Telangana Movement & State Formation : Most important and prestigious exams in Telangana are TSPSC Group-1,2,3, 4, Police, Revenue etc. Many hopefuls are interested in entering these prestigious jobs.Due to the high level of competition, one can opt for high weightage related subjects and get a job with smart study.We provide Telugu study material in pdf format all aspects of Telangana Movement & State Formation that can be used in all competitive exams like TSPSC Group-1,2,3, 4, Police, Revenue etc.
Telangana Movement & State Formation
తెలంగాణ లో అత్యంత ముఖ్యమైన మరియు ప్రతిష్టాత్మకమైన పరీక్షలు TSPSC గ్రూప్-1,2,3 ,4 , పోలీస్ , రెవెన్యూ మొదలైన పరీక్షలకు చాలా మంది ఆశావహులు, ఈ ప్రతిష్టాత్మక ఉద్యోగాల్లో కి ప్రవేశించడానికి ఆసక్తి చూపుతారు.దీనికి పోటీ ఎక్కువగా ఉండడం కారణంగా, అధిక వెయిటేజీ సంబంధిత సబ్జెక్టులను ఎంచుకుని స్మార్ట్ అధ్యయనంతో ఉద్యోగం పొందవచ్చు. ఈ పరీక్షలలో ముఖ్యమైన అంశాలు అయిన పౌర శాస్త్రం , చరిత్ర , తెలంగాణ ఉద్యమం, భూగోళశాస్త్రం, ఆర్ధిక శాస్త్రం, సైన్సు మరియు విజ్ఞానం, సమకాలీన అంశాలు చాల ముఖ్యమైన పాత్ర పోషిస్తాయి. కాబట్టి ఈ TSPSC గ్రూప్-1,2,3 ,4 , పోలీస్ , రెవెన్యూ మొదలైన పరీక్షలపై ఆసక్తి ఉన్న అభ్యర్థుల కొరకు Adda247, ఈ అంశాలలో ఒకటైన తెలంగాణ ఉద్యమం (Telangana Movement) కి సంబంధించిన కొన్ని ముఖ్యమైన అంశాలను PDF రూపంలో అందిస్తుంది.
APPSC/TSPSC Sure shot Selection Group
ధూంధాం
- మలిదశ ఉద్యమంలో తెలంగాణ అన్యాయాలను ప్రజలకు తెలియజెప్పడానికి ఏర్పాటు చేసిన సాంస్కృతిక వేదిక తెలంగాణ ధూంధాం
- దీనియొక్క తొలి ప్రదర్శన సెప్టెంబర్ 30, 2002 కామారెడ్డిలో జరిగింది
- రసమయి బాలకిషన్, అందెశ్రీ, వరంగల్ శంకర్, గోరటి వెంకన్న, విమలక్క గూడ అంజయ్య తమ ఆటపాటలతో అలరించారు.
- ధూంధాం దశాబ్ది ఉత్సవాలు డిసెంబర్ 22, 2012న హైదరాబాద్ లో ఇందిరా ప్రియదర్శిని ఆడిటోరియంలో జరిగాయి.
Read More: TS TET Notification 2022 PDF Telangana
Telangana Martyr Statue తెలంగాణ అమరవీరుల స్థూపం
- 1969 తెలంగాణ ఉద్యమంలో అమరులైన వారి స్మృత్యర్థం గన్‌పార్క్ వద్ద తెలంగాణ అమరవీరుల స్థూపం నిర్మించారు.
- ఈ స్థూపాన్ని చెక్కిన శిల్పి – ఎక్క యాదగిరి.
- ఈ అమరవీరుల స్థూపం అడుగుభాగం నల్లరాయితో తయారుచేశారు.
- నాలుగు వైపుల తొమ్మిది చొప్పున చిన్న రంధ్రాలు వున్నాయి. ఇవి అమరవీరుల శరీరంలో దూసుకుపోయిన బుల్లెట్స్
- స్థూపాన్ని ఎరుపురాయితో నిర్మించారు. ఇది త్యాగానికి, సాహసానికి నిదర్శనం.
- స్థూపం మధ్యభాగంలో ఒక స్థంబం వుంటుంది. ఏ వైపు చూసినా దానిపై తొమ్మిది గీతలు కనిపిస్తాయి. ఇవి తొమ్మిది జిల్లాలకు నిదర్శనం
- పై భాగంలో అశోకుని ధర్మచక్రం వుంటుంది. ఇది ధర్మం, శాంతి, సహనానికి గుర్తు.
తెలంగాణ తల్లి విగ్రహం
- తెలంగాణ తల్లి విగ్రహం రూపొదించడంలో ముఖ్య పాత్ర పోషించినవారు బి.ఎస్.రాములు, బి.వి.ఆర్. చారి, ప్రొ.గంగాధర్.
- పసునూరి దయాకర్ తయారు చేసిన తెలంగాణ తల్లి తొలివిగ్రహాన్ని తెలంగాణ భవన్ లో 2007 నవంబర్ 15న కేసీఆర్ ఆవిష్కరించారు.
ఈ విగ్రహం ప్రత్యేకతలు :
- కిరీటంలో, వడ్డాణంలో ప్రసిద్ధి చెందిన కోహినూరు, జాకబ్ వజ్రాలుంటాయి.
- పట్టుచీర – పోచంపల్లి, గద్వాల చీరలకు గుర్తుగా.
- కాలి మెట్టెలు – ముత్తైదువకు చిహ్నంగా.
- వెండి మట్టలు – కరీంనగర్ ఫిలిగ్రీ ఆభరణాలకు చిహ్నంగా.
- చేతిలోని మొక్కజొన్న – తెలంగాణ మెట్ట ప్రాంతాలకు గుర్తుగా
- ఇంకో చేతిలో బతుకమ్మ – తెలంగాణ పండుగకు గుర్తుగా
తెలంగాణ జాగృతి
- తెలంగాణ ప్రాంతంలోని సంస్కృతి, కళారూపాల, జానపదులు, సాహిత్యం, తెలంగాణ ప్రాంతం మాండలికం మొదలైనవి పరిరకించడానికి తెలంగాణ జాగృతి సాంఘిక-సాంస్కృతిక సంస్థగా 2008 జూన్ లో ఏర్పడింది.
- దీనిని కల్వకుంట్ల కవిత ఏర్పాటు చేసింది.
- పెద్ద ఎత్తున ప్రజలను సమీకరించడానికి తెలంగాణ జాగృతి బతుకమ్మ పండుగ ఉత్సవాలను ప్రతి సంవత్సరం నిర్వహిస్తుంది.
- తెలంగాణ ప్రాంతంలో అన్ని జిల్లాల్లో బతుకమ్మ ఉత్సవాలను నిర్వహించి, వాటికి విశిష్ఠ ముగింపుగా హైదరాబాద్ నగరంలోని ట్యాంక్ బండ్ పై లక్షలాది మంది ప్రజలతో బతుకమ్మ పండుగ జరిగి సాంస్కృతిక కవాతు నిర్వహిస్తుంది
Also read: TSPSC Group 4 Recruitment 2022 Apply for 9168 Posts, Notification
Telangana Political Joint Action Committee-TJAC తెలంగాణ రాజకీయ జాయింట్ యాక్షన్ కమిటీ
- తెలంగాణ రాజకీయ జాయింట్ యాక్షన్ కమిటీ (టీజేఏసీ) 2009 డిసెంబర్ 24న ఏర్పడింది.
- దీనికి కన్వీనర్ – ప్రొ. కోదండరామ్, కో-కన్వీనర్ -మల్లేపల్లి లక్ష్మయ్య.
- ఈ జేఏసీలో చేరిన పార్టీలు టీఆర్ఎస్, కాంగ్రెస్, తెలంగాణ టీడీపీ ఫోరం, బీజేపీ, సీపీఐ, న్యూడెమొక్రసీ.
- 2010 ఫిబ్రవరి 19న జేఏసీ నుండి కాంగ్రెస్ తప్పుకున్నట్లు ప్రకటించింది. తరువాత కాలంలో తెలంగాణ టీడీపీ ఫోరం కూడా జేఏసీ నుండి తప్పుకుంది.
తెలంగాణ జేఏసీ నిరసన కార్యక్రమాలు
| 2010 లో మానవహారం |
|
| 2011, జనవరి 10-11 | కలెక్టరేట్ల ముట్టడి |
| 2011 జనవరి 19 | వంటా వార్పూ |
| 2011 ఫిబ్రవరి 17 – మార్చి 4 | సహాయనిరాకరణ |
| 2011 మార్చి 1 | పల్లె పల్లె పట్టాలపైకి |
| 2011 మార్చి 10 | మిలియన్ మార్చ్ |
| 2011 సెప్టెంబర్ 16 – అక్టోబర్ 24 | సకలజనుల సమ్మె |
| 2012 సెప్టెంబర్ 30 | తెలంగాణ మార్చ్ / సాగరహారం |
| 2013 మార్చి 21 | సడక్ బంద్ |
| 2013 ఏప్రిల్ 29-30 | సంసద్ యాత్ర |
తెలంగాణ కోసం ఆత్మహత్యలు
- 2009 నవంబర్ 29న కేసీఆర్ అరెస్టుతో మనస్తాపానికి గురైన శ్రీకాంతాచారి అనే విద్యార్థి ఒంటిపై కిరోసిన్ పోసుకుని ఆత్మబలిదానానికి సిద్ధమయ్యారు.
- ఇతను డిసెంబర్ 3వ తేదీన అంతిమ శ్వాస విడిచాడు.
- 2010 జనవరి 19న ఓయూ విద్యార్థి వేణుగోపాల్ రెడ్డి తెలంగాణ కోసం ఆత్మహత్యలు చేసుకున్నాడు
- తెలంగాణ ఉద్యమ తీవ్రత గురించి ఢిల్లీకి తెలియజేయాలని ఢిల్లీలో పార్లమెంట్ ముందు ఆత్మహత్య చేసుకున్న యువకుడు యాదిరెడ్డి
- అసెంబ్లీ ముట్టడి సమయంలో యాదయ్య అనే విద్యార్థి ఉస్మానియా యూనివర్శిటీ ఎన్.సి.సి. గేటు వద్ద ఆత్మహత్య చేసుకున్నాడు.
- 2010లో అడ్వకేట్ దేవేందర్ రెడ్డి ఆత్మహత్య చేసుకున్నాడు.
- 2010 జూలైలో ఉపఎన్నికల ఫలితాల్లో డీఎస్ ఓడిపోవడంతో తన కోరిక నెరవేరిందని ఇషాంత్ రెడ్డి ఆత్మబలిదానం చేసుకున్నాడు.
- 2012 మార్చిలో సిరిపురం’ శ్రీకాంత్ అనే విద్యార్థి హైదరాబాద్ లో మరణించాడు.
Also Read: CGBSE 10th, 12th Results 2022
*****************************************************************
మునుపటి అంశాలు :
తెలంగాణ రాష్ట్ర ఏర్పాటులో వివిధ పార్టీల పాత్ర
రాజకీయ మరియు సిద్ధాంతపరమైన ప్రయత్నాలు
తెలంగాణ భావజాల వ్యాప్తిలో వివిధ సభలు
తెలంగాణ భావజాల వ్యాప్తిలో పౌరసంఘాలు, వేదికల పాత్ర
జై ఆంధ్ర ఉద్యమం- అనంతర సంఘటనలు
1969 ఉద్యమం వివిధ రాజకీయ పార్టీల పాత్ర
1969 ఉద్యమం-వివిధ వర్గాల పాత్ర
1956-69 మధ్య తెలంగాణ పరిరక్షణల ఉల్లంఘనలు,
తెలంగాణ ఉద్యమం-పెద్ద మనుషుల ఒప్పందం 1956
తెలంగాణ ఉద్యమం-రాష్ట్ర ఏర్పాటు , ముల్కీ ఉద్యమం 1952
