Daily Current Affairs In Marathi दैनिक चालू घडामोडी: 04 ऑगस्ट 2021
Daily Current Affairs in Marathi: Current Affairs (चालू घडामोडी) हा सर्वात महत्वाचा विषय आहे आणि जर आपण आपला वेळ मनापासून समर्पित केला तर आपण या विषयातून खूप चांगले गुण मिळवू शकतो. Current Affairs (चालू घडामोडी) च्या संबधीत MPSC State Service, MPSC Group B, MPSC Group C, Saral Seva Bharati, Talathi, Police Constable, RRB, अशा अनेक स्पर्धापरीक्षांमध्ये बरेच प्रश्न विचारले जातात. हा विषय असा आहे ज्या बदल माहिती असेल तरच आपल्यला परीक्षेत उत्तरे देता येतात तेदेखील खूप कमी वेळात आणि तो वेळ आपल्याला दुसऱ्या प्रश्नांना वापरता येतो. म्हणून या विषयात चांगले गूण मिळवण्यासाठी आपल्याला देशात आणि जगात काय चालले आहे याची माहिती असणे खूप गरजेचे आहे.
येथे आम्ही Daily Current Affairs in Marathi मध्ये सर्व वर्तमानपत्रांमधून समकालीन घटनांचा सारांश आपल्यासमोर सादर करतो, ज्यामुळे आपला वेळ वाचतो आणि आपले ज्ञान वाढते. तर चला आपण आता 04 ऑगस्ट 2021 चे सर्व महत्वाचे Daily Current Affairs in Marathi (चालू घडामोडी) पाहुयात.
राष्ट्रीय बातम्या
- क्यूएस बेस्ट स्टुडंट सिटीज क्रमवारीत मुंबई, बेंगळुरूने पहिल्या 100 तील स्थान गमावले
- क्यूएस बेस्ट स्टुडंट सिटीजच्या ताज्या क्रमवारीत मुंबई आणि बेंगळुरू जागतिक पहिल्या -100 च्या यादीतून बाहेर पडत अनुक्रमे 106 आणि 110 स्थान मिळवले आहे.
- लंडनने सलग तिसऱ्या आवृत्तीत जगातील सर्वोत्तम विद्यार्थी शहर म्हणून आपली स्थिती कायम ठेवली आहे. त्यानंतर म्युनिक शहर आहे.
- क्यूएस वर्ल्ड युनिव्हर्सिटी रँकिंगमध्ये किमान 250,000 लोकसंख्या असलेली आणि किमान दोन विद्यापीठे असलेली शहरे असतात. क्रमवारी संभाव्य आणि माजी विद्यार्थ्यांच्या 95,000 पेक्षा जास्त सर्वेक्षण प्रतिसादाद्वारे क्रमवारी काढली जाते.
आंतरराष्ट्रीय बातम्या
2. आयएमएफ ने $650 बिलीयन चे विशेष आहरण अधिकार मंजूर केले
- आंतरराष्ट्रीय नाणेनिधी (आयएमएफ) च्या कार्यकारी मंडळाने जागतिक तरलता वाढवण्यास मदत करण्यासाठी आयएमएफ विशेष आहरण अधिकार (एसडीआर) मध्ये 650 अब्ज डॉलर्सची विक्रमी सर्वसाधारण वाटप मंजूर केली आहे.
- 650 अब्ज डॉलर्सच्या एसडीआर वाटपाचे उद्दीष्ट सदस्य देशांना, विशेषत: उदयोन्मुख आणि विकसनशील देशांना, कोरोनाव्हायरस साथीच्या आजाराशी आणि त्यातून निर्माण झालेल्या आर्थिक मंदीशी लढण्यासाठी सहाय्य करणे आहे.
- हे वाटप आयएमएफ च्या 77 वर्षांच्या इतिहासातील सर्वात मोठे वितरण असून 23 ऑगस्ट 2021 पासून हे वाटप प्रभावी होईल.
सर्व स्पर्धा परीक्षांसाठी उपयुक्त माहिती:
- आयएमएफ मुख्यालय: वॉशिंग्टन, डी.सी. युएसए
- आयएमएफचे व्यवस्थापकीय संचालक आणि अध्यक्ष: क्रिस्टलिना जॉर्जिएवा
- आयएमएफच्या मुख्य अर्थतज्ज्ञ: गीता गोपीनाथ
(चालू घडामोडी) Current Affairs in Marathi | 3 August 2021
3. श्रीलंकेत जगातील सर्वात मोठा तारा नीलमणी क्लस्टर सापडला
- श्रीलंकेच्या रत्नापुरामध्ये जगातील सर्वात मोठा तारा नीलमणी क्लस्टर सापडला आहे. रत्नापुरा ही देशाची रत्न राजधानी म्हणून ओळखली जाते.
- नीलमणी क्लस्टरचे वजन सुमारे 510 किलो किंवा 2.5 दशलक्ष कॅरेट आहे. आंतरराष्ट्रीय बाजारात याचे अंदाजे मूल्य $ 100 दशलक्ष आहे.
सर्व स्पर्धा परीक्षांसाठी उपयुक्त माहिती:
- श्रीलंका राजधानी: श्री जयवर्धनेपुरा कोट्टे
- चलन: श्रीलंका रुपया.
- श्रीलंकेचे पंतप्रधान: महिंदा राजपक्षे
- श्रीलंकेचे अध्यक्ष: गोताबाया राजपक्षे
अर्थव्यवस्था बातम्या
4. मुद्रा कर्जाचे लक्ष्य वित्त वर्ष 22 मध्ये 3 ट्रिलियन रुपयांपर्यंत कमी केले
- भारत सरकारने पीएम मुद्रा योजना (पीएमएमवाय) अंतर्गत कर्ज वितरणाचे लक्ष्य 2021-22 (वित्त वर्ष 22) साठी 3 ट्रिलियन रुपये ठेवले आहे.
- हे लक्ष्य मागील वर्षापेक्षा कमी आहे. वित्त वर्ष 21 साठी, लक्ष्य 3.21 ट्रिलियन रुपये ठेवण्यात आले होते. तज्ञांनुसार लक्ष कमी करण्याचे मुख्य कारण छोट्या व्यवसायासाठी पत हमी योजनेअंतर्गत वाढीव वाटप आहे.
- प्रधानमंत्री मुद्रा योजना (पीएमएमवाय) बँक, बिगर-बँकिंग वित्तीय कंपन्या (एनबीएएफसी) आणि सूक्ष्म वित्त संस्था (एमएफआय) द्वारे तारण-मुक्त कर्ज विस्तारित करण्याची योजना आहे, ज्यामुळे लघु/सूक्ष्म व्यवसाय उपक्रम आणि अकृषिक क्षेत्रातील व्यक्तींना सक्षम केले जाऊ शकते.
- त्यांना त्यांचा व्यावसाय स्थापन किंवा विस्तार करणे आणि स्वयंरोजगार निर्माण करणे या कमाल मर्यादा 10 लाख रुपये पर्यंतचे कर्ज दिले जाते.
- मुद्रा म्हणजे मायक्रो युनिट्स डेव्हलपमेंट अँड रिफायनान्स एजन्सी लिमिटेड.
5. आरबीआयची इंडसइंड बँकेला ‘एजन्सी बँक’ म्हणून काम करण्याची परवानगी
- भारतीय रिझर्व्ह बँकेने इंडसइंड बँकेला “एजन्सी बँक” म्हणून काम करण्यासाठी सूचीबद्ध केले आहे. एजन्सी बँक म्हणून, इंडसइंड बँक सर्व प्रकारच्या सरकारी उद्योगांशी संबंधित व्यवहार करण्यासाठी पात्र ठरणार आहे.
- सूचीबद्ध ‘एजन्सी बँक’ म्हणून, इंडसइंड बँक राज्य/केंद्र सरकारच्या वतीने सीबीडीटी, सीसीबीआयसी आणि जीएसटी अंतर्गत महसूली जमा संबंधित व्यवहार हाताळू शकते.
- लघु बचत योजना (एसएसएस) शी संबंधित राज्य/केंद्र सरकारच्या कार्याच्या वतीने निवृत्तीवेतन देयाकांचे व्यवहार करू शकते.
- मुद्रांक शुल्काचे संकलन आणि कागदपत्रांच्या स्पष्टतेसाठी नागरिकांकडून मुद्रांक शुल्क वसूल करणे इत्यादी गोष्टींबरोबरच विविध राज्य सरकारांच्या वतीने व्यावसाय कर, व्हॅट, राज्य उत्पादन शुल्क इत्यादी राज्य करांचे संकलन करू शकते.
सर्व स्पर्धा परीक्षांसाठी उपयुक्त माहिती:
- इंडसइंड बँकेचे मुख्य कार्यकारी अधिकारी: सुमंत काठपालिया
- इंडसइंड बँक मुख्यालय: पुणे
- इंडसइंड बँकेचे मालक: हिंदुजा ग्रुप
- इंडसइंड बँकेचे संस्थापक: एस. पी. हिंदुजा
- इंडसइंड बँकची स्थापना: एप्रिल 1994, मुंबई
ज्ञानकोश मासिक चालू घडामोडी | जुलै 2021
6. 2021 च्या फॉर्च्यून ग्लोबल 500 सूचीमध्ये 7 भारतीय कंपन्यांचा समावेश
- सात भारतीय कंपन्यांना 2021 फॉर्च्युन ग्लोबल 500 यादीत स्थान मिळाले आहे. फॉर्च्यून ग्लोबल 500 हे जागतिक स्तरावरील आघाडीच्या 500 उपक्रमांचे वार्षिक क्रमवारी असते, जी व्यवसाय महसूलानुसार लावली जाते.
- मुकेश अंबानी यांची रिलायन्स इंडस्ट्रीज लिमिटेड कंपनी यादीत सर्वोच्च क्रमांकाची भारतीय कंपनी आहे, ज्याची उलाढाल जवळजवळ $ 63 अब्ज असून जागतिक स्तरावर 155 व्या स्थानावर आहे.
- जागतिक स्तरावर, वॉलमार्टने सलग आठव्या वर्षी आणि 1995 नंतर 16 व्या वेळी उलाढालीच्या बाबतीत अव्वल स्थान पटकावले आहे.
- चीनच्या या यादीत सर्वाधिक 143 कंपन्या असून तैवानमधील कंपन्यांचा देखील यात समावेश आहे. यानंतर अनुक्रमे अमेरिका 122 आणि जपान 53 यांचा क्रमांक लागतो.
यादीतील पहिल्या 10 जागतिक कंपन्या:
- वॉलमार्ट (अमेरिका)
- स्टेट ग्रीड (चीन)
- अ‍ॅमेझोन (अमेरिका)
- चीन नॅशनल पेट्रोलियम (चीन)
- सिनोपेक (चीन)
यादीतील भारतीय कंपन्या:
- रिलायन्स इंडस्ट्रीज (155)
- भारतीय स्टेट बँक (205)
- इंडियन ऑइल (212)
- तेल आणि नैसर्गिक वायू (243)
- राजेश एक्सपोर्ट्स (348)
- टाटा मोटर्स (357)
- भारत पेट्रोलियम (394)
क्रीडा बातम्या
7. अनुराग ठाकूर यांनी पॅरालिम्पिक संकल्पना गीत “कर दे कमाल तू” चे लोकार्पण केले
- केंद्रीय युवा व्यवहार आणि क्रीडा मंत्री, अनुराग सिंह ठाकूर यांनी नवी दिल्ली येथे भारतीय पॅरालिम्पिक चमूसाठी थीम साँग “कर दे कमाल तू” चे लोकार्पण केले.
- या गाण्याचे संगीतकार आणि गायक लखनौचे दिव्यांग क्रिकेट खेळाडू संजीव सिंग आहेत.
- 24 ऑगस्ट 2021 पासून टोकियो येथे होणाऱ्या पॅरालिम्पिक खेळांमध्ये 9 क्रीडा प्रकारांमध्ये भारताचे 54 दिव्यांग-खेळाडू सहभागी होणार आहेत.
8. टोकियो ऑलिम्पिक 2020 : बॉक्सर लोव्हलिना बोर्गोहेनने कांस्यपदक जिंकले
- भारतीय बॉक्सर, लवलिना बोर्गोहेन अंतिम सामन्यात पोहोचण्यात अपयशी ठरली असून तिला कांस्यपदकावर समाधान मानावे लागले.
- चालू टोकियो ऑलिम्पिकमधील भारताचे हे तिसरे पदक आहे.
- टोकियो 2020 मध्ये महिलांच्या वेल्टरवेट (69 किलो) उपांत्य फेरीत ती तुर्कीच्या बुसेनाझ सुरमेनेली यांच्याकडून पराभूत झाली.
नियुक्ती बातम्या
9. मिनी ईपे यांची एलआयसीच्या व्यवस्थापकीय संचालकपदी नियुक्ती
- मिनी इपे यांनी भारतीय आयुर्विमा महामंडळाच्या व्यवस्थापकीय संचालक म्हणून पदभार स्वीकारला. इपे वाणिज्य मध्ये पदव्युत्तर पदवी धारक आहेत आणि 1986 मध्ये थेट भर्ती अधिकारी म्हणून एलआयसीमध्ये रुजू झाल्या. त्यांना एलआयसीमध्ये विविध पदांवर काम करण्याचा वैविध्यपूर्ण अनुभव आहे. एलआयसी ही भारताची दुसरी सर्वात मोठी वित्तीय सेवा संस्था आहे ज्याची उलाढाल 31 लाख कोटी रुपये आहे.
सर्व स्पर्धा परीक्षांसाठी उपयुक्त माहिती:
- एलआयसी मुख्यालय: मुंबई
- एलआयसी ची स्थापना: 1 सप्टेंबर 1956
- एलआयसी चे अध्यक्ष: एम.आर. कुमार
पुरस्कार बातम्या
10. डिजिटल बँकिंगमधील नावीन्यपूर्णतेसाठी डीबीएसचा सन्मान
- फायनान्शियल टाइम्स प्रकाशन, द बँकर ने, 2021 इनोव्हेशन इन डिजिटल बँकिंग अवॉर्ड्स साठी डीबीएस बँकेची निवड केली.
- बँकेला आशिया-पॅसिफिक विजेता म्हणून देखील जाहीर केले आणि सायबर सुरक्षा श्रेणीमध्ये त्याच्या सुरक्षित प्रवेश आणि रिमोट वर्किंग सोल्यूशनसाठी सन्मानित केले गेले.
- युरोमनी प्रादेशिक पुरस्कारांमध्ये डीबीएसला आशियाची सर्वोत्कृष्ट बँक आणि आशियाची सर्वोत्कृष्ट डिजिटल बँक असे पुरस्कार देण्यात आले.
सर्व स्पर्धा परीक्षांसाठी उपयुक्त माहिती:
- डीबीएस बँकेचे मुख्यालय: सिंगापूर
- डीबीएस बँकेचे मुख्य कार्यकारी अधिकारी: पीयूष गुप्ता
Current Affairs Daily Quiz In Marathi-4 Auguest 2021
संरक्षण बातम्या
11. आयएएफ मध्ये राफेल विमानांच्या दुसऱ्या तुकडीचा समावेश
- भारतीय हवाई दलाने (आयएएफ) पूर्व बंगालच्या हसीमारा हवाई तळावर ईस्टर्न एअर कमांड (ईएसी) मध्ये राफेल विमानांच्या दुसऱ्या तुकडीचा समावेश केला.
- पाच राफेल विमानांची पहिली तुकडी 29 जुलै 2020 रोजी भारतात आली, भारताने फ्रान्ससोबत 59,000 कोटींच्या किंमतीत 36 विमाने खरेदी करण्यासाठी आंतर-सरकारी करार केला आहे.
- फ्रेंच एरोस्पेस प्रमुख दसॉल्ट एव्हिएशनने राफेल विमानांची निर्मिती केली आहे.
12. ऑर्डनन्स फॅक्टरीने ‘त्रिची कार्बाइन’ हे नवीन शस्त्र आणले
- तामिळनाडूमधील ऑर्डनन्स फॅक्टरी तिरुचिरापल्ली (ओएफटी) ने ट्रायका (त्रिची कार्बाइन) नावाचे एक नवीन उच्च-तंत्र आणि कमी ध्वनी शस्त्र आणले आहे, जे त्रिची असॉल्ट रायफल (टीएआर) ची छोटी आवृत्ती आहे.
- ओएफटीचे महाव्यवस्थापक संजय द्विवेदी, आयओएफएस (इंडियन ऑर्डनन्स फॅक्टरी सर्व्हिस) यांनी एका कार्यक्रमात त्याचे अनावरण केले.
विज्ञान आणि तंत्रज्ञान बातम्या
13. इएसए ने युटेलसॅट क्वांटम उपग्रह प्रक्षेपित केला
- युरोपियन स्पेस एजन्सी (ईएसए) ने ‘यूटेलसॅट क्वांटम’ हा जगातील पहिला व्यावसायिक पुन: प्रोग्राम करण्यायोग्य उपग्रह फ्रेंच गियाना येथून एरियन 5 रॉकेटद्वारे अंतराळात प्रक्षेपित केला. उपग्रह ऑपरेटर युटेलसॅट, एअरबस आणि सरे उपग्रह तंत्रज्ञानासह युरोपियन स्पेस एजन्सीने या उपग्रहाची निर्मिती केली आहे.
- एक पुन: प्रोग्राम करण्यायोग्य उपग्रह वापरकर्त्याला कक्षामध्ये प्रक्षेपित केल्यानंतरही ते पुन्हा वापरण्याची परवानगी देतो. वापरकर्त्याच्या बदलत्या हेतूंनुसार ते त्याच वेळेत पुन्हा प्रोग्राम केले जाऊ शकते.
- क्वांटम उपग्रह 15 वर्षांच्या आयुष्यादरम्यान डेटा ट्रान्समिशन आणि सुरक्षित संप्रेषणाच्या बदलत्या मागण्यांना पश्चिम आफ्रिकेपासून आशियापर्यंतच्या क्षेत्रांना प्रतिसाद देण्यास सक्षम आहे.
सर्व स्पर्धा परीक्षांसाठी उपयुक्त माहिती:
- युरोपियन स्पेस एजन्सी ही 22 सदस्य देशांची आंतरसरकारी संस्था आहे
- युरोपियन स्पेस एजन्सीची स्थापना 1975 मध्ये झाली आणि मुख्यालय पॅरिसमध्ये आहे
पुस्तक आणि लेखक बातम्या
14. कॅप्टन रमेश बाबू यांचे “माय ओन माझगाव” पुस्तक
- कॅप्टन रमेश बाबू लिखित “माय ओन माझगाव” नावाचे नवीन पुस्तक इंडस सोर्स बुक्सने प्रकाशित केले आहे. या पुस्तकात माझगाव इतिहास आणि कथा आहे.
- कॅप्टन रमेश बाबू माझगाव डॉक येथे भारतीय नौदलाची सेवा केल्यानंतर मुंबईतून निवृत्त झाले. कॅप्टन बाबूंनी लिहिलेली इतर पुस्तके: “आफ्टर यू सर: अ कलेक्शन ऑफ स्कूल स्टोरीज” आणि “कालीकत हेरिटेज ट्रेल्स”.
15. संजय गुब्बी यांनी ‘लेपर्ड डायरीज – द रोझेट इन इंडिया’ पुस्तक
- वन्यजीव जीवशास्त्रज्ञ, संजय गुब्बी यांनी बिबट्याविषयी ‘लेपर्ड डायरीज – द रोझेट इन इंडिया’ नावाचे पुस्तक लिहिले, ज्यात ते बिबट्या -मानवी संघर्षावर मात करण्याच्या सूचनांसह त्याच्या खाण्याच्या सवयी, पर्यावरणीय संदर्भ आणि बिबट्याच्या संवर्धनाबद्दल सांगतात.
- वेस्टलँडने हे पुस्तक प्रकाशित केले आहे.
- सरकारच्या अहवालानुसार, मध्य प्रदेशात बिबट्यांची संख्या सर्वाधिक आहे, जे देशात अंदाजित एकूण संख्येच्या सुमारे 26 टक्के आहे.
विविध बातम्या
16. शेरोझ काशिफ: के 2 शिखर सर करणारा जगातील सर्वात तरुण गिर्यारोहक
- 19 वर्षीय लाहोर, पाकिस्तानचा गिर्यारोहक शेरोझ काशिफ 8,611 मीटर उंचीच्या जगातील दुसऱ्या क्रमांकाचे सर्वात उंच शिखर के 2 वर चढाई करणारा जगातील सर्वात तरुण व्यक्ती ठरला आहे.
- काशिफच्या आधी, महान गिर्यारोहक मोहम्मद अली सडपारा यांचा मुलगा साजिद सडपारा, वयाच्या 20 व्या वर्षी के 2 वर चढणारा सर्वात तरुण व्यक्ती होता.
- काशिफने वयाच्या 17 व्या वर्षी जगातील 12 वे सर्वात उंच शिखर ब्रॉडही गाठले होते. या वर्षी मे महिन्यात तो एव्हरेस्ट सर करणारा सर्वात तरुण पाकिस्तानी बनला.
सर्व स्पर्धा परीक्षांसाठी उपयुक्त माहिती:
- पाकिस्तानची राजधानी: इस्लामाबाद
- पाकिस्तानचे अध्यक्ष: आरिफ अल्वी
- पाकिस्तानचे पंतप्रधान: इम्रान खान
- पाकिस्तान चलन: पाकिस्तानी रुपया
Daily current affairs in Marathi (दैनंदिन चालू घडामोडी) मुळे आपल्याला MPSC State Service, MPSC Group B, MPSC Group C, Saral Seva Bharati, Talathi, Police Constable, RRB, अशा अनेक स्पर्धापरीक्षांमध्ये विचारण्यात येणाऱ्या चालू घडामोडीवर आधारित प्रश्नांची तयारी करण्यास मदत होणार आहे तसेच Daily current affairs in Marathi (चालू घडामोडी) मुळे आपल्या सामान्य ज्ञानात वृद्धी होऊन परीक्षाभिमुख अभ्यास करण्यास सहाय्य होणार आहे.
Adda247 मराठी App | Add247Marathi Telegram group
YouTube channel- Adda247 Marathi
केवळ सरावच परीक्षेत चांगले गुण मिळण्यास मदत करू शकतो
