Telugu govt jobs   »   ap-geography-pdf-in-telugu   »   ap-geography-pdf-in-telugu

AP Geography -AndhraPradesh Climate PDF In Telugu (ఆంధ్ర ప్రదేశ్ – శీతోష్ణస్థితి)

Andhra Pradesh Geography PDF In Telugu(ఆంధ్ర ప్రదేశ్ భూగోళశాస్త్రం) స్టడీ మెటీరియల్ PDF ఆంధ్ర ప్రదేశ్ లో అత్యంత ముఖ్యమైన మరియు ప్రతిష్టాత్మకమైన పరీక్షలు  APPSC గ్రూప్-1,2,3 ,4 , పోలీస్ , రెవెన్యూ  మొదలైన పరీక్షలకు చాలా మంది ఆశావహులు, ఈ  ప్రతిష్టాత్మక ఉద్యోగాల్లో కి ప్రవేశించడానికి ఆసక్తి చూపుతారు.దీనికి పోటీ ఎక్కువగా ఉండడం కారణంగా, అధిక వెయిటేజీ సంబంధిత సబ్జెక్టులను ఎంచుకుని స్మార్ట్ అధ్యయనంతో ఉద్యోగం పొందవచ్చు. ఈ పరీక్షలలో ముఖ్యమైన అంశాలు అయిన పౌర శాస్త్రం , చరిత్ర, భూగోళశాస్త్రం, ఆర్ధిక శాస్త్రం, సైన్సు మరియు విజ్ఞానం, సమకాలీన అంశాలు చాల ముఖ్యమైన పాత్ర పోషిస్తాయి. కాబట్టి ఈ APPSC గ్రూప్-1,2,3 ,4 , పోలీస్ , రెవెన్యూ  మొదలైన పరీక్షలపై ఆసక్తి ఉన్న అభ్యర్థుల కొరకు Adda247 Telugu, ఈ అంశాలలో ఒకటైన  Andhra Pradesh Geography (ఆంధ్ర ప్రదేశ్ భూగోళశాస్త్రం) కి సంబంధించిన కొన్ని ముఖ్యమైన అంశాలను PDF రూపంలో అందిస్తుంది.

Andhra Pradesh Geography PDF In Telugu (ఆంధ్ర ప్రదేశ్  భూగోళశాస్త్రం PDF తెలుగులో)

APPSC గ్రూప్స్, పోలీస్ ,రెవెన్యూ , వంటి అన్ని పరీక్షలలో అడిగే ప్రశ్నల సరళిని అనుసరించి అన్ని పోటీ పరీక్షలకు ఉపయోగపడే విధంగా సమగ్రమైన సిలబస్ తో కూడిన సమాచారం ఈ క్రింద ఇవ్వడం జరిగింది.

ఆంధ్రప్రదేశ్‌- శీతోష్ణస్థితి

ఆంధ్రప్రదేశ్‌ ఆయన రేఖామండలంలో ఉంది. అందువల్ల ఉష్ణమండల లేదా ఆయనరేఖా మండలం శీతోష్ణస్థితిని కలిగి ఉంటుంది. భారతదేశం మాదిరిగానే ఈ రాష్ట్రం శీతోష్ణస్థితి రుతుపవనాలపై ఆధారపడి ఉంది. కాబట్టి ఆంధ్రప్రదేశ్‌ శీతోష్టస్టితిని సాధారణంగా ఆయన రేఖామండల రుతుపవన శీతోష్ణస్థితి అంటారు.

భారత వాతావరణ శాఖ సంవత్సర కాలాన్ని 4 భాగాలుగా విభజించింది. అవి:

  1. శీతాకాలం (జనవరి నుంచి ఫిబ్రవరి)
  2. వేసవికాలం (మార్చి నుంచి జూన్‌ మధ్య వరకు)
  3. నైరుతి రుతుపవనకాలం/వర్షాకాలం (జూన్‌ మధ్య నుంచి సెప్టెంబరు వరకు)
  4. ఈశాన్య రుతుపవనకాలం/ తిరోగమన నైరుతి రుతుపవనకాలం (అక్టోబరు నుంచి డిసెంబరు వరకు)

1.శీతాకాలం:

డిసెంబరు చివరి నాటికి రాష్ట్రం మొత్తం చల్లబడి జనవరి, ఫిబ్రవరి నెలల్లో ఉష్టోగ్రతలు చాలా తక్కువగా ఉంటాయి.

  •  ఈ రుతువులో పొడి వాతావరణం నెలకొని ఉంటుంది.
  •  అనంతపురం, చిత్తూరు జిల్లాలు మిగతా జిల్లాల కంటే తక్కువ ఉప్టోగ్రతతో ఉంటాయి. ఈ జిల్లాలు మైసూరు పీఠభూమిని ఆనుకుని ఉండటమే దీనికి కారణం.
  •  ఈ కాలంలో అత్యల్ప ఉప్టోగ్రత విశాఖ జిల్లాలోని లంబసింగిలో -2°C ఉష్ణోగ్రత నమోదు అవుతుంది.
  •  కోస్తా ప్రాంతం అంతటా రాత్రుల్లో మంచు బాగా కురుస్తుంది.
  • ఉష్ణోగ్రత విలోమం (Temperature Inversion) వల్ల కొన్నిరోజులు ఉదయం వేళల్లో దట్టమైన పొగమంచు కురుస్తుంది.
  • ఈ కాలంలో కోస్తా జిల్లాల కంటే రాయలసీమ జిల్లాల్లో చలి ఎక్కువగా ఉంటుంది. ఎందుకంటే ఇవి సముద్రానికి దూరంగా ఉన్నాయి కాబట్టి.
  •  మార్చి తర్వాత ఎండలు ముదిరి గ్రీష్కతాపం మొదలవుతుంది.

AP Geography -AndhraPradesh Climate PDF In Telugu (ఆంధ్ర ప్రదేశ్ – శీతోష్ణస్థితి) |_40.1

2.వేసవికాలం:

ఆంధ్రప్రదేశ్‌లో వేసవి కాలం.

  •  గరిష్ట ఉష్ణోగ్రత ‘మే’లో నమోదు అవుతుంది.
  •  ఈ సమయంలో గుంటూరు జిల్లాలోని రెంటచింతలలో 45°C పైన ఉష్టోగ్రతలు నమోదు అవుతాయి. మైసూరు పీఠభూమికి ఆనుకొని ఉన్న చిత్తూరు, అనంతపురం జిల్లాలు ఇతర ప్రాంతాల కంటే మరింత చల్లగా ఉంటాయి.
  •  చిత్తూరు జిల్లాలోని హార్సిలీ హిల్స్‌ వేసవి విడిది కేంద్రం.
  •  మే నెల రెండు, మూడు వారాల్లో రాష్ట్రమంతటా వడగాలులు వీస్తాయి.
  •  ఈ రుతువులో సంవహన ప్రక్రియ అధికంగా జరగడం వల్ల క్యుములోనింబస్‌ మేఘాలు ఏర్పడి ఉరుములు, మెరుపులు, వడగళ్లతో కూడిన సంవహన వర్షపు జల్లులు పడతాయి.వేసవిలో అత్యధిక సగటు 31.5°C, అత్యల్ప సగటు ఉష్ణోగ్రత 18°C ఉంటుంది.
  • రాష్ట్ర సరాసరి ఉష్టోగ్రత 27°C
  • వేసవిలో ఆంధ్రప్రాంతంలో రుతుపవనాలు రాకముందు పడే జల్లులను మామిడి జల్లులు లేదా మ్యాంగోషవర్స్‌ లేదా తొలకరి జల్లులు లేదా ఏరువాక జల్లులు అని పిలుస్తారు.
  •  విశాఖపట్నం, మచిలిపట్నం, కాకినాడ ప్రాంతాల్లో సముద్రం ప్రభావం వల్ల తక్కువ ఉష్టోగ్రతలు ఉంటాయి.
  •  ఆంధ్రప్రదేశ్‌ సగటు వర్తపాతం 960 మిల్లీ మీటర్లు

Also Read:  RRB గ్రూప్ D అడ్మిట్ కార్డ్

3.నైరుతి రుతుపవనకాలం/ వర్షాకాలం

  • జూన్‌ మధ్య నుంచి ప్రారంభమై సెప్టెంబరు చివరి వరకు వర్షాకాలం ఉంటుంది.
  •  నైరుతి రుతుపవనాల వల్ల ఆంధ్రప్రదేశ్‌ ఉత్తర ప్రాంతంలో 80 సెం.మీ., దక్షిణ ప్రాంతంలో 40 సెం.మీ. వర్షపాతం ఉంటుంది. ప్రాంతాల వారీగా చూస్తే కోస్తా తీరం సగటు 65.1 సెం.మీ., రాయలసీమలో 46.3 సెం.మీ. వర్షపాతం నమోదవుతుంది.
  •  జూన్‌ రెందో వారంలో నైరుతి రుతుపవనాలు రాష్ట్రంలోకి ప్రవేశిస్తాయి.
  •  నైరుతి రుతుపవనాల వల్ల కోస్తా, రాయలసీమ ప్రాంతాల కంటే తెలంగాణలో అధిక వర్షపాతం పడుతుంది.
  •  నైరుతి రుతుపవననాల కాలంలో వర్షాల ప్రారంభంలో మబ్బులు, వర్షం వల్ల పగటి ఉష్ణోగ్రత కొంత తగ్గుతుంది. కానీ వర్షంలేని రోజుల్లో సూర్యరశ్మి కారణంగా వేడిగాలిలో తేమ అధికంగా ఉండటం వల్ల ఎక్కువగా చెమట పడుతుంది.

4.ఈశాన్య రుతుపవన కాలం/ తిరోగమన నైరుతి రుతుపవనకాలం

అక్టోబరు వర్షాకాలానికి, శీతాకాలానికి మధ్య వారధిలా ఉండి సంధిమాసంలా ఉంటుందని చెప్పవచ్చు. అధిక ఉప్టోగ్రత, అధిక తేమ కారణంగా వాతావరణం ఉక్కపోతగా ఉంటుంది. దీన్ని సాధారణంగా ‘అక్షోబరు వేడిమి’ (October Heat) అని అంటారు.

  •  ఈశాన్య రుతుపవనాల వల్ల కూడా కొద్దిపాటి వర్షం పడుతుంది. ఉత్తర ప్రాంతాల కంటే దక్షిణ ప్రాంతాల్లో ఎక్కువ వర్షం కురుస్తుంది.
  •  అక్టోబరు నుంచి డిసెంబరు మధ్య వీచే ఈశాన్య రుతుపవనాల వల్ల సాధారణ వర్షపాతం 224 మి.మీ. నమోదు అవుతుంది.
  •  ఈ కాలంలో బంగాళాఖాతంలో వాయుగుండాలు ఏర్పడి దక్షిణ కోస్తా జిల్లాలకు (నెల్లూరు,ప్రకాశం) ఎక్కువ నష్టం జరుగుతుంది.
  •  వైరుతి రుతుపవనాల వల్ల అధిక వర్షపాతం పడే జిల్లా పశ్చిమ గోదావరి. ఈశాన్య రుతుపవనాల వల్ల అధిక వర్షపాతం పడే జిల్లా తూర్పు గోదావరి.
  •  నైరుతి రుతుపవనాల వల్ల అల్ప వర్షపాతం పడే జిల్లాలు నెల్లూరు, అనంతపురం.
  • . ఈశాన్య రుతుపవనాల వల్ల అల్ప వర్షపాతం పడే జిల్లాలు కర్నూలు, అనంతపురం.
  •  సగటు అధిక వార్షిక వర్షపాతం పశ్చిమ గోదావరిలో, అల్ప వర్షపాతం అనంతపురంలో నమోదు అవుతుంది.

AP Geography -AndhraPradesh Climate PDF In Telugu (ఆంధ్ర ప్రదేశ్ – శీతోష్ణస్థితి) |_50.1

మరిన్ని ముఖ్యాంశాలు:

  • రాజస్థాన్‌లోని జైసల్మీర్‌ తర్వాత అతి తక్కువ వర్షపాతం (560 మి.మీ. కంటే) నమోదు

అయ్యే ప్రాంతం అనంతపురం. ఇది భారత్‌లోనే రెందో స్టానంలో ఉంది.

  •  జులైలో కోస్తా ఆంధ్రా, తెలంగాణలో అధిక వర్షం పడుతుంది.
  •  సెప్టెంబరులో దక్షిణ తెలంగాణ, ఆగ్నేయ ప్రాంతంలో అధిక వర్షం పడుతుంది. అక్టోబరులో చిత్తూరులో అధిక వర్షపాతం కురుస్తుంది.
  •  నవంబరులో నెల్లూరు, గుంటూరులో వర్షాలు పడతాయి.
రాష్ట్ర సగటు వర్షపాతం 896 మి.మీ.
నైరుతి రుతుపవనాల వల్ల 602 మి.మీ.
ఈశాన్య రుతుపవనాలు వల్ల. 203 మి.మీ
వేసవి కాలం 73 మి.మీ.
శీతాకాలం 18 మి.మీ.
మొత్తం 896 మి.మీ.
  • ఆంధ్రప్రదేశ్‌లో రెండు రకాల శీతోష్ణస్థితి మండలాలు ఉన్నాయని తెలిపింది కొప్పెన్‌.

అవి:

1. ఆయన రేఖా వర్షపాత ప్రాంతం (Tropical Rainy-A)

2.శుష్క ప్రాంతం (Dry- B)

  •  శుష్క ప్రాంతం కడప నుంచి ఉత్తరాన నల్గొండ వరకు, పడమర బళ్లారి నుంచి తూర్పున ఉదయగిరి వరకు వ్యాపించి ఉంది.
  •  మిగిలిన ప్రాంతంమంతా మొదటి రకానికి చెందింది.

Also Read: Static GK- National and International

వరదలు

  •  కురవాల్సిన సాధారణ వర్షపాతం కంటే అధిక వర్షపాతం కురిస్తే దాన్ని అతివృష్టి అంటారు.
  •  అతివృష్టి వల్ల వరదలు వస్తాయి.
  •  వరదలు సంభవించే ప్రాంతం – కొల్లేరు, వంశధార, శారదానది ప్రాంతాలు; కృష్ణా, గోదావరి ప్రాంతాలు.
  •  ‘ఆంధ్ర దుఃఖదాయిని’ బుడమేరు. (“The Sorrow of Andhra”)

కరవు కాటకాలు

  •  అనావృష్టి మూలంగా కరవులు వస్తాయి.
  •  సాధారణ వర్షపాతంలో 75% కంటే తక్కువ వర్షం కురిస్తే దాన్ని కరవు అంటారు.
  •  సాధారణ వర్షపాతంలో 50% కంటే తక్కువ వర్షం కురిస్తే దాన్ని తీవ్రమైన కరవుఅంటారు.
  • అధిక కరవులు సంభవించే ప్రాంతం రాయలసీమ

ఆంధ్రప్రదేశ్-శీతోష్ణస్థితి PDF తెలుగులో

 

Also Read : (ఆంధ్రప్రదేశ్ – నైసర్గిక స్వరూపం)

**************************************************************************************

 

Sharing is caring!

Download your free content now!

Congratulations!

AP Geography -AndhraPradesh Climate PDF In Telugu (ఆంధ్ర ప్రదేశ్ – శీతోష్ణస్థితి) |_90.1

కరెంట్ అఫైర్స్ -ఏప్రిల్ 2022 మాస పత్రిక

Download your free content now!

We have already received your details!

AP Geography -AndhraPradesh Climate PDF In Telugu (ఆంధ్ర ప్రదేశ్ – శీతోష్ణస్థితి) |_100.1

Please click download to receive Adda247's premium content on your email ID

Incorrect details? Fill the form again here

కరెంట్ అఫైర్స్ -ఏప్రిల్ 2022 మాస పత్రిక

Thank You, Your details have been submitted we will get back to you.