“Vision Visakhapatnam 2030” Initiative | “విజన్ విశాఖపట్నం 2030” కార్యక్రమం

“Vision Visakhapatnam 2030” Initiative | “విజన్ విశాఖపట్నం 2030” కార్యక్రమం

బిజెపి రాజ్యసభ సభ్యుడు GVL నరసింహారావు తన “విజన్ విశాఖపట్నం 2030” కార్యక్రమంలో భాగంగా ఆదివారం ట్రావెల్, టూరిజం మరియు హోటల్ రంగాల ప్రతినిధులతో సమావేశం నిర్వహించారు.

విశాఖను అత్యాధునిక పర్యాటక కేంద్రంగా తీర్చిదిద్దేందుకు గల అవకాశాలను గుర్తించి, అందుకు సంబంధించిన రోడ్‌మ్యాప్‌ను రూపొందించే లక్ష్యంతో జరిగిన ఈ సమావేశంలో ఏపీ ఛాంబర్ ఆఫ్ కామర్స్ చైర్మన్, విశాఖపట్నం చాప్టర్ శ్రీనాథ్ చిట్టోరి, సీఐఐ వైస్ చైర్మన్ గ్రంధి రాజేష్, హోటల్, మరియు పర్యాటక రంగాల ప్రతినిధులు పాల్గొన్నారు.

“విజన్ విశాఖపట్నం 2030”లో భాగంగా, జీవీఎల్ ఇప్పటికే విశాఖపట్నం నుండి షిప్పింగ్, ఫార్మా, ఎరువులు, రసాయనాలు మరియు ఆక్వా రంగ పరిశ్రమల ప్రతినిధులతో సమావేశాలు నిర్వహించి, ఈ రంగాల అభివృద్ధికి రోడ్ మ్యాప్‌ను సిద్ధం చేయడానికి కేంద్ర మంత్రులతో పరిశ్రమల ప్రతినిధులతో పరస్పర చర్చలు ఏర్పాటు చేశారు.

విశాఖ ప్రాంత పర్యాటక అభివృద్ధికి పర్యాటక రంగం సమీకృత ప్రణాళికను సిద్ధం చేయాల్సిన అవసరం ఎంతైనా ఉందని జీవీఎల్ అన్నారు. సాటిలేని ప్రకృతి వనరులు మరియు అందాలతో విశాఖపట్నం దేశంలోనే ఒక ప్రత్యేక గమ్యస్థానంగా నిలవడానికి వినూత్న మార్కెటింగ్ ఆలోచనలను అవలంబించడం అవసరమని పేర్కొన్నారు.

Sharing is caring!