நடப்பு நிகழ்வு –24 நவம்பர் 2023

நவம்பர் 24 TNPSC மற்றும் மத்திய அரசு தேர்வுக்கான நடப்பு நிகழ்வுகள்

இன்றைய முக்கிய நடப்பு நிகழ்வுகள்

• தமிழ்நாடு காடுகளின் பரப்பளவின் சதவிதம்
• SATHEE இணையத்தளம் தொடங்கிய அமைச்சகம்
• உலகின் முதல் 3டி அச்சிடப்பட்ட கோயில்

நவம்பர் 24ம் தேதி நடப்பு நிகழ்வு கேள்விகள்

1) தமிழ்நாடு காடுகளின் பரப்பளவின் சதவிதம்

a)23.90

b)28.56

c)33.03

d)35.21

2) Sea Guardian -2023 ராணுவ பயிற்சி மேற்கொள்ளும் நாடுகள்

a)இந்தியா மற்றும் சீனா

b)சீனா மற்றும் இலங்கை

c)சீனா மற்றும் பாகிஸ்தான்

d)பாகிஸ்தான் மற்றும் இலங்கை

3) 10-வது  ஆசியான்  பாதுகாப்பு அமைச்சர்கள் கூட்டம் நடைபெற உள்ள இடம்

a)புதுடெல்லி

b)மணிலா

c)ஜகார்த்தா

d)பேங்காக்

4) நகைச்சுவை பிரிவில் சர்வதேச எம்மி விருது வென்ற இந்தியர்

a)வீர் தாஸ்

b)சஞ்சய் மிஸ்ரா

c)மனோஜ் ஜோஷி

d)ராஜ்பால் யாதவ்

5) உலக பாரம்பரிய வாரம்

a)நவம்பர் 5-11

b)நவம்பர் 12-18

c)நவம்பர் 19-25

d)டிசம்பர் 03-09

6) மாநகர பேருந்துகளின் இருப்பிடத்தை அறிய உதவும் தமிழக அரசு மொபைல்  செயலி

a)மெட்ராஸ் பஸ் மொபைல் செயலி

b)சென்னை பஸ் மொபைல் செயலி

c)சிட்டி மேப்பேர்( City Mapper)

d)ரோடு திரிப்பேர்(Road Tripper)

7) SATHEE இணையத்தளம் தொடங்கிய அமைச்சகம்

a)போக்குவரத்து அமைச்சகம்

b) சுற்றுசூழல் அமைச்சகம்

c)கல்வி அமைச்சகம்

d)விளையாட்டு துறை அமைச்சகம்

8) உலகின் முதல் 3டி அச்சிடப்பட்ட கோயில் கட்டிய மாநிலம்

a)கேரளா

b) தெலங்கானா

c)மத்தியபிரதேசம்

d)கோவா

9 ) தமிழ்நாட்டின் கருவள விகிதம்

a)0.7

b)1.4

c)2.1

d)2.8

10) உலக மீன்வளம் தினம்

a)நவம்பர் 18

b)நவம்பர் 19

c)நவம்பர் 20

d)நவம்பர் 21

விடைகள்

1)விடை a)23.90

இந்தியாவின் தேசிய வனக் கொள்கை 1988 படி   சுற்றுச்சூழல் நிலைத்தன்மையைப் பாதுகாக்க குறைந்தபட்சம் 33% வனப்பகுதி இருக்க வேண்டும். தமிழ்நாட்டின் தற்போதைய வனப்பரப்பு 23.9 சதவீதமாகும், இதில் 20.27 சதவீதம் ஐந்து தேசிய பூங்காக்கள், 29 வனவிலங்கு சரணாலயங்கள் மற்றும் இரண்டு பாதுகாப்பு காப்பகங்களை உள்ளடக்கிய பாதுகாக்கப்பட்ட பகுதியாகும். மீதமுள்ள 3.63 சதவீதம் வனப்பகுதிக்கு வெளியே உள்ள மரங்களாகும். வனப்பரப்பை 33% அதிகரிக்க தமிழகம் பசுமை தமிழக இயக்கத்தை தொடங்கியுள்ளது. பசுமை தமிழக இயக்கத்தின் நோக்கம் மாநிலத்தின் மரம் மற்றும் காடுகளின் பரப்பளவை 23.9% இலிருந்து 33% ஆக உயர்த்துதல் ஆகும் .

2) விடை c)சீனா மற்றும் பாகிஸ்தான்

சீனாவும் பாகிஸ்தானும் வடக்கு அரபிக் கடலில் Sea Guardian -3 .மூன்றாவது  இருதரப்பு கடற்படை பயிற்சியின்  நடத்தி வருகின்றன. சீனாவின் மக்கள் விடுதலை இராணுவம் (PLA) கடற்படை டைப் -093 சாங் வகுப்பு டீசல்-மின்சார நீர்மூழ்கிக் கப்பலை இந்த பயிற்சிக்காக அனுப்பியுள்ளது.

3)  விடை  c)ஜகார்த்தா

தென்கிழக்கு ஆசிய நாடுகளின் 10-வது கூட்டமைப்பு (ASEAN) பாதுகாப்பு அமைச்சர்கள் கூட்டம் (ADMM-Plus) கலந்து கொள்வதற்காக பாதுகாப்பு அமைச்சர் ராஜ்நாத் சிங் ஜகார்த்தாவுக்கு செல்கிறார்  மேலும் பிராந்திய மற்றும் சர்வதேச பாதுகாப்பு பிரச்சினைகள் குறித்த மன்றத்தில் உரையாற்ற உள்ளார்.  1992 ஆம் ஆண்டில் ஆசியான் அமைப்பின் பேச்சுவார்த்தை சார்ந்த பங்குதாரர் நாடாக  இந்தியா ஆனது. 2010 ஆம் ஆண்டு அக்டோபர் 12 ஆம் தேதி, வியட்நாமின் ஹனோய் நகரில் முதல் தென்கிழக்கு ஆசிய நாடுகளின் கூட்டமைப்பு  பாதுகாப்பு அமைச்சர்கள் கூட்டம் நடைபெற்றது. 2017 முதல்  தென்கிழக்கு ஆசிய நாடுகளின் கூட்டமைப்பு  நாடுகளுக்கு  இடையிலான ஒத்துழைப்பை வலுப்படுத்துவதற்காக தென்கிழக்கு ஆசிய நாடுகளின் கூட்டமைப்பு  பாதுகாப்பு அமைச்சர்கள் ஆண்டுதோறும் சந்தித்து வருகின்றனர்.

4) விடை a)வீர் தாஸ்

நகைச்சுவைக்காக 51 வது சர்வதேச எம்மி விருதை வீர் தாஸ் வென்றார் மேலும் இந்திய தயாரிப்பாளர் ஏக்தா கபூருக்கு நியூயார்க்கில் சர்வதேச இயக்குநரக விருது வழங்கப்பட்டது.

5) விடை c)நவம்பர் 19-25

ஒவ்வொரு ஆண்டும் நவம்பர் 19 முதல் 25 வரை உலக பாரம்பரிய வாரம் 2023 ஐ உலகம் ஒன்றாகக் அனுசரிக்கிறது. இது கலாச்சார மற்றும் வரலாற்று பொக்கிஷங்களைப் பாதுகாப்பதை ஊக்குவிப்பதற்காக அர்ப்பணிக்கப்பட்ட உலகளாவிய திருவிழாவாகும். 1945 ஆம் ஆண்டில்  இருந்து தொடங்கப்பட்ட உலக பாரம்பரிய வாரம் இரண்டு உலகப் போர்களுக்குப் பிறகு அறிவுசார் மற்றும் தார்மீக ஒற்றுமையை வளர்ப்பதற்காக தொடங்கப்பட்டது.

6)விடை b)சென்னை பஸ் மொபைல் செயலி

சென்னையில் பயணிகளுக்கு சிரமமின்றி பயணம் செய்ய ‘சென்னை பஸ்’ என்ற மொபைல் செயலியை தமிழக அரசு அறிமுகப்படுத்தியுள்ளது இந்த செயலி மூலம் பயணிகள் தங்கள் வீட்டிலிருந்து 1 கி.மீ தூரத்தில் பேருந்து நிலையங்களின் இருப்பிடத்தை அறிந்து கொள்ளலாம். மேலும் இது பேருந்து பாதை விவரங்கள், தற்போதைய இருப்பிடம் மற்றும் பேருந்து நிறுத்தத்திற்கு வரும் நேரம் ஆகியவற்றை வழங்குகிறது.

7)விடை c)கல்வி அமைச்சகம்

SATHEE-Self-assessment Test and Assistance for Entrance Examinations (சுய மதிப்பீட்டுத் தேர்வு மற்றும் நுழைவுத் தேர்வுகளுக்கான உதவி) தளம் கல்வி அமைச்சகத்தால் மார்ச் 2023 இல் தொடங்கப்பட்டது. இது ஐ.ஐ.டி கான்பூருடன் தொடர்புடையது, மாணவர்களுக்கு பல்வேறு போட்டி மற்றும் பிற தேர்வுகளுக்கு தயாராக இலவச கற்றல் மற்றும் மதிப்பீட்டு தளத்தை வழங்குகிறது.

8)விடை  b) தெலங்கானா

தெலங்கானா மாநிலம் சித்திபேட் மாவட்டம் புருகுப்பள்ளியில் உலகின் முதல் முப்பரிமாண அச்சிடப்பட்ட கோயில் கட்டப்பட்டுள்ளது. மூன்று மாத முப்பரிமாண அச்சு செயல்முறை மூலம் அடையப்பட்ட இந்த புதுமையான கட்டுமானம் ஒரு குறிப்பிடத்தக்க தொழில்நுட்ப சாதனையை குறிக்கிறது.

9)விடை  b)1.4

தமிழ்நாட்டின் கருவுறுதல் விகிதம் 2.1 சதவீதத்திலிருந்து 1.4 சதவீதமாகக் குறைந்துள்ளது மேலும் மாநில மக்கள்தொகை கட்டுப்பாட்டில் உள்ளது. 2023 ஆம் ஆண்டில் இந்தியப் பெண்களின் கருவுறுதல் விகிதம் ஒரு பெண்ணுக்கு 2.139 குழந்தைகளாகும். இது 2022 ஆம் ஆண்டை விட 0.93% குறைவாகும்.

2023 ஆம் ஆண்டில் இந்தியாவின் பிறப்பு விகிதம் 1,000 பேருக்கு 16.949 பிறப்புகள் ஆகும். இது 2022 இல் இருந்து 1.25% குறைந்துள்ளது.இந்தியாவில் உள்ள ஐந்து மாநிலங்கள் 2.1 என்ற கருவுறுதலின் மாற்று நிலைக்கு மேல் உள்ளன. அவை : பீகார், மேகாலயா, உத்தரபிரதேசம், ஜார்கண்ட், மணிப்பூர்.

10) விடை  d)நவம்பர் 21

நிலையான மீன்வள மேலாண்மையின் முக்கியத்துவத்தை எடுத்துரைக்கவும், சிறிய அளவிலான மீனவர்களின் முக்கிய பங்கு குறித்து கவனத்தை ஈர்க்கவும் ஒவ்வொரு ஆண்டும் நவம்பர் 21 ஆம் தேதி உலக மீன்வள தினம் அனுசரிக்கப்படுகிறது. 2023 ஆம் ஆண்டுக்கான உலக மீன்வள தினத்தின் கருப்பொருள் ‘மீன்வளம் மற்றும் நீர்வாழ் உயிரின வளர்ப்பின் வளத்தைக் கொண்டாடுதல்’ என்பதாகும்.

**************************************************************************