రచనలు –  1. నవనాథ చరిత్ర  2. హరిశ్చంద్ర పాక్యానం  3. లక్షణ దీపిక

కొరవి గోపరాజు – సింహాసన ద్వాత్రింశిక.

పోతన : ఇతనుసర్వజ్ఞ సింగభూపాలునికి సమకాలికునిగా పేర్కొంటారు.

ఇతని రచనలు: • వీరభద్ర విజయం (శైవగ్రంథం, తొలిరచన)

  • భోగిని దండకం (సర్వజ్ఞ సింగునికి మరియు భోగినిల మధ్య ప్రేమ మారచించబడిన తొలి తెలుగు దండకం)
  •  నారాయణ శతకం.
  • భాగవతం (8 స్కందములు) – దీనిని శ్రీరామచంద్రునికి అంకితమిచ్చాడు

రాచకొండ కోట:

  • ఈ కోటలో ఉన్న ఒక దేవాలయం రామప్పదేవాలయాన్ని పోలి ఉంది.
  • ఈ కోటలోనే సీతారామ లక్ష్మణుల విగ్రహాల ఆలయం ఉంది. –
  • పద్మ నాయకుల యొక్క రాజచిహ్నమైన భైరవ శిల్పాలు ప్రతికోట ద్వారం వద్ద ఉన్నాయి.

నర్సింహుల గుట్ట:

  • ఈ గుట్టపై గుహాలయంలో ద్వాదశ అల్వారుమూర్తులను చెక్కారు.
  • ఈ ఆలయ పై భాగంలో రామాయణంలోని పుత్రకామేష్టి యాగం, అశ్వమేథయాగ చిత్రలేఖనాలు చిత్రించారు.

Telangana History Recharla Padma Nayakulu | తెలంగాణ చరిత్ర - రేచర్ల పద్మ నాయకులు Pdf |_50.1

దేవరకొండ వెలమలు

  • స్వతంత్ర వెలమ రాజ్య స్థాపకుడు సింగమ నాయకుని కుమారులు- 1) అనవోతా నాయకుడు 2) మాదా నాయకుడు
  • అనవోతా నాయకుడు రాచకొండకు రాజుగా ఉండి తన తమ్ముడిని దేవరకొండకు రాజుగా చేసి రాజ్యాన్నిరెండుగా విభజించాడు.
  • దీంతో మాదానాయకుడి సంతతివారిని దేవరకొండ వెలుమలని పిలుస్తారు.

మాదా నాయకుడు.

  • దేవరకొండను రాజధానిగా చేసుకొని పాలన సాగించాడు.
  • నల్లమల కొండలపై ఉన్న శ్రీశైల ఉత్తర ద్వారంగా ప్రసిద్ధి గాంచిన ఉమామహేశ్వర క్షేత్రానికి ద్వార మండపంను నిర్మించినట్లు శాసనం వేయించాడు.

పెదవేదగిరి నాయకుడు 

  • భాస్కర రామాయణంను రచించిన నలుగురు కవుల్లో ఒకరైన ‘శాకల్య అయ్యలార్యుడు’ ఇతని ఆస్థాన కవి.

లింగమ నేడు :

దేవరకొండ వెలమ రాజుల్లో చివరివాడు.

also read:  RRB గ్రూప్ D మునుపటి ప్రశ్న పత్రాలు

మత పరిస్థితులు

శైవ మతం :

  •  ‘ఘడే రాయవంశం’ పద్మనాయకుల కాలంలో శైవంను ప్రచారం చేశారు.
  • తొలి ముసునూరి, వెలమ రాజులు శైవ మతాన్ని ఆదరించారు.
  • తీవ్రవాద శైవమతంలో అనేక క్రూర ఆచారాలు ఉండేవి. –
  • వీరి క్రూర ఆచారాలు :

1) రణం కడుపు:

  • వీరు భైరవుడిని ఆరాధించేవారు.
  • రణం కడుపును పద్మనాయకులు ప్రవేశపెట్టగా, రెడ్డి రాజులు కాలంలో ప్రాచుర్యంలోకి వచ్చింది.
  • మరణించిన వారి రక్తమాంసాలతో వండిన అన్నంను భైరవుడికి నైవేద్యంగా సమర్పించడమే రణముకుడుపు.

2) చంపుడు గుడి:

  • కొరవి గోపరాజు రచించిన సింహాసన ద్వాత్రింశిక గ్రంధంలో స్త్రీ-పురుషులు దైవంపైఅపరిమిత భక్తి వల్ల ఆత్మార్పణం చేసుకుంటున్నారని తెలపబడింది.
  • చంపుడు గుడినే వీరశిరోమండపం అంటారు.
  • దీని ప్రధాన కేంద్రం : శ్రీశైలం
  • వీరు తమ శరీరాన్ని దేవునికి (శివునికి) మొక్కుబడిగా చెల్లిస్తారు.

వైష్ణవ మతం :

  • రామానుజాచార్యుని అనంతరం శ్రీవైష్ణవ శాఖ వడగల్, తెంగల అను శాఖలుగా విడిపోయింది. 
  • తెలంగాణాలో వడగల్ శాఖ ప్రాచుర్యం పొందింది.
  • వడగల్ శాఖ అహోబిలంలో మఠం ను ఏర్పాటు చేసుకొని తమ సిద్ధాంతాలు ప్రచారం చేశారు. 
  • వడగల్ శాఖను ప్రచారం చేసిన వాడు – వేదాంత దేశికుడు.
  • సర్వజ్ఞ సింగభూపాలుని కోరిక మేరకు వేదాంత దేశికుడు రచించిన గ్రంథాలు: * సుభాషిత నీతి, రహస్య సందేశ ,తత్త్వ సందేశ

గ్రామ దేవతలు:

  • శక్తి రూపాలైన దుర్గ, భద్రకాళి, కాళిలను అమ్మవారిగా ప్రతి గ్రామంలో దేవతలను ప్రతిష్టించారు.
  • ఈ దేవతలకు జంతుబలులు ఇచ్చి తమ మొక్కులను తీర్చుకునేవారు.
  • శ్రీనాథుడు ‘చిన్న చిన్న రాళ్ళు చిల్లర దేవుళ్ళు’ అంటూ పేర్కొన్నాడు. 
  • ముఖ్య దేవాలయాలు : శ్రీశైలం, త్రిపురాంతకం
  • శ్రీశైల దేవాలయానికి అనుబందంగా మఠాలు ఉండేవి – గంటామఠం , కలుమర్ ,విభూతి మఠం , భిక్షావృత్తిమఠం (గౌరన, శ్రీనాథుడులను ఆదరించింది)

Telangana History Recharla Padma Nayakulu | తెలంగాణ చరిత్ర - రేచర్ల పద్మ నాయకులు Pdf |_60.1

రేచర్ల పద్మ నాయకుల శాసనాలు

1. కందికొండ శాసనం : (అనపోతా నాయకుడు క్రీ.శ. 1365)

జల్లపల్లి కోటను జయించుట, చెంజెర్ల యుద్ధంలో క్షత్రియులను ఓడించుట, ధరణికోట వద్ద రెడ్డి రాజులను ఓడించుట ఈ శాసనంలో ప్రస్తావించబడినది.

2. అనపోతనాయకుని భువనగిరి శాసనం: (అనపోతా నాయకుడు క్రీ.శ. 1378)

ఇది అసంపూర్తి శాసనం. ముసునూరి కాపయనాయకుని ఓడించి భువనగిరి దురమును సాధించిన

సందర్భముగా వేయించిన శాసనమిది.

3. దేవలమ్మ నాగారం శాసనం : ( రాణి నాగాంబిక క్రీ.శ. 1427 )

రేచర పదునాయకుల వంశావళి వర్ణించబడింది. విష్ణువు, శ్రీరాముని స్తుతి ఈ శాసనంలో ఉంది.

4. ధర్మపురి శాసనం : ( తిరుమలయ్య క్రీ.శ. 1753)

ధర్మపురి నరసింహాస్వామి భోగమంటపం పుష్కరిణికి ప్రాకారము నిర్మించిన సందర్భంగా వేసిన శాసనం.

Download Pdf: తెలంగాణ చరిత్ర – రేచర్ల పద్మ నాయకులు

మునుపటి అంశాలు : 

తెలంగాణా చరిత్ర – ఇక్ష్వాకులు 

తెలంగాణా చరిత్ర -శాతవాహనులు 

తెలంగాణ చరిత్ర- విష్ణు కుండినులు 

తెలంగాణ చరిత్ర – వేములవాడ చాళుక్యులు

తెలంగాణ చరిత్ర – కాకతీయులు

*********************************************************************

Sharing is caring!

Download your free content now!

Congratulations!

Telangana History Recharla Padma Nayakulu | తెలంగాణ చరిత్ర - రేచర్ల పద్మ నాయకులు Pdf |_100.1

కరెంట్ అఫైర్స్ -ఏప్రిల్ 2022 మాస పత్రిక

Download your free content now!

We have already received your details!

Telangana History Recharla Padma Nayakulu | తెలంగాణ చరిత్ర - రేచర్ల పద్మ నాయకులు Pdf |_110.1

Please click download to receive Adda247's premium content on your email ID

Incorrect details? Fill the form again here

కరెంట్ అఫైర్స్ -ఏప్రిల్ 2022 మాస పత్రిక

Thank You, Your details have been submitted we will get back to you.