பல்வேறு போட்டித் தேர்வுகளில் அறிவியல் முக்கியப் பங்காற்றுகிறது, விண்ணப்பதாரர்களுக்கு அவர்களின் தயாரிப்பில் உதவ, நாங்கள் 30 கேள்விகளை (MCQs) தொகுத்துள்ளோம். உங்கள் அறிவியல் அறிவை மேம்படுத்துவதற்கும், வரவிருக்கும் தேர்வுகளுக்கு உங்களை சிறப்பாக தயார்படுத்துவதற்கும் ஒவ்வொரு கேள்விக்கும் சரியான பதில் உள்ளது.
Q1. பின்வருவனவற்றில் பீனாலின் மூலக்கூறு வாய்ப்பாடு எது?
(a) C6H5OH
(b) COOH
(c) CH3OH
(d) C6H12O6
Q2. பீனாலைப் பற்றிய பின்வரும் கூற்றுகளில் எது சரியானது?
(a) பீனால் நிறமற்ற கரைசலாக இருப்பினும், மாசு காரணமாக இளம் சிவப்பு நிறக் கரைசலாக மாறுகிறது.
(b) பீனால் நீல நிறக் கரைசலாக இருப்பினும், மாசு காரணமாக இளம் சிவப்பு நிறக் கரைசலாக மாறுகிறது.
(c) பீனால் நிறமற்ற கரைசலாக இருப்பினும், மாசு காரணமாக நீல நிறக் கரைசலாக மாறுகிறது.
(d) பீனால் சிவப்பு நிறக் கரைசலாக இருப்பினும், மாசு காரணமாக நீல நிறக் கரைசலாக மாறுகிறது.
Q3. பின்வருவனவற்றில் பாரிஸ் சாந்தின் சரியான மூலக்கூறு வாய்ப்பாடு எது?
(a) CaSO4
(b) CaSO4 .1/2H2O
(c) CaSO4 .2H2O
(d) CaSO4 .3H2O
Q4. பாரிஸ் சாந்தின் பயன்பாடுகளுள் எது தவறானது?
(a) கரும்பலகையில் எழுதும் பொருள் தயாரிக்க பயன்படுகிறது.
(b) அறுவைச் சிகிச்சையில் எலும்பு முறிவுகளை சரிசெய்யப் பயன்படுத்தப்படுகிறது.
(c) சிலைகள் வார்க்க பயன்படுத்தப்படுகிறது.
(d) உணவுப் பொருட்கள் தயாரிப்பில் பயன்படுத்தப்படுகிறது.
Q5. பின்வருவனவற்றுள் எப்சம் உப்பின் மூலக்கூறு வாய்ப்பாடு எது?
(a) MgSO4
(b) MgSO4 .1H2O
(c) MgSO4 .5H2O
(d) MgSO4 .7H2O
Q6. எப்சம் உப்பின் பயன்பாடுகளில் எது தவறானது?
(a) மன அழுத்தத்தைக் குறைக்கும் அமைதிபடுத்திகளாக பயன்படுகிறது.
(b) மனிதத் தசை மற்றும் நரம்பு மண்டலத்தை சீராக்குகிறது.
(c) தோல் நோய்களைத் தீர்க்கும் களிம்புகளில் பயன்படுகிறது.
(d) உணவின் ருசியை மேம்படுத்துகிறது.
Q7. ஜிப்சத்தின் வேதியியல் பெயர் என்ன?
(a) கால்சியம் கார்பனேட்
(b) கால்சியம் சல்பேட் டைஹைட்ரேட்
(c) கால்சியம் குளோரைடு
(d) சோடியம் சல்பேட்
Q8. ஜிப்சத்தின் பயன்பாடுகளில் எது தவறானது?
(a) உரமாக பயன்படுகிறது.
(b) சிமெண்ட் தயாரிக்கப் பயன்படுகிறது.
(c) பாரிஸ் சாந்து தயாரிக்கப் பயன்படுகிறது.
(d) கண்ணாடி தொழிற்சாலைகளில் பயன்படுகிறது.
Q9. போர்ட்லேண்ட் சிமெண்டை தயாரிக்க வில்லியம் ஆஸ்பிடின் பயன்படுத்திய பொருட்கள் யாவை?
(a) சுண்ணக் கட்டி மற்றும் களிமண்
(b) சுண்ணாம்புக் கல் மற்றும் மணல்
(c) ஜிப்சம் மற்றும் நீர்
(d) சரளைக் கல் மற்றும் படிவுப்பாறை
Q10. மண்புழு ஏன் “உழவனின் நண்பன்” என்றழைக்கப்படுகிறது?
(a) கழிவுகளில் இருந்து உரங்கள் தயாரிக்க உதவுகின்றது.
(b) உயிரி கழிவுகளை உணவாக உட்கொள்கின்றது.
(c) மண் வளத்தை மேம்படுத்துகின்றது.
(d) மேற்கண்ட அனைத்தும்.
Q11. இயற்கையாகக் கிடைக்கும் கனிமப் பொருட்களை தொழிற்சாலைகளில் வேதி மாற்றத்திற்கு உட்படுத்தி தயாரிக்கப்படும் உரங்கள் __________ என்று அழைக்கப்படுகின்றன.
(a) கரிம உரங்கள்
(b) செயற்கை உரங்கள்
(c) கனிம உரங்கள்
(d) உயிர் உரங்கள்
Q12. நுண்ணுயிரிகளால் தொகுக்கப்பட்ட தாவர மற்றும் விலங்குக் கழிவுகள் அனைத்தும் _______ உரங்கள் எனப்படும்.
(a) கனிம உரங்கள்
(b) செயற்கை உரங்கள்
(c) கரிம உரங்கள்
(d) வேதி உரங்கள்
Q13. பின்வருவனவற்றுள் எவை தாவர வளர்ச்சிக்குத் தேவையான முதன்மை ஊட்டச்சத்துக்கள் என்று அறியப்படுகின்றன?
(a) நைட்ரஜன் (N), பாஸ்பரஸ் (P)மற்றும் பொட்டாசியம் (K)
(b) கால்சியம் (Ca), மெக்னீசியம் (Mg) மற்றும் இரும்பு (Fe)
(c) துத்தநாகம் (Zn), மெக்னீசியம் (Mg) மற்றும் காப்பர் (Cu)
(d) சல்பர் (S), போரான் (B) மற்றும் மாலிப்டினம் (Mo)
Q14. வேதியியல் மாற்றத்திற்கும் இயற்பியல் மாற்றத்திற்கும் இடையே உள்ள முக்கிய வேறுபாடு என்ன?
(a) வேதியியல் மாற்றம் ஒரு புதிய பொருளையே உருவாக்குகிறது. ஆனால், இயற்பியல் மாற்றம் பொருட்களின் வடிவம், அளவு மற்றும் பருமனில் மட்டும் மாற்றத்தை ஏற்படுத்துகிறது.
(b) வேதியியல் மாற்றம் பொருட்களின் நிலையை மாற்றுகிறது. ஆனால் இயற்பியல் மாற்றம் அவ்வாறு செய்வதில்லை.
(c) வேதியியல் மாற்றம் திண்ம நிலைகளில் மட்டுமே நிகழ்கிறது. ஆனால் இயற்பியல் மாற்றம் அனைத்து நிலைகளிலும் நடைபெறுகிறது.
(d) வேதியியல் மாற்றம் வெப்பநிலை மாறுபாட்டை உள்ளடக்கியது. ஆனால் இயற்பியல் மாற்றம் அவ்வாறு செய்வதில்லை.
Q15. பின்வரும் செயல்முறைகளில் எது வளிமண்டலத்திற்கு நீராவியை சேர்க்கிறது?
i. நீராவிப்போக்கு
ii. மழைப்பொழிவு
iii. சுருங்குதல்
iv. ஆவியாதல்
(a) ii மற்றும் iii
(b) ii மற்றும் iv
(c) i மற்றும் iv
(d) i மற்றும் ii
Q16. பின்வருவனவற்றில் எது தமிழ்நாட்டில் சதுப்பு நிலங்கள் காணப்படும் பகுதிகளுக்கான எடுத்துக்காட்டு?
(a) பிச்சாவரம் மாங்குரோவ் காடுகள், சிதம்பரம்.
(b) முத்துப்பேட்டை மாங்குரோவ் காடுகள்.
(c) பள்ளிக்கரணை சதுப்புநிலம், சென்னை.
(d) மேற்கண்ட அனைத்தும்.
Q17. முகத்துவாரங்களைப் பற்றிய பின்வரும் கூற்றுகளில் எது சரியானது?
(a) நீர்நிலைகளில் உள்ள நன்னீரும், கடலின் உப்பு நீரும் சந்திக்கும் இடம்.
(b) கடல்வாழ் உயிரினங்களின் பிரத்யேக வாழிடங்கள்.
(c) அவை நிலப்பரப்பில் இருந்து வெகு தொலைவில் அமைந்துள்ளன.
(d) எந்தவொரு தாவரமோ விலங்கோ வாழ்வதற்கு ஏற்ற பகுதி அல்ல.
Q18. வெப்பத்தின் SI அலகு என்ன?
(a) எர்க்
(b) ஜூல்
(c) கலோரி
(d) கிலோ கலோரி
Q19. மின்னழுத்த வேறுபாட்டின் SI அலகு என்ன?
(a) வோல்ட்
(b) ஆம்பியர்
(c) ஜூல்
(d) கூலும்
Q20. பின்வருவனவற்றுள் எது ஆற்றலின் அலகு அல்ல?
(a) கலோரி
(b) ஃபோன்
(c) கிலோவாட்/மணி
(d) பிரிட்டிஷ் வெப்ப அலகு
Q21. பின்வருவனவற்றுள் எது அழுத்தத்தின் அலகு அல்ல?
(a) பாஸ்கல்
(b) கிகி/(ms2)
(c) கிகி மீ/விநாடி 2
(d) நியூட்டன் / மீட்டர் 2
Q22. [M-1L3T-2] என்பது எதன் பரிமாணம் ஆகும்?
(a) ஈர்ப்பு செறிவு
(b) ஈர்ப்பு திறன்
(c) ஈர்ப்பு திறன் ஆற்றல்
(d) ஈர்ப்பு மாறிலி
Q23. பின்வரும் எந்தக் கூற்று வானியல் அலகிற்கும் ஒளி ஆண்டிற்கும் இடையே உள்ள தொடர்பை மிகச்சரியாக விளக்குகிறது?
(a) ஒரு வானியல் அலகு ஒரு ஒளி ஆண்டிற்கு சமம்.
(b) ஒரு ஒளி ஆண்டு ஒரு வானியல் அலகிற்கு சமம்.
(c) ஒரு வானியல் அலகானது ஒரு ஒளி ஆண்டை விட சிறியது.
(d) ஒரு ஒளி ஆண்டானது ஒரு வானியல் அலகை விட சிறியது.
Q24. பின்வருவனவற்றுள் எது ஸ்கேலார் அளவு இல்லை?
(a) கோணத் திசைவேகம்
(b) அடர்த்தி
(c) வேகம்
(d) வெப்பநிலை
Q25. ஒளிவிலகல் எண்ணிற்கான அலகு என்ன?
(a) மீட்டர்/விநாடி
(b) மீட்டர்/ விநாடி 2
(c) அலகு இல்லை
(d) நியூட்டன்/ மீட்டர்
Q26. பொருத்துக.
SI அலகுகள் மதிப்புகள்
i. நியூட்டன் a. 1 kg⋅m^2⋅s^(-2)
ii. பாஸ்கல் b. 1 kg⋅m^2⋅s^(-3)
iii. ஜூல் c. 1 kg⋅m^(-1)⋅s^(-2)
iv. வாட் d. 1 kg⋅m/s^2
(a) i-d , ii-c , iii-a , iv-b
(b) i-b , ii-a , iii-c , iv-d
(c) i-c , ii-d , iii-b, iv-a
(d) i-a , ii-b , iii-d , iv-c
Q27. நிறையின் SI அலகு கிகி, எடையின் SI அலகு என்ன?
(a) Kg/m 2
(b) நியூட்டன்
(c) Kg
(d) Kg m/s
Q28. சீரான வட்டப்பாதை இயக்கத்தில்,
(a) தொலைவு மாறாது
(b) வேகம் மாறாது
(c) இடப்பெயர்ச்சி மாறாது
(d) திசைவேகம் மாறாது
Q29. முடுக்கத்தை கண்டுபிடிப்பதற்கான சமன்பாடு எது?
(a) (v x t)
(b) (v – u)/t
(c) (W/t)
(d) (1/t)
Q30. பொருளொன்று ஓரலகு நேரத்தில் கடந்த தொலைவு எவ்வாறு அழைக்கப்படுகிறது?
(a) முடுக்கம்
(b) இயக்கம்
(c) வேகம்
(d) அழுத்தம்
Solutions:
S1. Ans. (a) C6H5OH.
Sol.
பீனால் என்பது கார்பாலிக் அமிலம் எனப்படும் ஒரு கரிம அமிலமாகும்.
இது பல்வேறு பீனால் பொருட்கள் தயாரிப்பில் பயன்படுகிறது.
பீனாலின் மூலக்கூறு வாய்பாடு C6H5OH ஆகும்.
அதாவது பீனால் மூலக்கூறில் ஒரு பென்சீன் வளையமும் (C6H6) ஒரு ஹைட்ராக்சில் தொகுதியும் (-OH) இருக்கும்.
பீனால் வலிமை குறைந்த அமிலமாக இருக்க இதில் உள்ள ஹைட்ராக்சில் தொகுதியே காரணமாகும்.
S2. Ans. (a) பீனால் நிறமற்ற கரைசலாக இருப்பினும், மாசு காரணமாக இளம் சிவப்பு நிறக் கரைசலாக மாறுகிறது.
Sol.
பீனால் நிறமற்ற கரைசலாக இருப்பினும், மாசு காரணமாக இளம் சிவப்பு நிறக் கரைசலாக மாறுகிறது.
S3. Ans. (b) CaSO4. 1/2H2O
Sol.
பாரிஸ் சாந்தின் மூலக்கூறு வாய்ப்பாடு CaSO4. 1/2H2O ஆகும். இது பாரிஸ் சாந்தில், ஒரு கால்சியம் சல்பேட் (CaSO4) மூலக்கூறானது அரை நீர் மூலக்கூறுடன் இணைந்திருப்பதைக் குறிக்கின்றது.
S4. Ans. (d) உணவுப் பொருட்கள் தயாரிப்பில் பயன்படுத்தப்படுகிறது.
Sol.
பாரிஸ் சாந்தானது, கரும்பலகையில் எழுதும் சுண்ணக்கட்டி தயாரிக்க, சிலைகள் வார்க்க, எலும்பு முறிவுகளை சரிசெய்யும் அறுவை சிகிச்சைகளில் பயன்படுகிறது. ஆனால் இது உணவுப் பொருட்கள் தயாரிப்பில் பயன்படுத்தப்படுவதில்லை.
பாரிஸ் சாந்து மருத்துவத்துறை, கலை சார்ந்த மற்றும் கட்டுமானத் தொழில்களில் முதன்மையாக பயன்படுகிறது. ஆனால் இது மனிதர்கள் உடகொள்ள தகுந்தது அல்ல என்பதால் உணவுப் பொருட்கள் தயாரிப்பில் பயன்படுத்தப்படுவதில்லை.
S5. Ans.(d) MgSO4. 7H2O.
Sol.
எப்சத்தின் மூலக்கூறு வாய்ப்பாடு MgSO4. 7H2O ஆகும். இது எப்சம் உப்பில் ஒரு மெக்னீசியம் சல்பேட் மூலக்கூறானது (MgSO4) ஏழு நீர் மூலக்கூறுகளுடன் (7H2O) இணைந்து இருப்பதைக் குறிக்கின்றது.
S6. Ans. (d) உணவின் ருசியை மேம்படுத்துகிறது.
Sol.
எப்சம் உப்பானது, மன அழுத்தத்தை போக்கி உடலை அமைதிபடுத்தவும், மனிதத் தசை மற்றும் நரம்பு மண்டலத்தை சீராக்கவும், தோல் நோய்களைத் தீர்க்கும் களிம்புகளைத் தயாரிக்கவும் பயன்படுகிறது. ஆனால் இது உணவின் ருசியை மேம்படுத்த பயன்படுத்தப்படுவதில்லை.
எப்சம் உப்பு முதன்மையாக பல்வேறு மருத்துவ சிகிச்சைகளில் பயன்படுத்தப்படுகிறது. ஆனால் இது சமையல் சார்ந்த செயல்பாடுகளில் பயன்படுத்தப்படுவதில்லை.
S7. Ans. (b) கால்சியம் சல்பேட் டைஹைட்ரேட்
Sol.
ஜிப்சத்தின் வேதியியல் பெயர் கால்சியம் சல்பேட் டைஹைட்ரேட் ஆகும்.
S8. Ans. (d) கண்ணாடி தொழிற்சாலைகளில் பயன்படுகிறது.
Sol.
ஜிப்சமானது விவசாயத்தில் பயன்படும் உரமாகவும், சிமெண்ட் தயாரிக்கவும், பாரிஸ் சாந்து தயாரிக்கவும் பயன்படுகிறது. ஆனால் இது கண்ணாடி தொழிற்சாலைகளில் பயன்படுத்தப்படுவதில்லை.
ஜிப்சம் பல்வேறு தொழிற்சாலைகளில் மூலப்பொருளாக பயன்படுகிறது. ஆனால் கண்ணாடி தொழிற்சாலையில் பயன்படுவதில்லை.
S9. Ans. (a) சுண்ணக் கட்டி மற்றும் களிமண்
Sol.
சுண்ணக் கட்டி மற்றும் களிமண்ணை பொடியாக்கி, எரித்து வில்லியம் ஆஸ்பிடின் போர்ட்லேண்ட் சிமெண்டை தயாரித்தார்.
அந்த சிமெண்ட்டின் முதன்மை மூலப்பொருட்களே சுண்ணக்கட்டியும் களிமண்ணும் ஆகும்.
சுண்ணக்கட்டியும் களிமண்ணும் கலந்த கலவையை வெப்பப்படுத்திய பின் கிடைத்த, நன்கு பொடியாக்கப்பட்ட தூளே பின்னர் போர்ட்லேண்ட் சிமெண்ட் என்று உருவாகிறது.
S10. Ans. (d) மேற்கண்ட அனைத்தும்.
Sol.
மண்புழுக்கள் “விவசாயிகளின் நண்பர்கள்” என்று அழைக்கப்படுகின்றன. ஏனெனில் அவை விவசாயிகளுக்கு நன்மை பயக்கும் மற்றும் மண்ணின் ஆரோக்கியத்தை மேம்படுத்தும் பல செயல்களை செய்கின்றன.
மண்புழுக்கள் கரிமக் கழிவுகளை உணவாக உட்கொண்டு, அவற்றை ஊட்டச்சத்து நிறைந்த கழிவுகளாக வெளியேற்றுவதன் மூலம் இயற்கை உரம் தயாரிப்புக்கு உதவுகின்றன.
மண்புழு உரம் என்றும் அழைக்கப்படும் இவை, மண் வளத்தை மேம்படுத்தி தாவரங்களுக்கு தேவையான அத்தியாவசிய ஊட்டச்சத்துக்களை வழங்குகின்றன.
கூடுதலாக, மண்புழுக்கள் மண்ணை துளையிட்டு செல்லும் செயல்பாட்டின் மூலம் மண்ணின் ஆரோக்கியத்தை மேம்படுத்த பங்களிக்கின்றன. இது மண்ணின் காற்றோட்டம், வடிகால் அமைப்பு மற்றும் ஊட்டச்சத்து சுழற்சியை மேம்படுத்துகிறது.
எனவே, நிலையான விவசாயம் மற்றும் பயிர் வளர்ச்சியை மேம்படுத்துவதில் பல்வேறு சேவைகளை வழங்குவதால், மண்புழுக்கள் விவசாயிகளுக்கு நன்மை பயக்கும் நண்பர்களாக கருதப்படுகின்றன.
S11. Ans. (c) கனிம உரங்கள்
Sol.
தொழிற்சாலைகளில் இயற்கை தனிமங்களை வேதி மாற்றங்களுக்கு உட்படுத்தி தயாரிக்கப்படும் உரங்கள் கனிம உரங்கள் எனப்படும்.
● கனிம உரங்களுக்கான எடுத்துக்காட்டுகள்: யூரியா, அம்மோனியம் சல்பேட் மற்றும் சூப்பர் பாஸ்பேட் போன்றவை.
● கனிம உரங்கள் என்பவை, இயற்கை தனிமங்களை தொழிற்சாலை செயல்முறைகளின் வழியே தாவரங்களால் உடனடியாக உறிஞ்சக்கூடிய ஊட்டச்சத்து நிறைந்த ரசாயன கலவைகளாக மாற்றுவதன் மூலம் கிடைக்கப்பெறுபவை.
● இந்த உரங்கள் விவசாயத்தில் மண்ணிற்கான ஊட்டச் சத்துக்களை கொடுக்கவும், பயிர் வளர்ச்சியை ஊக்குவிக்கவும் பரவலாகப் பயன்படுத்தப்படுகின்றன.
S12. Ans. (c) கரிம உரங்கள்
Sol.
தாவரங்கள் அல்லது விலங்குகளை அடிப்படையாக கொண்டு உருவான உரங்கள் அல்லது நுண்ணுயிரிகளால் தொகுக்கப்பட்ட உரங்கள் கரிம உரங்கள் என்று அழைக்கப்படுகின்றன.
● கரிம உரங்களுக்கான எடுத்துக்காட்டுகள்: மண்புழு உரம் மற்றும் மட்கிய உரம் போன்றவை. கரிம உரங்கள் இயற்கை மூலங்களிலிருந்து பெறப்படுபவை மேலும் அவற்றை எளிதாக தயாரிக்கலாம்.
● அவை தாவரங்களுக்கு தேவையான ஊட்டச்சத்துக்களை மெதுவாக வெளியிட்டு, மண் வளத்தை மேம்படுத்துவதன் மூலம் நீடித்த நிலையான விவசாயத்தை ஊக்குவிக்கின்றன.
● கரிம உரங்கள் பெரும்பாலும் சிக்கனமான உரங்களாக கருதப்படுகின்றன. ஏனெனில் அவற்றை எளிதில் கிடைக்கக்கூடிய பொருட்களைப் பயன்படுத்தி உள்நாட்டிலேயே உற்பத்தி செய்துவிடலாம். அதில் சிக்கலான தொழில்துறை செயல்முறைகள் என்று எதுவும் இல்லை
S13. Ans. (a) நைட்ரஜன் (N), பாஸ்பரஸ் (P)மற்றும் பொட்டாசியம் (K)
Sol.
நைட்ரஜன் (N), பாஸ்பரஸ் (P), மற்றும் பொட்டாசியம் (K) ஆகியவை தாவர வளர்ச்சிக்கு தேவையான மூன்று முதன்மை ஊட்டச்சத்துக்கள் ஆகும்.
● இந்த மூன்று கூறுகளும் தாவரங்களின் பல்வேறு உடற்செயலியல் நிகழ்வுகளில் இன்றியமையாத பங்கு வகிக்கின்றன. மேலும் பிற ஊட்டச்சத்துக்களுடன் ஒப்பிடும்போது ஒப்பீட்டளவில் இவற்றின் தேவை மிக அதிகமாக உள்ளது.
● தாவர வளர்ச்சி மற்றும் புரத உற்பத்திக்கு நைட்ரஜன் முக்கியமானது. வேர் வளர்ச்சி மற்றும் ஆற்றல் பரிமாற்றத்திற்கு பாஸ்பரஸ் முக்கியமானது. பொட்டாசியம் ஒட்டுமொத்த தாவர ஆரோக்கியம், நீர் ஒழுங்குமுறை மற்றும் நோய் எதிர்ப்பு செயல்முறைகள் ஆகியவற்றிற்கு பங்களிக்கிறது.
S14. Ans. (a) வேதியியல் மாற்றம் ஒரு புதிய பொருளையே உருவாக்குகிறது. ஆனால், இயற்பியல் மாற்றம் பொருட்களின் வடிவம், அளவு மற்றும் பருமனில் மட்டும் மாற்றத்தை ஏற்படுத்துகிறது.
Sol.
● வேதியியல் மாற்றங்கள் பொருளின் ஒட்டுமொத்த அமைப்பில் மாற்றத்தை விளைவிக்கின்றன. அதாவது அதன் வேதியியல் அமைப்பே மாற்றப்படுகிறது.
● மாறாக, இயற்பியல் மாற்றங்கள் அதன் வேதியியல் அமைப்பை மாற்றாமல், அதன் வடிவம், அளவு அல்லது கனஅளவு போன்ற பொருளின் இயற்பியல் பண்புகளை மட்டுமே பாதிக்கின்றன.
● இயற்பியல் மாற்றங்கள் பொருளின் நிலையில் ஏற்படும் மாற்றங்களை மட்டுமே உள்ளடக்கியிருக்கும். (எ.கா. திரவத்திலிருந்து வாயு அல்லது திடப்பொருள் உருவாகும் போது, பொருள் வேதியியல் அமைப்பு மாறாமல் ஒரே மாதிரியாகவே இருக்கும்).
S15. Ans. (a) (ii) மற்றும் (iii)
Sol.
மழைப்பொழிவு என்பது நீர்த்துளிகள் அல்லது பனி படிகங்கள் வளிமண்டலத்திலிருந்து புவியின் மேற்பரப்பின் மீது மழை, பனி, அல்லது ஆலங்கட்டி வடிவில் விழுகின்ற செயல்முறையைக் குறிக்கிறது. இந்நிகழ்வு வளிமண்டலத்தில் நீராவியை சேர்க்கிறது.
● சுருங்குதல் என்பது நீராவியானது திரவ நிலையில் உள்ள நீராக மாறுகின்ற செயல்முறையாகும்.
● நீராவியைக் கொண்ட சூடான காற்று குளிர்ச்சியடையும் போது, நீராவியானது சுருங்கி மேகங்கள் அல்லது பனியை உருவாக்கும். இந்த செயல்முறை வளிமண்டலத்தில் நீராவியை சேர்க்கிறது.
S16. Ans. (d) மேற்கண்ட அனைத்தும்.
Sol.
சிதம்பரத்தில் உள்ள பிச்சாவரம் சதுப்புநிலம், முத்துப்பேட்டை சதுப்பு நிலம், சென்னையில் உள்ள பள்ளிக்கரணை சதுப்பு நிலம் ஆகியவை தமிழகத்தில் உள்ள சதுப்பு நிலங்களுக்கு எடுத்துக்காட்டுகள்.
● இந்த இடங்கள் பெரிய ஆறுகள் அல்லது ஏரிகளின் கரையோரங்களில் அமைந்திருந்து, காடுகளை கொண்டிருக்கும் ஈரநிலங்கள் என்று வகைப்படுத்தப்படுகின்றன.
● சதுப்பு நிலங்களில் நன்னீர், உவர் நீர் அல்லது கடல் நீர் உட்பட பல்வேறு வகை நீர் ஆதாரங்கள் இருக்கும்.
● இவை பல்வேறு வகையான உயிரினங்களின் வாழ்க்கைக்கு உதவ நீர் மற்றும் ஆக்ஸிஜனை புதுப்பித்து வழங்கிக் கொண்டே இருக்கின்றன.
S17. Ans. (a) நீர்நிலைகளில் உள்ள நன்னீரும், கடலின் உப்பு நீரும் சந்திக்கும் இடம்.
Sol.
கூவம் ஒரு முகத்துவாரம் ஆகும். நீர்நிலைகள் கடலை சந்திக்கின்ற இடங்களே, முகத்துவாரங்கள் என்று அழைக்கப்படுகின்றன.
இதில் நிலத்திலிருந்து வரும் நன்னீரானது உப்பு நிறைந்த கடல்நீரை சந்திக்கிறது.
முகத்துவாரங்கள் தனித்துவமான தாவரங்கள் மற்றும் விலங்கு இனங்களின் தாயகமாகும்.
S18. Ans. (b) ஜூல்
Sol.
வெப்பநிலை வேறுபாட்டின் விளைவாக ஒரு பொருளிலிருந்து மற்றொன்றுக்கு மாற்றப்படும் ஆற்றலே வெப்பம் எனப்படுகிறது. வெப்பத்தின் S.I அலகு ஜூல் ஆகும்.
● ஒரு ஜூல் என்பது செய்த வேலைக்குச் சமமாகும்.
● ஒரு கிராம் நீரின் வெப்பநிலையை ஒரு டிகிரி செல்சியஸ் உயர்த்துவதற்குத் தேவைப்படும் வெப்பத்தின் அளவு கலோரி எனப்படும்.
● ஒரு கிலோகலோரி என்பது ஆயிரம் கலோரிகளுக்கு சமம்.
S19. Ans. (a) வோல்ட்
Sol.
வோல்ட் என்பது மின்னழுத்த வேறுபாட்டின் SI அலகு ஆகும்.
● கூலூம் என்பது மின்னூட்டத்தின் SI அலகு.
● ஜூல் என்பது பெறப்பட்ட ஆற்றலின் அலகு.
● ஆம்பியர் என்பது மின்சாரத்தின் SI அலகு ஆகும்.
S20. Ans. (b) ஃபோன்
Sol.
ஃபோன் என்பது ஆற்றலின் அலகு அல்ல.
● ஃபோன் என்பது ஒலியை சார்ந்ததொரு அலகு ஆகும்.
● கலோரி: இது ஒரு கிராம் நீரின் வெப்பநிலையை ஒரு டிகிரி செல்சியஸ் உயர்த்துவதற்குத் தேவையான ஆற்றலின் அளவைக் குறிக்கிறது. உணவு உள்ளடக்கியுள்ள ஆற்றலை அளவிட இது பெரும்பாலும் பயன்படுத்தப்படுகிறது.
● கிலோவாட்-மணி (kWh): ஒரு கிலோவாட் ஆற்றல் மதிப்பீட்டைக் கொண்ட பொருள் ஒரு மணிநேரம் செயல்படும் போது நுகரப்படும் ஆற்றலின் அளவைக் குறிக்கிறது.
● B.T.U. (பிரிட்டிஷ் வெப்ப அலகு): இது ஒரு பவுண்டு நீரின் வெப்பநிலையை ஒரு டிகிரி பாரன்ஹீட் உயர்த்துவதற்குத் தேவையான ஆற்றலின் அளவைக் குறிக்கிறது.
S21. Ans. (b) Kg / ms2
Sol.
ஓரலகு பரப்பின் மீது செயல்படும் செங்குத்து விசையே அழுத்தம் எனப்படும்.
அழுத்தத்தின் SI அலகு பாஸ்கல் ஆகும். இது ஒரு சதுர மீட்டர் பரப்பின் மீது செயல்படும் 1N அளவு விசைக்கு சமம்.
எனவே, அழுத்தம் P = F/A என்று குறிப்பிடப்படுகிறது.
kgm/s² என்பது விசையின் SI அலகு, அது அழுத்தத்தின் அலகு அல்ல.
S22. Ans. (d) ஈர்ப்பு மாறிலி
Sol.
M-1L3T-2 என்ற பரிமாணங்கள், ஈர்ப்பு மாறிலியுடன் தொடர்புடையதாக இருக்கிறது. G என்ற எழுத்தால் குறிக்கப்படும் ஈர்ப்பு மாறிலி, நியூட்டனின் ஈர்ப்பு விதிக்கான சமன்பாட்டில் இடம்பெற்றிருக்கும், மேலும் அது இரண்டு பொருட்களுக்கு இடையேயான ஈர்ப்பு விசையின் வலிமையை தீர்மானிக்கிறது.
அதன் பரிமாணங்கள் M-1L3T-2 ஆகும், இங்கு M என்பது நிறையையும், L நீளத்தையும், T என்பது நேரத்தையும் குறிக்கிறது.
S23. Ans. (c) ஒரு வானியல் அலகானது ஒரு ஒளி ஆண்டை விட சிறியது
Sol.
பூமிக்கும் சூரியனுக்கும் இடையிலான சராசரி தூரமே ஒரு வானியல் அலகு (AU) என வரையறுக்கப்படுகிறது. இதன் மதிப்பு தோராயமாக 149.6 மில்லியன் கிலோமீட்டர்கள் அல்லது 1.496 × 10^11 மீட்டர் ஆகும். சூரிய குடும்பத்திற்குள் உள்ள தூரத்தை அளவிடுவதே இதன் முதன்மை பயன்பாடு ஆகும்.
மறுபுறம், ஒரு ஒளி ஆண்டு (ly) என்பது ஒரு வருடத்தில் ஒளி வெற்றிடத்தில் பயணிக்கும் தூரம் என வரையறுக்கப்படுகிறது. இது சூரிய குடும்பத்திற்கு வெளியே காணப்படும் வான் பொருட்களுக்கு இடையே உள்ள பரந்த தூரத்தை வெளிப்படுத்துவதற்கு முதன்மையாக பயன்படுகின்ற ஒரு வானியல் அளவு ஆகும்.
ஒரு ஒளி ஆண்டு என்பது தோராயமாக 9.46 × 10^15 மீட்டர்.
மதிப்புகளை ஒப்பிடுகையில், ஒரு ஒளி ஆண்டு என்பது ஒரு வானியல் அலகை விட பெரியதாக இருப்பதைக் காணலாம்.
S24. Ans. (a) கோணத் திசைவேகம்
Sol.
கோணத் திசைவேகம் என்பது ஒரு வெக்டர் அளவு ஆகும்.
இது பொருளொன்று ஒரு குறிப்பிட்ட அச்சை சுற்றி சுழலுகின்ற விகிதத்தைக் குறிக்கிறது.
கோணத் திசைவேகம் எண்மதிப்பு மற்றும் திசை இரண்டையும் கொண்டுள்ளதால், இது ஒரு வெக்டர் அளவு எனப்படுகிறது.
ஓரலகு நேரத்தில் ஏற்படும் கோண இடப்பெயர்ச்சியின் மாற்றமே கோணத் திசைவேகத்தின் எண்மதிப்பு ஆகும். இது பொதுவாக ஒரு வினாடிக்கு எத்தனை ரேடியன்கள் (rad/s) அல்லது வினாடிக்கு எத்தனை டிகிரி (°/s) என்றவாறு அளவிடப்படுகிறது.
S25. Ans. (c) அலகு இல்லை
Sol.
ஒளிவிலகல் எண் என்பது ஒரு பொருளின் வழியாக ஒளி எவ்வளவு வேகமாக பயணிக்கிறது என்பதை விவரிக்கும் பரிமாணம் எதுவும் இல்லாத ஒரு எண்ணாகும்.
இது வெற்றிடத்தில் ஒளியின் வேகம் மற்றும் ஊடகத்தில் ஒளியின் வேகம் இரண்டிற்கும் இடைப்பட்ட விகிதம் என வரையறுக்கப்படுகிறது.
S26. Ans. (a) i-d , ii-c , iii-a , iv-b
Sol.
நியூட்டன் என்பது விசையின் SI அலகு ஆகும். இதன் மதிப்பு 1 kg⋅m/s^2.
பாஸ்கல் என்பது அழுத்தத்தின் SI அலகு ஆகும். இதன் மதிப்பு 1 N/m^2 அல்லது 1 kg⋅m^(-1)⋅s^(-2).
ஜூல் என்பது ஆற்றல் மற்றும் வேலையின் SI அலகு ஆகும். இதன் மதிப்பு 1N⋅m அல்லது 1kg⋅m^2⋅s^(-2).
வாட் என்பது மின்னாற்றலின் SI அலகு ஆகும். இதன் மதிப்பு 1 J/s அல்லது 1 kg⋅m^2⋅s^(-3).
S27. Ans. (b) நியூட்டன்
Sol.
நிறையின் SI அலகு கிகி, எடையின் SI அலகு நியூட்டன்.
நிறை மற்றும் எடை ஒன்றோடொன்று தொடர்புடையவை ஆனால் இரண்டும் வேறுபட்டவை.
நிறை என்பது ஒரு பொருளில் உள்ள பருப்பொருளின் அளவாகும், இது கிலோகிராமில் (Kg) அளவிடப்படுகிறது. மறுபுறம், எடை என்பது புவியீர்ப்பு விசையினால் பொருளொன்றின் எடையின் மீது செயல்படும் விசையின் அளவு ஆகும், இது நியூட்டன்களில் (N) அளவிடப்படுகிறது.
S28. Ans. (c) இடப்பெயர்ச்சி மாறாது
Sol.
ஒரு சீரான வட்ட இயக்கத்தில், பதிலீட்டு இடப்பெயர்ச்சி நிலையானதாக இருக்கும். சீரான வட்ட இயக்கத்தில், ஒரு பொருள் நிலையான வேகத்தில் தொடர்ந்து அதன் திசையை மாற்றிக் கொண்டே ஒரு வட்ட பாதையில் நகரும்.
இடப்பெயர்ச்சி என்பது பொருள் அதன் தொடக்க நிலையிலிருந்து இறுதி நிலைக்கு நகர்வதைக் குறிக்கிறது.
எனவே சீரான வட்ட இயக்கத்தில், பொருள் அதன் தொடக்கப் புள்ளிக்குத் திரும்பும்போது இடப்பெயர்ச்சி மாறாமல் இருக்கிறது.
S29. Ans. (b) (v – u)/t
Sol.
முடுக்கத்தைக் கண்டறிவதற்கான சமன்பாடு (v – u)/t ஆகும்.
இதில் v என்பது இறுதி திசைவேகம், u என்பது தொடக்க திசைவேகம் மற்றும் t என்பது எடுத்துக் கொண்ட காலம்.
முடுக்கம் என்பது ஒரு பொருளின் வேகம் நேரத்தைப் பொறுத்து எவ்வளவு விரைவாக மாறுகிறது என்பதற்கான அளவீடு ஆகும்.
வேகத்தில் ஏற்படும் மாற்றத்தை நேரத்தால் வகுக்க முடுக்கத்தின் அளவு கிடைக்கும்.
S30. Ans. (c) வேகம்
Sol.
ஓரலகு நேரத்தில் பொருளொன்று கடக்கும் தூரமே வேகம் எனப்படும். ஒரு பொருள் பயணித்த தூரத்தை எடுத்துக்கொண்ட நேரத்தால் வகுக்க வேகத்தின் மதிப்பு கிடைக்கும்.
இது எண்ணளவு மட்டுமே கொண்டிருக்கும், திசை கிடையாது. எனவே இது ஒரு ஸ்கேலார் அளவு ஆகும்.
**************************************************************************
| Adda247 TamilNadu Home page | Click here |
| Official Website=Adda247 | Click here |
