TNPSC இந்திய அரசியல் இலவச குறிப்புகள் - குடியுரிமை மற்றும் அடிப்படை உரிமைகள்:

Table of Contents

இந்தக் கட்டுரையில், TNPSC குரூப் 1, குரூப் 2, குரூப் 2A, குரூப் 4 மாநிலப் போட்டித் தேர்வுகளான TNUSRB, TRB, TET, TNEB போன்றவற்றுக்கான முறைகள் இலவசக் குறிப்புகளைப் பெறுவீர்கள்.தேர்வுக்கு தயாராவோர் இங்குள்ள பாடக்குறிப்புகளை படித்து பயன்பெற வாழ்த்துகிறோம்.

குடியுரிமை மற்றும் அடிப்படை உரிமைகள்:

குடியுரிமை:

அறிமுகம்:

“சிட்டிசன்” என்ற சொல் சிவிஸ் என்ற இலத்தீன் சொல்லிலிருந்து தோன்றியது.
இந்திய அரசியலமைப்பு ஒட்டுமொத்த இந்தியர்களுக்கும் ஒரே மாதிரியான ஒற்றைக் குடியுரிமையை வழங்குகிறது.
அரசியலமைப்பின் இரண்டாம் பகுதியின் கீழ் 5 முதல் 11ஆம் சட்டப்பிரிவுகள் குடியுரிமையைப் பற்றிக் கூறுகிறது.

குடியுரிமை பெறுதல்:

குடியுரிமைச் சட்டம் 1955, குடியுரிமைப் பெற ஐந்து வழிகளைப் பரிந்துரைசெய்கிறது. அவை; பிறப்பு, வம்சாவளி, பதிவுசெய்தல், இயல்புரிமை மற்றும் பிரதேச இணைவு ஆகும்.
குடியுரிமைச் சட்டம் 1955ன் படி ஒருவர் கீழ்க்காணும் ஏதேனும் ஒரு முறையில் குடியுரிமை பெறமுடியும்.

பிறப்பின் மூலம்:

1950ஆம் ஆண்டு ஜனவரி 26 அன்றோ அல்லது அதற்குப் பின்னரோ இந்தியாவில் பிறந்த அனைவரும் இந்தியக்குடிமக்களாகக் கருதப்படுவர்

வம்சாவளி மூலம்:

1950ஆம் ஆண்டு ஜனவரி 26 அன்றோ அல்லது அதற்குப் பின்னரோ வெளிநாட்டில் பிறந்த ஒருவரின் தந்தை (அவர் பிறந்த போது) இந்தியக்குடிமகனாக இருக்கும் பட்சத்தில் வெளிநாட்டில் பிறந்த அவர், வம்சாவளி மூலம் இந்தியக்குடியுரிமை பெறமுடியும்.

பதிவின் மூலம்:

ஒருவர் இந்தியக்குடியுரிமை கோரி, பொருத்தமான அங்கீகாரத்துடன் பதிவு செய்வதன் மூலம் இந்தியக்குடியுரிமை பெறலாம்

இயல்புரிமை மூலம்:

ஒரு வெளிநாட்டவர், இந்திய அரசிற்கு, இயல்புரிமை கோரி விண்ணப்பிப்பதன் மூலம் அவர், இந்தியக்குடியுரிமை பெறலாம்

பிரதேச (நாடுகள்) இணைவின் மூலம்:

பிற நாடுகள் / பகுதிகள் இந்தியாவுடன் இணையும் போது இந்திய அரசு அவ்வாறு இணையும் நாடுகளின் மக்களைத் தமது குடிமக்களாகக் கருதி அவர்களுக்குக் குடியுரிமை வழங்கலாம்

குடியுரிமையை இழத்தல்:

குடியுரிமைச் சட்டம் 1955ன் படி, ஒருவர் தன் குடியுரிமையை, சட்டத்தின் மூலமாக பெறப்பட்டதாகவோ (அ) அரசியலமைப்பின் கீழ் முன்னுரிமையால் பெறப்பட்டதாகவோ இருக்கும்பட்சத்தில் பெற்ற குடியுரிமையைத் துறத்தல், முடிவுறச் செய்தல், இழத்தல் என்ற பின்வரும் மூன்று வழிகளில் இழப்பார்.

ஒரு குடிமகன் தாமாக முன் வந்து தனது குடியுரிமையை இழத்தல்.
வேறு ஒரு நாட்டில் குடியுரிமை பெறும்போது தாமாகவே இந்தியக் குடியுரிமை முடிவுக்கு வந்துவிடுதல்.
இயல்புரிமையின் மூலம் குடியுரிமை பெற்ற ஒரு குடிமகன், மோசடி செய்து குடியுரிமை பெற்றவர், தவறான பிரதிநிதித்துவம் தந்தவர் (அ) உண்மைகளை மறைத்தவர் (அ) எதிரி நாட்டுடன் வாணிகம் செய்தவர் அல்லது இரண்டாண்டு காலத்திற்கு சிறைதண்டனை பெற்றவர் என்பதை மத்திய அரசு கண்டறிந்து அவர் குற்றம் புரிந்தவர் என்று திருப்திப்படும் பட்சத்தில் மத்திய அரசு, அவரது குடியுரிமையை இழக்கச் செய்யும்.

குடியுரிமை தொடர்பான விதிகள்:

ஒரு நாட்டின் சட்டபூர்வமான உறுப்பினர்களாக இருப்பவர்களை அடையாளம் காண்கிறது.
குடியுரிமைச் சட்டம், 1955 இந்திய அரசியலமைப்பை ஏற்றுக் கொண்ட பிறகு குடியுரிமையை தீர்மானிப்பது மற்றும் கையகப்படுத்துவதை ஒழுங்குபடுத்துகிறது.
பிறப்பு, வம்சாவளி, பதிவு, குடியுரிமை மற்றும் நிலப்பரப்பை இணைப்பதன் மூலம் குடியுரிமை பெற இந்திய அரசியலமைப்பு வகை செய்யும்.
சில சூழ்நிலைகளில் குடியுரிமையை துறக்கவும், முடிவுக்குக் கொண்டு வரவும் அரசியலமைப்பில் வகை செய்யப்பட்டுள்ளது.
இந்திய வெளிநாட்டு குடிமக்களைப் பதிவு செய்தல் மற்றும் அவர்களின் உரிமைகள் தொடர்பான விதிகள் அரசியலமைப்பில் உள்ளன.
குடியுரிமை (திருத்தம்) மசோதா, 2015 மக்களவையில் உள்துறை அமைச்சகத்தின் இணையமைச்சர், குடியுரிமைச் சட்டம், 1955ஐத் திருத்தும் மசோதாவை பிப்ரவரி 27, 2015 அன்று அறிமுகப்படுத்தினார்.
குறிப்பிட்ட தகுதிகளை பூர்த்தி செய்து பதிவு மூலம் குடியுரிமைக்கு விண்ணப்பிக்க ஒரு நபரை சட்டம் அனுமதிக்கிறது.
இந்தியாவில் வசித்திருந்தால் அல்லது விண்ணப்பித்த தேதிக்கு முன்னதாக பன்னிரண்டு மாதங்களுக்கு இந்தியாவில் பணியாற்றியிருந்தால், குடியுரிமைச் சான்றிதழுக்கு ஒருவர் விண்ணப்பிக்கலாம். அசாதாரண சூழ்நிலைகள் இருந்தால் பன்னிரண்டு மாதங்கள் தங்குதல் அல்லது சேவை என்ற தேவையை மத்திய அரசு தளர்த்த இந்த மசோதா அனுமதிக்கிறது.

சட்டப் பிரிவு	பொருள்
5	அரசியலமைப்பின் தொடக்கத்தில் குடியுரிமை
6	பாகிஸ்தானிலிருந்து இந்தியாவுக்கு குடிபெயர்ந்த சில நபர்களின் குடியுரிமைக்கான உரிமைகள்
7	பாகிஸ்தானுக்கு குடியேறி ஆனால் மீண்டும் இந்தியாவுக்கு திரும்பிய சிலரின் குடியுரிமைக்கான உரிமைகள்.
8	இந்தியாவுக்கு வெளியே வசிக்கும் இந்திய வம்சாவளியைச் சேர்ந்த சிலரின் குடியுரிமைக்கான உரிமைகள்
9	வெளிநாட்டினரின் குடியுரிமையை தானாக முன்வந்து பெறும் நபர்கள் குடிமக்களாக இருக்கக்முடியாது.
10	குடியுரிமைக்கான உரிமைகளின் தொடர்ச்சி (பாராளுமன்றத்தால் வழங்கப்பட்ட விதிகளுக்கு உட்பட்டு)
11	சட்டத்தின் மூலம் குடியுரிமைக்கான உரிமையை பாராளுமன்றம் ஒழுங்குபடுத்துதல் (அதாவது, குடியுரிமையைப் பெறுதல் மற்றும் முடித்தல் மற்றும் குடியுரிமை தொடர்பான அனைத்து பிற விஷயங்களும்)

இந்திய குடியுரிமை சட்டம் திருத்தப்பட்ட ஆண்டுகள்:

2013 – PIO இந்திய வம்சாவளியைச் சேர்ந்தவர்கள்:

எல் எம் சிங்வி கமிட்டியின் பரிந்துரைப்படி குடியுரிமை திருத்த சட்டம் 2003இன்படி இந்தியாவோடு நல்ல நட்புறவு கொண்ட 16 நாடுகளில் வாழும் வெளிநாடு வாழ் இந்தியர்களுக்கு இரட்டை குடியுரிமை வழங்கப்பட்டது.
எல் எம் சிங்வி குழுவின் பரிந்துரையின்படி வெளிநாட்டு வாழ் இந்தியர் தினமாக ஜனவரி 9-ஆம் நாள் கொண்டாடப்படுகிறது (காந்தி வெளிநாடு வாழ் இந்தியராக 1915 ஜனவரி 9 ஆம் நாள் இந்தியா திரும்பினார்)
இந்தியாவை பூர்வீகமாகக் கொண்ட 21 நாடுகளைச் சேர்ந்தவர்களுக்கு visa தேவையில்லை.
2015 – வெளிநாடுவாழ் மற்றும் இந்தியாவை பூர்வீகமாக கொண்டவர்கள் ஒன்றாக இணைக்கப்பட்டனர்.

குடியுரிமைச் சட்டம் (1955) அரசியலமைப்பு தொடங்கிய பின்னர் குடியுரிமையைப் பெறுவதற்கும் இழப்பதற்குமான வழிமுறைகளை வழங்குகிறது இந்த சட்டம் இதுவரை எட்டு முறை பின்வரும் சட்டங்களால் திருத்தப்பட்டுள்ளது: