నేటి పరస్పర అనుసంధాన ప్రపంచంలో, కంప్యూటర్లు మరియు ఇంటర్నెట్ అనివార్య సాధనాలుగా ఉన్నాయి, మన చుట్టూ ఉన్న ప్రపంచంతో మనం ఏకం అవ్వడానికి, ఏదైనా కొత్తది నేర్చుకోడానికి, ఎవరితోనైనా కమ్యూనికేట్ చేయడానికి కూడా అంతర్జాలాన్ని ఉపయోగిస్తాము. ఇంటర్నెట్ యొక్క ప్రాథమిక అంశాలపై బలమైన పునాదిని సాధిస్తే ప్రశ్నలు కఠినంగా ఉన్న సులువుగా సమాధానం చేయవచ్చు.
APPSC/TSPSC Sure shot Selection Group
ఇంటర్నెట్ పరిచయం
ఇంటర్నెట్ అనేది ప్రపంచంలో ఉన్న వేర్వేరు కంప్యూటర్లు నెట్వర్క్ కి అనుసంధానం లేదా కంప్యూటర్ నెట్‌వర్క్‌ల యొక్క గ్లోబల్ సిస్టమ్, ఇది ప్రపంచవ్యాప్తంగా అనేక బిలియన్ పరికరాలను లింక్ చేయడానికి ప్రామాణిక ఇంటర్నెట్ ప్రోటోకాల్ సూట్ (TCP/IP)ని ఉపయోగిస్తుంది.
1969లో లాస్ ఏంజిల్స్ లో మొదటిసారిగా ARPANET (అడ్వాన్స్ డ్ రీసెర్చ్ ప్రాజెక్ట్స్ ఏజెన్సీ నెట్ వర్క్) ని మొదటిసారి అనుసంధానించారు ఇదే ఇంటర్నెట్ సృష్టికి మూలం. అమెరికా రక్షణ రంగంలోని కంప్యూటర్లను అనుసంధానించడమే ఈ ప్రాజెక్టు లక్ష్యం, ఆ తరువాత అవి ఆర్పానెట్ మరియు NSFనెట్ కి అనుసంధానించి ఇంటర్నెట్ను ఏర్పాటు చేశాయి. ఇది ఎలక్ట్రానిక్, వైర్‌లెస్ మరియు ఆప్టికల్ నెట్‌వర్కింగ్ టెక్నాలజీల యొక్క విస్తృత శ్రేణి ద్వారా అనుసంధానించబడిన స్థానిక నుండి ప్రపంచ పరిధికి చెందిన మిలియన్ల కొద్దీ ప్రైవేట్, పబ్లిక్, అకడమిక్, బిజినెస్ మరియు ప్రభుత్వ నెట్‌వర్క్‌లను కలిగి ఉన్న నెట్‌వర్క్‌ల నెట్వర్క్.
ఇంటర్నెట్ చరిత్ర ముఖ్యాంశాలు
1971 – రే టాంలిన్సన్ ఇమెయిల్ (@)ని ఆవిష్కరించారు
1973 – వింటన్ “వింట్” సెర్ఫ్ మరియు రాబర్ట్ ఇ. “బాబ్” కాన్ ట్రాన్స్‌మిషన్-కంట్రోల్ ప్రోటోకాల్ (TCP)ని అభివృద్ధి చేయడానికి ఒక ప్రాజెక్ట్‌ను ప్రారంభించారు.
1973-74 – రాబర్ట్ మెట్‌కాఫ్‌చే ఈథర్‌నెట్.
1974 – బాబ్ కాన్ మరియు వింట్ సెర్ఫ్ ట్రాన్స్‌మిషన్ కంట్రోల్ ప్రోటోకాల్‌కు సంబంధించి వారి నోట్స్‌లో మొదటిసారిగా “ఇంటర్నెట్” అనే పదాన్ని సూచిస్తారు.
1989 – WWWC (వరల్డ్ వైడ్ వెబ్ కన్సార్టియం) ఏర్పడింది.
1990-91 – సర్ టిమ్ బెర్నర్స్-లీ వరల్డ్ వైడ్ వెబ్ అని పిలువబడే మొదటి వెబ్ బ్రౌజర్‌ను రూపొందించారు.
1995 – VSNL ద్వారా భారతదేశంలో ఇంటర్నెట్ ప్రారంభించబడింది.
ప్రపంచ వ్యాప్త డొమైన్ పేర్లు
ఉన్నత స్థాయి డొమైన్‌ల జాబితా:
- .com – వాణిజ్య సంస్థలు
- .org – లాభాపేక్ష లేని సంస్థలు
- .edu – విద్యా సంస్థలు
- .net – నెట్వర్క్ కేంద్రాలు
- .gov – ప్రభుత్వం వెబ్‌సైట్‌లు
- .Int – అంతర్జాతీయ సంస్థలు
- .mil – సైనిక సమూహాలు
- .ac.in – భారతదేశంలో విధ్యాసంస్థలు
- .info – సమాచార సేవా ప్రదాతలు
- .def – డిఫెన్స్ సైట్లు
- .co.in – భారతదేశంలో వాణిజ్య సంస్థలు
URL లేదా (యూనిఫాం రిసోర్స్ లొకేటర్) లేదా మరో మాటలో చెప్పాలంటే, ఆన్‌లైన్ రిసోర్స్ యొక్క వెబ్ చిరునామా. www.google.com ఇలా URLని అర్థం చేసుకుంటారు, కానీ అది URL కాదు ఇది URLలో ఒక భాగం ఇది గూగుల్ అనే సంస్థ/కంపెనీ ని గుర్తు చేస్తుంది.
వెబ్ బ్రౌజర్ & సర్చ్ ఇంజిన్
ఉదాహరణలు:
LYNX, opera, Internet Explorer, Amaya, Mozilla Firefox, phoenix, safari, google chrome, Epic (Indian), Microsoft Edge, Baidu మొదలైనవి.
శోధన ఇంజిన్ మరియు వెబ్ బ్రౌజర్ రెండు సాధారణంగా ఉపయోగించే పదాలు కానీ వాటి మధ్య వ్యత్యాసం చాలా ఉంది.
వెబ్ బ్రౌజర్ అనేది వరల్డ్ వైడ్ వెబ్‌ని ఉపయోగించి సమాచారాన్ని యాక్సెస్ చేయడానికి మిమ్మల్ని అనుమతించే సాఫ్ట్‌వేర్ అప్లికేషన్.
వినియోగదారు పేర్కొన్న కీలకపదాలు లేదా అక్షరాలకు అనుగుణంగా ఉండే డేటాబేస్‌లోని అంశాలను శోధించే మరియు గుర్తించే ప్రోగ్రామ్, ప్రత్యేకంగా వరల్డ్ వైడ్ వెబ్‌లో నిర్దిష్ట సైట్‌లను కనుగొనడానికి ఉపయోగించే ప్రోగ్రామ్‌ను శోధన ఇంజిన్ అంటారు.
ఇంటర్నెట్ లో ఇతర ముఖ్యాంశాలు
బ్లాగ్ అనేది వెబ్సైట్ లేదా వెబ్ పేజీగా పేర్కొనవచ్చు, దీనిలో ఒక వ్యక్తి తన అభిప్రాయాలను, ఇతర సైట్‌లకు లింక్‌లను అందిస్తారు. ఒక సాధారణ బ్లాగ్ దాని అంశానికి సంబంధించిన ఇతర బ్లాగ్‌లు, వెబ్ పేజీలు మరియు ఇతర మీడియాకు టెక్స్ట్, ఇమేజ్‌లు మరియు లింక్‌లను మిళితం చేస్తుంది. ఎవరైనా కంప్యూటరు పరిజ్ఞానం ఉన్నవారు బ్లాగ్ పేజీను తయారుచేసుకోవచ్చు ఈ బ్లాగ్ పేజీలలో యాడ్ల ద్వారా డబ్బులు కూడా సంపాదించవచ్చు.
అంతర్జాలంలో ముఖ్య అబ్రివియేషన్స
- ISP- Internet Service Provider
- TCP- Transmission Control Protocol
- NCP- Network Control Protocol
- IP- Internet Protocol
- TP- Telnet Protocol
- FTP- File Transfer Protocol
- HTTP- Hyper Text Transfer Protocol
- WAP- Wireless Application Protocol
- VoIP- Voice over Internet Protocol
- UP- Usenet Protocol
- PPP- Point to Point Protocol
- SMTP- Simple Mail Transfer Protocol
- Wifi- Wireless Fidility
- DSL- Digital Subscriber Line
- WiMax- Worldwide Interoperability for Microwave Access
- E-mail- Electronic Mail
- .com- Commercial/ Component Object Model
- WAN- Wide Area Network
- LAN- Local Area Network
- MAN- Metropolitan Area Network
ఇంటర్నెట్ ఉపయోగించడం వల్ల లాభాలు మరియు నష్టాలు
ఈ ఆధునిక ప్రపంచంలో ఇంటర్నెట్ వినియోగం రోజువారీ జీవితంలో ఒక భాగం అయిపోయింది. ఇంటర్నెట్ వలన ఎక్కడో ఉన్న స్నేహితులు, బంధువులు వంటి వారెందరో మన ముందుకు పరిచయం చేస్తుంది. కానీ అదే సమయంలో మానవుని అతి చిన్న లేదా అతి పెద్ద సమాచారం కోసం ఆధారపడేలా చేసింది. ఇంటర్నెట్ ఉపయోగంలో లాభ నష్టాలు తెలుసుకోండి.
ఉపయోగాలు
- ఏదైనా సమాచారం ఆన్‌లైన్‌లో అందుబాటులో ఉంటుంది. ఇంటర్నెట్ ఏ సమయంలోనైనా కొత్త విషయాల గురించి తెలుసుకోవడానికి ప్రాంతంతో సంబంధం లేకుండా వివిధ విషయాలపై వివరాలను సులువుగా తెలుసుకోవాలి.
- అధునాతన సాంకేతికతతో, పిల్లల నుంచి పెద్దలు వరకూ కొత్త విషయాలను నేర్చుకోవడానికి ఆన్‌లైన్ ద్వారా జ్ఞానాన్ని పొందడం ఇంటర్నెట్ మరింత అందుబాటులోకి వచ్చింది
- నిరూధివగులు ఇంటర్నెట్ ద్వారా కోరుకున్న ఉద్యోగం కోసం వెతకవచ్చు మరియు ఉద్యోగార్ధులు ఇంటర్నెట్‌ని ఉపయోగించి ఉద్యోగాల కోసం ఆన్‌లైన్‌లో దరఖాస్తు చేసుకోవచ్చు.
- వేలాది మంది వ్యక్తులు తమ స్వంత వెబ్‌సైట్‌లను ప్రారంభించి ఉత్పత్తులు లేదా సేవలను విక్రయించడం ద్వారా మంచి వ్యాపారాన్ని మరియు వినియోగదారులను/కస్టమర్‌లను పొందవచ్చు.
ప్రతికూలతలు
- ఇంటర్నెట్ ద్వారా ఆన్‌లైన్‌లో వస్తువులు మరియు సమాచారాన్ని సేకరించేందుకు ఎక్కువగా ఆధారపడటం అలవాటైంది.
- ప్రజలు కేవలం అభ్యాస ప్రయోజనాల కోసం ఇంటర్నెట్‌ని ఉపయోగించకుండా వనరులను ఉపయోగించడం వలన సైబర్ క్రైమ్ పెరిగిపోయింది.
- ఆన్‌లైన్ గేమ్‌లు, వీడియొలు, ఇతర సమాచారం సులభంగా కనుగొనటం వలన, ఇది పరధ్యానానికి కారణం కావచ్చు.
- ప్రజలను బెదిరించడం, ట్రోల్ చేయడం వంటి అనైతిక మార్గాలలో ఆన్‌లైన్ ప్లాట్‌ఫారమ్‌లు ఉపయోగించబడుతున్నాయి.
| మరింత చదవండి | |
| తాజా ఉద్యోగ ప్రకటనలు | ఇక్కడ క్లిక్ చేయండి |
| ఉచిత స్టడీ మెటీరియల్ (APPSC, TSPSC) | ఇక్కడ క్లిక్ చేయండి |
| ఉచిత మాక్ టెస్టులు | ఇక్కడ క్లిక్ చేయండి |
| Adda247 తెలుగు APP | ఇక్కడ క్లిక్ చేయండి |
