Jainism Part 1 in Adda247 Tamil | சமண மதம் பகுதி

Table of Contents

சமண மதத்தின் தோற்றம்:

உலகத்தின் மிகப்பழமையான, தற்போதும் வாழ்ந்துகொண்டிருக்கும் மதங்களில் சமணமும் ஒன்றாகும்.
சமணம் 24 தீர்த்தங்கரர்களை மையமாகக் கொண்டது.
முதல் தீர்த்தங்கரர் – ரிஷபர்.
கடைசித் தீர்த்தங்கரர் – மகாவீரர்.
கி.மு. (பொ.ஆ.மு) ஆறாம் நூற்றாண்டில் மகாவீரரின் வழிகாட்டுதலில் சமணம் முக்கியத்துவம் பெற்றது.

TNUSRB CONSTABLE 2023

சமணம் (Jain) என்னும் சொல் ஜினா (Jina) என்ற சமஸ்கிருத சொல்லில் இருந்து பெறப்பட்டதாகும். அதன் பொருள் தன்னையும், வெளியுலகத்தையும் வெல்வது என்பதாகும்.

இயற்பெயர் – வர்த்தமானர்
பிறப்பு – வைசாலிக்கு அருகேயுள்ள குந்தகிராமம், பீகார்
பெற்றோர் – சித்தார்த்தர், திரிசலா
இறப்பு – பவபுரி-பீகார்

மகாவீரர் (தலைசிறந்த வீரர்):

வர்த்தமானர் (செழிப்பு என்று பொருள்) ஒரு சத்திரிய இளவரசர்.
அவர் தன்னுடைய 30வது வயதில் இளவரசர் என்னும் தகுதியைக் கைவிட்டுவிட்டு துறவறம் மேற்கொண்டார்.
பன்னிரண்டரை ஆண்டுகால கடுமையான தவத்திற்குப் பின்னர் அவர் எல்லையற்ற அறிவை அடைந்தார். இந்நிலைக்கு ‘கைவல்ய‘ என்று பெயர்.
அதன் பின்னர் அவர் ஜினா (Jina) ஆனார்.
இவரைப் பின்பற்றியவர்கள் சமணர் (Jains) என்று அழைக்கப்பட்டனர்.
மகாவீரர் பண்டைய சிரமானிய (Sramanic) மரபுகளை மறு ஆய்வு செய்தார்.
இவர்தான் உண்மையிலேயே சமணத்தை உருவாக்கியவர் என நம்பப்படுகிறது.

சமணத்தின் தனித்தன்மை வாய்ந்த போதனைகள்

பிரபஞ்சத்தை உருவாக்கியவர் கடவுள் என்பதை சமணம் மறுக்கிறது.
அகிம்சை அல்லது அறவழியே சமணத்தின் அடிப்படைத் தத்துவம்.
முக்தி அடைவது அல்லது பிறப்பு-இறப்பு- மறுபிறப்பு எனும் சுழற்சியிலிருந்து விடுபடுவதே சமணத்தின் இறுதி லட்சியமாகும்.
இறுதித் தீர்ப்பு என்ற நம்பிக்கையை சமணம் மறுக்கிறது (இறுதித் தீர்ப்பு என்பது யார் சொர்க்கத்திற்கு செல்வது? யார் நரகத்திற்கு செல்வது? என்பதைக் கடவுள் தீர்மானிப்பார் என்ற நம்பிக்கை)
ஒருவருடைய வாழ்வின் நலன் அல்லது தரம் என்பது அவருடைய கர்மவினையால் தீர்மானிக்கப்படுகிறது என்பதை சமணம் ஆதரிக்கிறது.