TNPSC இந்திய அரசியல் இலவச குறிப்புகள் – அடிப்படைக் கடமைகள்

இந்தக் கட்டுரையில், TNPSC குரூப் 1, குரூப் 2, குரூப் 2A, குரூப் 4 மாநிலப் போட்டித் தேர்வுகளான TNUSRB, TRB, TET, TNEB போன்றவற்றுக்கான  முறைகள் இலவசக் குறிப்புகளைப் பெறுவீர்கள்.தேர்வுக்கு தயாராவோர் இங்குள்ள பாடக்குறிப்புகளை படித்து பயன்பெற வாழ்த்துகிறோம்.

அடிப்படைக் கடமைகள்

• 1950 ஜனவரி 26 முதல் நடைமுறைக்கு வந்த இந்திய அரசமைப்புச் சட்டத்தில் அடிப்படைக் கடமைகள் என்ற பகுதி இடம் பெற்றிருக்கவில்லை.
• அடிப்படை கடமைகள் ஸ்வரன் சிங் கமிட்டியின் பரிந்துரையின் படி அரசியலமைப்பில் சேர்க்கப்பட்டது.
• 1976 ஆம் ஆண்டின் 42ஆவது திருத்தச் சட்டம் குடிமக்களின் சில பொறுப்புகளை நமது அரசியலமைப்பில் அடிப்படைக் கடமைகள் என்று சேர்த்தது.
• இந்தத் திருத்தம் அரசியலமைப்பில் பகுதி IVA என்ற புதிய பகுதியை சேர்த்தது. இந்த புதிய பகுதி ஒரு சட்டப்பிரிவு மட்டுமே கொண்டுள்ளது, இது 51A ஆகும், இது முதன் முறையாக குடிமக்களின் பத்து அடிப்படைக் கடமைகளை குறிப்பிட்டுள்ளது.

அடிப்படை கடமைகளின் பட்டியல்:

1. ஒவ்வொரு இந்திய குடிமகனும் இந்திய அரசமைப்புச் சட்டத்தினை மதிப்பதுடன், அரசமைப்புச் சட்ட நிறுவனங்கள், இலட்சியம், தேசியக்கொடி மற்றும் தேசியகீதம் ஆகியவற்றையும் மதிக்க வேண்டும்.
2. விடுதலைப் போராட்த்தின் போது புத்துணர்வளித்த உன்னதமான இலட்சியங்களை நினைவிற்கொண்டு பின்பற்ற வேண்டும்.
3. இந்தியாவின் இறயாண்மை, ஒற்றுமை மற்றும் ஒருமைப்பாட்டைப் பேணிப் பாதுகாக்க வேண்டும்.
4. தேவை ஏற்படின், நாட்டின் பாதுகாப்புப் பணியில் ஈடுபட்டு, நாட்டுப் பணியாற்ற வேண்டும்.
5. சமய, மொழி, மண்டல அல்லது பிரிவு வேறுபாடுகளைக் கடந்து இந்திய மக்கள் அனைவர் மனதிலும் சகோதரத்துவமும் இணக்கமும் ஏற்பட பாடுபட வேண்டும். பெண்களை இழிவு செய்யும் செயல்களை விட்டொழிக்க வேண்டும்.
6. நமது கூட்டுப் பண்பாட்டு மரபினைப் போற்றிப் பாதுகாக்க வேண்டும்.
7. காடுகள், ஏரிகள், ஆறுகள், விலங்கினங்கள் ஆகியவை உள்ளிட்ட புறச்சூழலைப் பாதுகாத்து மேம்படுத்துவதுடன் உயிரினங்கள் மீதும் கருணை காட்ட வேண்டும்.
8. அறிவியல் உணர்வு, மனிதநேயம், பகுத்தறிவு மற்றும் சீர்திருத்த உணர்வை வளர்க்க வேண்டும்.
9. பொதுச் சொத்துக்களைப் பாதுகாக்க வன்முறையை வெறுத்து ஒதுக்க வேண்டும்.
10. தனிப்பட்ட அளவிலும் கூட்டு செயற்பாட்டிலும் மிகச் சிறந்த நிலையை அடைய முயலுவதன் மூலமாக நாட்டின் மேம்பாட்டிற்கு முயல வேண்டும்.
11. 6 வயது முதல் 14 வயது வரை உள்ள குழந்தைகளின் பெற்றோர் அல்லது காப்பாளர் குழந்தைகளின் கல்விக்கான வாய்ப்புக்கு வகை செய்திடல் வேண்டும். (86 திருத்தச் சட்டப்படி 2002ல் அரசியலமைப்பில் சேர்க்கப்பட்டது).

• நீதிபதி வர்மா கமிட்டி 1999 ஆம் ஆண்டு அடிப்படைக் கடமைகளை குடிமக்களுக்கு கற்பிப்பதை பற்றி அறிக்கை தர அமைக்கப்பட்டது.
• இதன் அறிக்கை 2000ஆம் ஆண்டு சமர்ப்பிக்கப்பட்டது. இந்த அறிக்கையில் கல்வி வழியில் அடிப்படைக் கடமைகளை கற்பிக்க பரிந்துரைத்தது.

2003இல் உச்ச நீதிமன்றம் நீதிபதி வர்மா கமிட்டியின் பரிந்துரைகளை அமல்படுத்த மத்திய அரசை கேட்டுக் கொண்டது.

**************************************************************************